Vitamin A ke symptoms, side effect, source aur benefit

 

vitamin a benefits

Vitamin A kya hai? ( विटामिन ए क्या है ?) : 

Hamare shareer ko jin poshak tatvo ki sabse jyaadah jaroorat hai, unme vitamins ka behad mahtav hota hai. Jinme vitamin-A ek power full anti oxidant hai, jo hamare aankho, tavcha, bones aur yeh pure metabolism ke liye bahut jaroori hai. Kisi bhi tarah ka anti oxidant hamare body me banne wale dangerous free radicals se ladte hai aur samay se pahle hone wale budhape (old age) se bhi bachate hai. Isliye vitamin-A ko apne diet me jaroor shaamil kare. Isliye ham aaj aap ko vitamin-A ke lakshan, source, benefits aur iske side effect bataenge jiski help se aap khud ko healthy rakh sakengi.

Vitamin A ke lakshan kya hai :

Vitamin-A ki kami se hamare shareer me  bahut saari samasyaen ho sakti hai. lekin vitamin-A ki kami hone par iska bura asar hamare aankho par, pregnancy ke samay aur skin par bura asar hota hai. isliye apne diet me vitamin-A ko sahi matra me jaroor shaamil kare.

Aankho par:

Vitamin-A ki kami khaastaur par hamare khaan-paan ka sahi na hone se hota hai. Saamany drshti (general eye) ke liye vitamin-A ka jaroori roll hota hai. Iski kami se  gambheer drishy hani (serious visual impairments) ho sakti hai. Vitamin-A ki kami se cornea ki motai badh sakti hai aur agar samay par iska treatment na ho to, aankhe puri tarah se kharab ho sakti hai.

Pregnancy:

Pregnant ladies ko apne diet me vitamin-A ko jaroor shaamil karna chahiye , khaaskar agar wo pregnancy ke aakhiri timahi ( the last quarter ) me ho to vitamin-A ko lena bahut jaroori hota hai, kyoki un dino me sabse jyaada vitamin-A ki jaroorat hoti hai. Vitamin-A ki kami se night blindness ho sakta hai.

Samay se pahle tavcha ko nuksaan ( Premature skin damage):

Vitamin-A ki kami se skin bhi kharaab ho sakti hai. Agar sahi se vitamin-A ko na liya jaye to skin ke upari parat ke epithelial cells se nami khatam ho jaati hai aur skin sakht aur rukhi ho jaati hai. Iske liye zaroori hai ki Vitamin A ko apne daily diet me shaamil kare.

vitamin a ke liye kya khana chahiye

Vitamin A ke source kya hai ( विटामिन ए के स्रोत क्या है?) :

Vitamin-A ke jaroori source hai anda, dudh, liver, gajar aur hari pattidaar sabjiyaan aur bhi aise bahut saare source hai jin me vitamin-A paya jaata hai. vitamin-A khaastaur par 2 rupo me milta hai-

Active vitamin-A:

Yeh retinol ki naam se jana jata hai, animals se paye jaane wali khaane-peeni ke chijo se milta hai. Iski khasiyat yah hai ki yah seedhe shareer dvaara upyog me le liya jata hai.

Beta carotene:

Ise “Provitamin-A” yani carotenoids ke naam se jana jata hai, jo shareer dvaara pahle retinol me convert ho jata hai phir shareer me istmaal hota hai. Beta carotene ek tarah ka carotenoids hai, jo plant me paya jaata hai. Shareer dvaara upyoog me laye jaane ke liye pahle ise active vitamin me badla jaata hai. Shareer me vitamin-A ki kami na ho, iske liye hame santulit aahar (well-balanced diet) lene  chahiye, jisme bharpur matra me fruit, vegetable aur saabut anaj (whole grains ) ho.

vitamin a sabse jyada kisme paya jata hai

Vitamin a ke fayde ( विटामिन ए के फायदे ) :

1-Najar ko kamjoor hone se bachaye:

Umar bitne par aankho ki maansapeshiyaan (Muscles) kamjoor ho jaati hai. Beta carotene plant me paye jane wala vitamin-A ka roop hai muscles degeneration ko rokne me bhumika nibhata hai. Aankho me dryness ki problems ho, to vitamin-A eye drop se fayda hota hai.

2-Immune system ko strong karta hai:

Hamare shareer ke immune system ka kaam vitamin-A par depend hai. Vitamin-A ko isiliye sabse important  immune booting vitamin kaha jata hai. Immune response me shaamil genes ko vitamin-A ki help se control kiya jata hai, jiska matlab hai ki cancer aur autoimmune diseases jaise serious conditions se ladne ke liye jaroori hota hai. Beta-carotene kai tarah ke purani bimaariyon se bachaata hai. Bachche health rahe, iskeliye unki diet me vitamin-A ka hona khaas taur se jaroore hai.

3- Inflammation yaani sujan ko kam kare:

Vitamin-A jaisa antioxidant nuksaan pahunchaane vale free radicals ko beasar karne ka kaam karta hai, taaki cells wa tissue ko koi nuksaan na ho. Immune system jab khaane ke protein se over react karta hai, to food allergies aur phir inflammation ho jaata hai. Yeh cells ko over react hone se rokta hai, taaki allergies wa painful inflammation na ho. Inflammation me kame aane ki wajah se neuro degenerative diseases jaise Alzheimer’s disease aur Parkinson’s disease ke khatre ko bhi kam karta hai.

4- Skin health ke liye jaroori:

Wound healing aur skin re-growth me vitamin-A madadgaar hota hai. Vitamin-A ki kami se rangat me bhi kami aa jati hai. Research ke basis par yah dekha gaya hai ki vitamin-A acne, wrinkle aur bhi kai problems se bachata hai, kyonki yah collagen ko banane me helpful hota hai. Isse skin youthful dikhti hai. Baalo ke health ke liye vitamin-A faydemand hai.

5- Cancer se bachav me madad (Helps prevent cancer):

Vitamin-A unsaturated nutritional organic compound ka group hai, jisme retinoic acid bhi hai. Retinoic acid koshikaon ki growth aur cancer ke treatment me helpful hota hai. Ek research me lung, prostate, breast, ovarian, bladder, oral aur skin ke cancer me retinoic acid se fayda pahunchate dekha gaya hai. Jabki retinoic acid ke high dose lena cells ke liye harmful hai, isliye vitamin-A ke liye iske natural source par he depend rahna behtar hai.

Vitamin a ke side effect kya hai ( विटामिन ए के नुकसान क्या है ? ) :

Vitamin -A ke bahut saare fayde hote hai,  lekin vitamin-A ko jyadah matra me lene se iske side effect bhi ho sakte hai jaise headache, dekhne me problem, thaakavat (exhaustion), hair fall, pain in bone aur joint, liver, skin ka kharaab hona aur bhi bahut saari problems ho sakti hai. Isliye hamesha koi bhi supplement le to doctor se jaroor puch le.

Yah hai vitamin-A ke fayde, nuksaan, source aur iske lakshan jo aap ke health se jude hai. Aap bhi apni routine me ise shaamil kare aur khud ko healthy rakhe. Lekin koi bhi supplement lene se pahle doctor ki advice jaroor le yah aap ke liye bahut jyada jaroori hai. Agar aap ko iss post se juda koi bhi sawal puchhna hai to aap hamse puchh sakte hai. Agar aap ko hamara yah post pasand aaya ho to ise like aur ise share karna na bhule…..Thank you.

Leave a Reply

Your email address will not be published. Required fields are marked *