Sir Ke Baalo Aur Scalp Ki Dekhbhal Karne Ke Liye Tips Aur Gharelu Nuskhe

how-to-care-hair-and-scalp-in-hindi

Jis tarah se ham apne skin ki dekhbhaal har mausam mein karte hai. Usi tarah hame apne balo ki dekhbhal bhi har mausam mein karni chahiye. Taki we healthy, strong, long aur shiny najar aaye. Aajkal dhool-mitti, dhoop, pollution aur badhti umr ke saath baalo ka bura haal ho jata hai. Jiski wajah se baalo ka jhadna, samay se pahle baalo ka safeed ho jaana jaise problems paida ho jati hai. Hame apne hair aur scalp ki dekhbhal karne ke liye achhe shampoo aur hair conditioner ka istmaal karna chahiye, jisse hamare baal hamesha clean rahe. Baalo mein shampoo aur conditioner ke saath he hair aur scalp ke liye gharelu upay bhi karne chahiye, taki we healthy rahe. Sir Ke Baalo Aur Scalp Ki Dekhbhal Karne Ke Liye Tips Aur Gharelu Nuskhe

Read Also : Natural Hair Sunscreen To Protect Your Hair From Sun, Humidity And Heat

Kaise Rakhe Scalp Aur Baalo Ko Surakshit :

hair-care-tips-at-home-in-hindi

1: Hamesha apne baalo ke type ke mutabik detergent free shampoo chune. Oily scalp ke liye, dry hair ke liye aur normal hair ke liye alag -alag shampoo hote hai. Isse scalp mein nami ka balance sahi rahta hai.

2: Shampoo karte samay shampoo ko jara se paani mein ghool kar pahle dilute kare, yani paani mein shampoo dal kar patla kar le taki baalo ko jyada nuksaan na pahunche. Ise apne baalo ki jado par lagaye aur do baar iss tarah laga kar dhone ke baad conditioner lagaye. Hair conditioner hamesha baalo ki jado ko chhod kar he lagaye. Conditioner lagane se baal suljhe aur sanwre rahte hai. Agar aap apne baalo ko bouncy aur shiny banana chahti hai to yah tips padhe- How To Get shiny And Bouncy Hair At Home

3: Hafte mein do baar se jyada shampoo ka istmaal na kare. Aisa karne se baal ki chamak barkarar rahe gi aur we jaldi safeed bhi nahi hoge.

4: Shampoo plus conditioner wale shampoo lagane ke baad bhi baal bahut rukhe hai ya namkeen paani ki wajah se baal dry ho rahe hai, to extra conditioner lagane ki zaroorat hoti hai.

5: Apple vinegar mein acid ki matra jyada hone ki wajah se baalo mein extra shine lata hai. Iske liye, paani mein thoda sa apple vinegar  dalen, jisse yah dilute ho ga. Shampoo karne ke baad isse baal dho le. Mahine mein 1 ya 2 baar aisa kare. Isse aapko dandruff bhi pareshaan nahi kare ga.

Read Also : Color Kiye Hue Baalo Ki Dekhbhal Karne Ka Sahi Tarika Kya Hai

6: Coconut mein baalo ko paushtikta pradan karne ke liye paryaapt protein hota hai. Iske liye do bade chammach coconut ka milk gunguna kare. Ise zaroorat se jyada garam na kare ise halka gunguna he kare. Gungune dudh mein baalo ki jado mein maalish kare aur garam paani mein towel dubo kar nichode aur sir par lapeet le. Aisa 3 baar kare. Iske baad baalo ko yo hi raat bhar rahne de. Subah paani se dho kar baalo mein conditioner lagaye.

7: Market mein kai hair products par freeze free likha hone ke bawajood we baalo ke liye bahut hard sabit hote hai. Isi liye yah aur bhi zaroori ho jata hai ki hair aur skin product kisi achhe beauty store ya hair salon se he kharide, In products mein alcohol jaisi chije nahi hoti hai.

8: Hamesha mausam ko dekhte hue hair product badle. Aapke liye kaun sa best hair product hai, yah ek baar salon expert se zaroor punchh le. Wah aapke hair type ko dekh kar aapko sahi product chunne mein madad kar payen ge.

9: Dhoop aur tez havaon se baalo ko surakshit rakhe. Iske liye scarf ka istmaal kare. Dhoop aur tez garmi se baalo ko bachaye. Baalo ko bachane ke liye cotton kapde se baalo ko cover rakhe.

10: Amle (gooseberry) ko mishri (rock sugar) ke saath mila kar ek-ek chammach subah baasi muhn khaye.

11: Bahut garam paani se baal na dhoye. Isse scalp se oil nikal jata hai aur rukhapan mahsoos hone lagta hai. Apne baalo ko hamesha dhone se ek ghanta pahle oil se massage zaroor kar le. Kyunki Hair Oil ke Fayde  bahut sare hai.

12: Baalo mein dandruff hone ki wajah se bhi baal jhadte hai. Iske liye neem ki pattiyan ubaal kar us paani se sir ko dhoye.

13: Fresh methi ki pattiyon ko pees kar sir par lagaye. Sirf 1/2 ghante ke liye laga kar rakhe. Phir thande paani se dho le. Isse aapke baal kuch he dino mein mulayam ban jaye ge.

Read Also : 8 Natural Hair Dye : How To Color Your Hair Naturally At Home

Baalo Aur Scale Ki Dekhbhal Ke Liye Gharelu Upay :

1: Banana Aur Olive Oil Hair Pack :

Banana-hair-pack-for-shiny-hair

  • Olive oil – 1 chammach
  • Banana – 1
  • Milk – 3 chammach
  • Egg – 1

Banane Ka Tarika : 

Dry baalo ki dekhbhaal ke liye olive oil ka istmaal kar sakti hai. Iske liye ek banana ko mixer mein mash kar le. Phir isme milk aur olive oil milaye. Ise aur bhi paushtik banane ke liye isme egg bhi dal sakti hai. Ab ise apne baalo mein lep ki tarah aadha ghanta laga kar rakhe, iske baad baal ko paani se dho le.

Olive oil mein maujood anti oxidant ek anti ageing ke roop mein kaam karta hai. Yah skin aur baalo ko soft banaye rakhne mein asardaar hai. Kele main potassium aur natural oil hone ki wajah se yah baalo par achha asar karta hai.

Read Also : Balo ko Silky aur Shiny karne ka Tarika

2: Coconut Oil Aur Methi : 

Coconut-oil-se-kare-baalo-ki-care

  • Coconut oil – 5 chammach
  • Methi – 1 muthi
  • Mithi neem ki sukhi pattiyan – 1 muthi
  • Khaskhas -2 chammach
  • Neembu ke sukhe phool – 2 muthi
  • Neem ke phool – 1 muthi
  • Kala til – 2 chammach

Banane Ka Tarika :

Coconut oil baalo ke liye bahut faydemand hota hai. Isse aap khas oil taiyaar kar sakti hai. Coconut oil mein meethi, mithi neem ki sukhi pattiyan, Khaskhas, neembu ke sukhe phool, neem ke phool aur kale til ko mila kar gunguna garam kare aur oil ko do hafte tak rooz dhoop mein rakhe. Phir ise istmaal mein laye. Scalp par massage karne se pahle balo ke ek ek lat alag karte hue unki jado mein oil lagaye. Isse aapke baal kale, soft aur healthy rahenge. Dandruff aur domuhe ki problems bhi nahi rahe gi.

Read Also : Hair Fall Control at Home in Hindi

3: Methidane Aur Dahi :

Fenugreek-Seeds-For-Hair-growth-in-hindi

  • Methidana – 1 mutthi
  • Dahi – 1 bada chammach

Banane Ka Tarika :

Methi ke dano ko baalo mein lagane se baalo ko kafi fayda hota hai, iske istmaal se baalo ko majbuti milti hai. Methidane ko bhigo kar paste banaye. Ab isme dahi dal kar achhi tarah se mix kare. Ise apne pure baalo par achhi tarah se lagaye aur ise 1/2 ghante ke liye laga kar rakhe. Phir iske baad sade paani se baal dho le. Iske istmaal se baal kale rahen ge aur dandruff ki problems bhi nahi rahe gi.

Read Also : Homemade Hair Conditioner in Hindi

4: Haldi Aur Dudh :

Turmeric-milk-ke-istmaal-se-kare-baalo-ki-dekhbhaal

  • Haldi (turmeric powder ) – 3-4 chammach
  • Kachcha dudh – 1 cup
  • Honey – 2 chammach

Banane Ka Tarika :

Ek bowl mein haldi powder, honey aur milk ko dal kar achhi tarah se mix kare. Ise apne baalo aur scalp par achhi tarah se apply kare aur ise 30 minute ke liye laga chhod de. Shampoo aur halke gungune paani se baal ko dho le. Aap iska istmaal hafte mein 1 ya 2 baar kar sakti hai.

Read Also :Balo ke liye Mehndi banane ka tarika aur tips

5: Baalo Ki Growth Ke Liye Egg Mask :

baalo-ki-growth-ke-liye-Egg-mask

  • Egg – 1
  • Olive oil – 1 chammach
  • Honey – 1 chammach

Banane Ka Tarika :

Ek bowl mein egg tod kar dale aur usme olive oil aur honey dal kar achhi tarah se mix kare. Ise achhi tarah se mix kare taaki yah ek smooth paste ban jaye. Ise apne baalo aur scalp par aram se lagaye. Ise 20 minute ke liye laga kar chhod de. Phir apne baalo ko shampoo aur thande paani se dho le. Agar aap apne baalo ko lamba aur shiny banana chahti hai , to aap hafte main ek baar iska istmaal zaroor kare. Egg ke istmaal se baalo ki growth achhi hoti hai aur baal soft bhi rahte hai.

Read Also : Barsaat Ke Mausam Mein Baalo Ki Dekhbhal Karne Ke Asan Tarike

HAVE A NICE DAY AND EVENING …..THANK YOU……

Leave a Reply

Your email address will not be published. Required fields are marked *