Summer Mein Chahre Ki Khoobsurti Badhane Ke Liye Kis Tarah Se Kare Facial

Summer-Mein-Chahre-Ki-Khoobsurti-Badhane-Ke-Liye-Kis-Tarah-Se-Kare-Facial

Garmi ke mausam mein hamare chahre ka bura haal ho jata hai. Garmi ke mausam mein suntan, dhulmitti, pollution aur oily hone ki problems sabse jyada hoti hai, jiski wajah se skin par pimple, acne, dryness, anti ageing ki problem hoti hai. Jiski wajah se hamare skin ki chamak aur khoobsurti kho si jaati hai. Inhi problems ko door karne ke liye facial karne ki zaroorat padti hai. Garmi ke mausam mein facial karne ke liye kam se kam 1 ghante ka samay nikalna chahiye taki ham ghar par baith kar aaram se facial kar sake. Summer Mein Chahre Ki Khoobsurti Badhane Ke Liye Kis Tarah Se Kare Facial. 

Read also : Activated Charcoal Kya Hai Aur Uske Kya Kya Fayde Hai

1: Fruit And Vegetable Facial In Hindi ( फ्रूट और वेजिटेबल फेसिअल) :

Kai sari aesi vegetables aur fruits hoti hai jo skin ke nikhaar aur health ke liye faydemand hoti hai. Agar aapki skin dry hai, to aap fresh fruit aur vegetable ke juice aur pulp ka istmaal kar sakti hai. Hamesha apne skin ke according cleansing milk lagaye.

Agar aapki skin oily hai, to aap derma cleanser aur lemon mint cleanser ka istmaal kare. Isse aapki skin clean rahe gi aur oily glandes ki sakriyta bhi kam hogi.

Normal se dry skin ke liye badaam yuqt cleanser ka istmaal kare. Fresh fruits aur vegetables ka juice taiyaar kare. Iske liye aap vegetable aur fruit mein aalu, kakdi, beetroot aur tomato ka istmaal kare. Facial massage cream aur scrub mein aap iss fresh juice ko mix karke face ki maalish kare. Mausami phalo ke pulp mein jamaye ice cubes se face massage kare. Aakhri mein multani mitti mein fruit wa sabjiyon ka juice mila kar lagaye. Ab khire ya aalu ka gol tukda gulab jal mein dubo kar aankho par rakhe. Ise 15 minute tak sukhne de aur phir paani se chahra dho le.

Read also : Pimple Aur Acne Hone Ki Wajah Aur Use Door Karne Ke Gharelu Nuskhe

2: Aroma Facial In Hindi ( अरोमा थेरेपी फेशियल ) :

Aroma oil tarah tarah ki vanaspatiyon aur flower se taiyaar hone wala wah oil hai, jiska istmaal skin aur hair products mein kiya jata hai. Aroma oil se na sirf skin par freshness dikhti hai, balki man se tanav bhi door hota hai aur isse nend bhi achhi aati hai. Iss tarah ka facial karte waqt pressure point par har finger ka dabao depend karta hai.

Iss tarah ke facial mein do tarah ke oil ka istmaal kiya jata hai-

Aroma aur carrier oil. Carrier oil mein khushboo nahi hoti. Iss baat ka hamesha khayal rakhe ki kis tarah ke skin ke liye kaun sa oil istmaal kare. Carrier oil mein jyadatar almond oil ka istmaal kiya jata hai.

Neroli oil normal se dry skin ke liye istmaal hota hai, jabki mint, tulsi, rose, lemon, lemon grass jaise essential oil oily skin ke liye istmaal hote hai.

Read also : How to Remove Tan at Home in Hindi

Fruit-And-Vegetable-Facial-In-Hindi

3: Anti pollution facial kaise kare :

Pollution hamare skin ko damage aur nuksaan pahunchate hai. Isiliye pollution ka asar kam karne ke liye oxygen facial normal se dry skin ke liye asardaar hai. Isse skin ki dead cells nikal jati hai. Ab cleanser se chahra saaf kare. Iske baad oxygen facial cream laga kar 10 minute tak laga rahne de. Isse cream skin ke ander tak ghul jaye ga. Iske baad 3-4 minute tak chahre par steam kare. Jab skin naram ho jaye, tab blackhead aur whiteheads remover ki readymade pattiyan naak par rakhe. Kuch deer baad ise kheench kar ke nikal le, jis tarah se waxing strip nikale jati hai. Iske baad prabhavit jagah par astringent lotion lagaye, jisse skin ki kasavat bani rahe aur oily glands kam active ho. Ab aap oxygen facial cream se kam se kam 20 se 25 minute tak self massage kare. Uske baad ice mal kar pack lagaye.

Read also : How To Take Care Of Skin In Summer Home Remedies

4: Anti pimple facial kaise kare :

Sabse pahle lemon aur mint yuqt cleanser se chahra clean kar le. Phir anti pimple scrub se deep cleanser kare. Ise chahe, to aap ghar par bhi bana sakti hai. Iske liye masoor daal ka powder, dahi, neem oil ki ek ya do boond, tulsi ka ras aur jau ka atta milaye. Ab ise apne chahre par lagaye aur ise 10 minute tak laga rahne de. Phir kuch deer baad ise dho le.

Naak aur chin ke oopar blackhead remover strip lagaye. Massage cream mein 2-3 boond lemon juice aur ek boond mein neem oil ko bhi milaye. Ab isse chahre wa neck ki massage kare. Waise pudina aur lemon ke sat se taiyaar facial bhi market mein available hai. Lemon cream ke sath thodi si mint gel bhi mila sakti hai. Yah facial oily skin ke liye hai. Massage karne ke baad lemon yuqt pack lagaye.

Read also : Beauty Treatment at home in Hindi

Anti-aging-face-pack-a- home-in-hindi

5: Anti aging face pack at home in hindi:

Mouth line aur aankho ke aas pass maheen rekhaye rahna aam baat hai. Aise mein mahine mein ek baar anti ageing facial zaroor karaye. Chahre, neck, breast ke oopari bhaag ko badaam yuqt cleanser se saaf kare. Iske baad aap homemade scrub lagaye. Scrub ke liye aap badaam ka chura, jau ka atta, honey aur dahi mila kar paste taiyaar kare aur ise apne chahre par achhi tarah se lagaye. Ise 10 minute tak laga rahne de aur phir 10 minute baad halke haantho se chahre par malen. Phir chahra thande paani se dho kar thapthapa kar sukha le.

Almond butter, shea butter ya coca butter yuqt facial massage cream se chahre, neck, peeth (back) aur breast ke oopari hisse ki maalish kare. Gulab ki pankhudiyan dalkar paani garam kare. Isme towel bhigo kar nichod kar halka thanda hone par chahre par rakhe. Naak par blackhead remover strip rakhe. Anti ageing face mask lagaye. Egg white aur honey mila kar lagaye. Face serum lagaye.

Read also : How To Take Care Of Skin In Rainy Season

6: Coconut facial in hindi :

Badi umr ya dry skin ke liye coconut facial asardar hai. Coconut oil chahre par malen aur gili nichode cotton se chahra saaf kare. Scrub ke liye baking soda aur coconut oil mix karke chahre par lagaye. Halke haanth se malen aur chahra gungune paani se dho le. Facial massage cream mein anti ageing serum ki kuch boonde aur coconut oil mix karke maalish kare. Coconut ka milk, jau ka atta aur honey mila kar pack banaye.

Read also : Barsaat Ke Mausam Mein Baalo Ki Dekhbhal Karne Ke Asan Tarike

7: Lacto facial :

Yah normal skin ke liye achha hota hai. Iske liye sabse pahle kachche dudh se chahra saaf kare. Phir scrub lagaye. Scrub mein aap dudh, dahi, jau ka atta, haldi powder aur honey milaye. Ise apne chahre par lagaye aur ise 10 minute tak laga kar rakhe. Halke haanth se male aur chahra paani se dho le. Uske baad dahi, egg white mila kar chahre par lagaye aur ise 20 minute tak laga kar rakhe. Phir chahra dho le.

Read also : Garmi Me Aap Apne Skin Ki Care Kaise Kare

HAVE A NICE DAY AND EVENING…..THANK YOU……

Leave a Reply

Your email address will not be published. Required fields are marked *