Skin Care Before and After Playing Holi in Hindi

Skin Care Before and After Playing Holi in Hindi

HAPPY HOLI……HOLI KI HARDIK SHUBHKAMNAYE…..

Holi India ki sabse jyadah popular festival hai, balki yah India ka he nahi worldwide festival hai jise pure world me khoob khela jata hai. Lekin iss din tarah-tarah ke chemical ke istmaal se baal aur skin par bahut bura asar hota hai, aise me iss din ane baalo aur skin ki care karna aur bhi jyada zaroori ho jata hai. Iss liye ham aaj aap ko holi ke color ke side effect se bachne ke kuch homemade remedies ke bare me bateynge, jisse aap apni skin aur hair ki care kar sakte hai.

Read also :  Balo ko Silky aur Shiny karne ka Tarika

Skin care before playing Holi :

1: Jab bhi holi khele to herbal gulaal se he holi khele. Lekin holi me skin aur hair ki care kar pana mumkin nahi hai. Isliye khud ko holi ke color se bachaye ya holi khelne se pahle skin aur hair ka khayaal rakhe.

2: Chahre aur khule hue ango par coconut oil ya sarson ka tel lagayen. Isse aap ki skin par nami bani rahengi, jisse aap ki skin safe bhi rahegi. Oil lagane se koi bhi color aap ki skin par koi bura effect nahi dalegi. Ek baat ka aur khayal rakhe ki aap apne kaan ke pichhe wale hisso aur naak ke aas-pass jaesi jagho par oil achchi tarah se laga le.

3: Face par olive oil aur hair me sarson ka tel laga le. Oil lagane ke baad baalo ko fold kar le. Agar aap ke baal chhote hai, to unme oil laga kar ponytail bana le. Aap chahe to apne baalo ko scarf se bhi cover kar sakti hai. yah aap ke baalo ke liye bahut achcha hai.

4: Apne nails ki care karne ke liye apne haantho aur pairo ke nail par apni favorite nail paint lagaye. Isse aap ke nail secure rahe. Cuticles safe rahenge aur nakhuno ke kone-kone me rang nahi jamenge. Agar aap nail paint nahi lagana chahti hai, to aap sirf transparent top coating bhi laga sakti hai.

5: Koi bhi trendy color jaise green, orange, yellow nail paint lagaye. Gulaal khelte samay haanth aur bhi jyada khoobsurat lage ge.

6: Aap colorful bangles bhi dress ke saath pahan sakti hai. Isse aap ki kalaiyan secure rahengi aur khoobsrti bhi dekhegi.

Read also : How to Remove Tan at Home in Hindi

Skin Care Before and After Playing Holi in Hindi

Skin care after playing Holi :

1: Sukhe gulal ko skin se jitna ho sake saaf kar le. Uske baad malmal ke kapde ya cotton ko kachche dudh me bhigo kar usse face, neck, ear jaise naajuk jaghon ko saaf kare. Kaan saaf  karne ke liye earbud ki help le. In jagho par oil pahle se he lagaker rakhe, taki color ko remove karne me aasani ho. Holi khelne ke baad aap ubtan lagaye, jisse rang aasani se chhut jaye.

2: Agar aap homemade ubtan banana chahti hai to iske liye cream wa atte ka gadha ghol banaye. Ise apne skin par lagaye aur kuch deer tak ruke. Halka sukhne ke baad male aur halke haantho se scrub kare. Cream wa atte se skin ko poshan milega aur aate se skin par rashes nahi honge.

3: Besan, dahi, sarson ka tel aur haldi mila kar ubtan banaye. Ise apne skin par lagaye aur 10-15 minute tak laga ker rakhe. Sukhne ke baad halke haantho se scrub kare aur ise dho le. Iss ubtan me aap chahe to mint ya tulsi (holy basil) ki fresh pattiyon ka paste bhi mila sakti hai. Isse skin par color se rashes ki problem nahi hogi.

4: Aap chahe to besan ki jagah jau ka atta bhi istmaal kar sakti hai. Agar aap ki skin dry hai, to aap iske liye honey, almond ka paste, gulab ka paste, jau ka atta aur orange peel powder ka  istmaal kare. Ise gholne ke liye dahi wa dudh ka istmaal kar sakti hai.

5: Kohni aur ghutane (elbow and knee) jaise jagho par rang ko hatane ke liye lemon, chini aur thoda sa oil mila kar scrub kare . Ise tab tak ragde jab tak chini ghul na jaye. Isse aap ki skin saaf ho jayegi aur rang puri tarah se nikal jayegi.

6: Haantho aur pairo par coconut oil yuqt scrub ka istmaal kare. Coconute oil me thodi si chini mila kar natural scrub banaye. Ise apne haantho wa pairo par lagaye. Tab tak scrub kare jab tak chini puri tarah se ghul na jaye. Isse aap ki skin par glow aayiga aur color bhi chhut jayega.

7: Rang khelne ke baad naakhuno se turant nail paint nikale. Isse aap ke nakhuno ke  kone-kone se color ko nikalne me jyada problem nahi hogi. Ab aap nail paint remover se nail color ko hataye. Aap ke haanth- pair saaf ho jayenge.

8: Baalo ko shampoo se saaf kare aur halka sukhne par hair pack lagaye. Hair pack ke liye 2 ande ka safeed bhaag le aur ise apne hair par lagaye. Aap chahe to sirf dahi ya methi powder ko paani me ghool kar lagaye. Ise 30 minute tak laga kar rakhe aur baalo ko bina shampoo lagaye paani se dho le.

9: Agar aap hair pack nahi lagana chahti hai, to kisi achchi company ka hair mask istmaal kare. Isse aap ke baal mulayam aur chamakdaar ho jayenge.

10: Chahre se rang hatane ke 2 din baad facial karaye, to color se parbhavit skin phir se healthy ho jayegi. Isi tarah parlour se spa karaye, jisse color ke side effect se hair ki problem door ho jaye gi.

Read also : Homemade Hair Conditioner in Hindi

To aaj hamne aap ko bataya ki aap holi ke din kaise apne skin aur hair ki dekhbhaal kare. To aap bhi in tips ko follow zaroor kare aur apne skin ka khayal rakhe. Holi ko enjoy kare.

Agar aap ko hamari yah tips pasand aayi ho to iss par like aur comment zaroor kare.

ONCE AGAIN HAPPY HOLI…

HAVE A NICE DAY AND EVENING…..THANK YOU….

Leave a Reply

Your email address will not be published. Required fields are marked *