Ubtan Banane ka Tarika in Hindi

natural beautiful girl

Ubtan banane ka tarika in hindi:

Ubtan ki prampara bahut purani hai. Pahle ubtan ka sabse jyada istmaal dulhan ke liye kiya jata tha. Lekin aap chahe to iska istmaal kisi bhi waqt kar sakti hai. Ghar par bane ubtan ke regular istmaal se skin mulayam aur chamakdaar hoti hai. Ubtan lagane ke liye kisi khaas mauke ka intzaar karne ki jaroorat nahi, jab bhi aap ko samay mile ise laga le. Ubtan banane ke liye saare saman aap ke kitchen me maujood hota hai. Ise banane me bahut kam samay lagta aur paise ki bhi bachat hoti hai. Ubtan ka asar face par der tak rahta hai. Isliye ham aap ko ubtan banane ka gharelu nuskha batayenge jisse aap natural nikhaar pa sakte hai.

Tavcha par prakratik nikhaar:
Ubtan me bahut saari harbal samagri hoti hai, is wajah se ise face par lagane ke kuch he der baad iska asar najar aata hai. Iske istmaal se face par koi side effect nahi hota hai. Ubtan ke daily istmaal se tanning ki problem door hoti hai. Agar aap ki skin bejaan lagti hai, to aap regular besan ka ubtan lagaye. Yah aapke chahre se mrat koshikao (cells) ko hata kar us par nikhaar lane ka kaam karta hai.

Ubtan ke istmaal se khatam kare chahre ke baal:
Agar aap ke face par baal hai aur aap chahre ke baalo se preshaan hai to regular ubtan lagakar is problem se chhutkara paya ja sakta hai. Is liye ham aap ko is anchahe baalo se chhutkara dilane ke liye ek home made remedies batayenge jiske istmaal se aap baalo se chhutkara pa sakte hai:

Masoor ki daal ka ubtan:
Chahre se baalo ko kam karne ke liye masoor ki daal me orange peel ka powder aur gulab jal milakar paste banaye. Ab is paste ko apne pure face aur neck par lagaye aur dheere-dheere golai me maalish kare. Yah paste paani se aasani se saaph nahi hota hai, ise saaph karne ke liye olive oil lagakar golai me chahre ki maalish kare. Iske regular istmaal se baalo ki jadhe kamjoor hone lagti hai aur dheere-dheere se chahre se saare baal saaph ho jate hai. Par, is mishran ko lagate hue ise bahut tezi se ragde nahi, halke haantho se he pure chahre aur neck ki maalish kare.

Ubtan se door kare daag-dhabbo ko:
Ubtan ke regular istmaal se chahre ke daag-dhabbe door ho jate hai, phir chahe wo acne ka daag ho ya phir koi aur nishaan. Pigmentation ke nishaan ko saaph karne me bhi ubtan ka istmaal sabse achcha hota hai. Tez dhup me jhulsi tavcha ko bhi rahat milti hai. Daag-dhabbe hatane ke liye ubtan banate samay usme lemon juice dal de. Neembu natural bleach ka kaam karta hai. Daag-dhabbo ko door karne ke liye kuch hafte tak lagatar yah ubtan lagaye.ubtan face girl

Kaise banaye ubtan:

Aap jab bhi koi paste banaye to aap ko kitni matra me banana hai iska hissab apni jaroorat ke mutaabik le. Aap jab bhi koi ubtan banaye to iski samgri ka chayan apni tavcha ke natural ke bases par kare. Maanle aap ki skin dry hai, to ubtan banate waqt usme olive oil jaroor dalen, isse tavcha ka rukhapan kam hoga.

1: Atte ka ubtan:

Atte ka ubtan banane ke liye aata, haldi powder, chandan powder (sandalwood), dudh aur gulab jal ko ek saath achchi tarah se mila kar paste bana le. Yah na to bahut jyada patla ho aur na he bahut jyada gadha ho. Ubtan lagane ke baad jab yah sukh jaye, to chahre ko gungune paani se dho le.

2: Neem ka ubtan:

Agar aap ki skin dry hai, to aap iske liye neem powder, orange peel powder, lemon juice aur badaam ke powder ko dalkar achchi tarah se mix kare. Ab ise apne puri face par lagaye. 15-30 minute baad halke haantho se scrub karte hue paani se dho le.

3: Sarson aur methi ke daano ka ubtan:

Sarson ke daane, 1/2 chammach methi dane, dudh, chandan, 4-5 kesar ki pattiyan aur 1 kapoor ki tikki ko mila kar bareek pees le aur iska paste bana le. Ab ise apne face par lagaye aur 20-30 minute baad face ko paani se dho le. Is lep ko tavcha par lagane se skin komal aur khoobsurat ho jaati hai.

4: Jau ke atte ka ubtan:

Jau ke atte ka lep lagane se skin mulayam ho jati hai aur face par ek nayi chamak aa jati hai. Jau ke atte ka lep banane ke liye, 2 chammach jau ka atta, 1 chammach sarson ka tel, thodi si haldi aur dudh ko mila kar ghadha paste bana le. Is lep ko skin par lagane ke baad ise 20-30 minute ke baad halke haantho se scrub kare aur phir paani se dho le.

5: Besan ka ubtan:

2 chammach  besan, 1/2 chammach haldi, 1 chammach chandan powder, 1 chammach masoor ke daal ka powder, 2 chammach dudh aur 1/2 chammach lemon juice dalkar in ka bareek paste taiyaar kare. Phir ise apne face aur neck par lagaye. 20-30 minute baad chahre ko paani se dho le.

6: khaskhas powder ka ubtan:

1/2 chammach dudh, 4-5 kesar, 1-1/2 chammach khaskhas powder, 1 chammach besan, thoda sa haldi, 1 chammach atta dalkar paste taiyaar kare. Ab ise chahre par lagaye aur 15-20 minute baad chahre ko paani se dho le.

Aap bhi ubtan ka istmaal kar ke natural nikhaar aur chamak la sakti hai. Iske koi side effect bhi nahi hote hai aur chahre par glow bhi aa jata hai. Lekin agar aap ko kisi bhi cheej allergy hai to aap uska istmaal na kare. Aap chahe to kisi expert se advice le sakte hai. Tab aap kisi remedies ko istmaal me laye. Agar aap ko hamari yah home remedies pasand aayi ho to ise like aur share jaroor kare aur is poste se related koi bhi sawal aap hame comment kar sakti hai.¬†¬†Thank you…....

Have a nice day & night…

Leave a Reply

Your email address will not be published. Required fields are marked *