Sandalwood Powder Our Oil Se Paye Khoobsurat Twacha

Sandalwood Powder Aur Oil Se Paye Khoobsurat Skin

Chandan (sandalwood) ka khushboo ke liye India aur China me bade paimaane par istmaal hota hai. Dusri samagri me chandan powder mila kar sugandhit (fragrant) banaya jata hai. Iske paste ko baans (bamboo) ki patli dandiyon (poles) me lapeet kar agarbatti (incense) banayi jati hai aur dhoopbatti banane me bhi istmaal hota hai. Chandan ka iss tarah istmaal Japan aur China me bhi hota hai. Iski sugandh (fragrance) na kewal freshness laati hai, balki kuch bimaariyon se bhi bachati hai.

Isme maujood khushboo ki wajah se pooja-paath (worship) wa festival ke mauke par iske daam kaafi high ho jate hai. Feng shui aur baudh dharm (buddhism) me mana jata hai ki sugandh se buri aatmaye door hoti hai aur mahool saaf wa pavitr (holy) hota hai. 

Read here:  How To Make Natural Skin Toner At Home

Chandan ek natural wood hai aur saath he yah apne aap me ek aushadhi (medicine) bhi hai. Iske istmaal se skin ke rogo (illness) se chutkara milta hai. Yah haanth-pairo ki skin ko sukhepan (dryness) , jalan aur papdidaar (scabrous) hone se bachata hai. Kisi insect ke kaatne par us jagah par chandan lagane se jalan wa dard se rahat milta hai.

Chandan me kai tarah ke antibiotics tatve maujood hote hai jisse yah hamari skin par hone wali problem se bachata hai. Chandan ka istmaal pahle se he woman apna rang-roop nikharne me karti aa rahi hai. 

Read here :  Coffee Face Pack for Skin Whitening and Glowing

Skin care me chandan ka istmaal :

Sandalwood Powder Aur Oil Se Paye Khoobsurat Skin

Chandan ka paste khurdure stone par thoda-thoda paani dalte hue ghis kar taiyaar kiya jata hai ya powder me paani mila kar ise taiyaar karte hai. Mana jata hai ki sandal wood skin ke liye bahut faydemand hai.

Daag-dhabbe ko door karne me (to remove stains) :

Ingredients :

  • Sandal powder – 2 bade chammach
  • Rose water – 5 bade chammach

Iske powder me rose water mila kar gadha paste bana le. Phir iss paste ko apne neck aur face par lagaye aur ise 15-20 minute tak laga rahne de. Phir chahre ka paste sukhne par thoda paani chhidke. Isko halke haantho se scrub karte hue chhudane ke baad face wa neck ko dho le. Isse skin par pade daag-dhabbo se chutkara milega.

Soft skin ke liye :

Face ki skin ko soft banane ke liye chandan powder bahut effective hai. Daagdaar aur dry skin ke liye chandan ka paste iss tarah banaye –

Ingredients :

  • Chandan powder – 4 bade chammach
  • Badaam – 2 bade chammach
  • Coconut oil – 2 chammach

Iss paste ko banane ke liye ek bowl me chandan powder,badaam aur coconut oil mila kar paste taiyaar kare. Ab iss paste ko apne face par achchi tarah se lagaye aur iss lap ko 15 minute tak laga kar rakhe. Uske baad face ko halke warm paani se dho le. Isse tan hue skin theek hone ke saath sunburn se araam mile ga.

Read also :  Benefits of Coffee Pack for Skin and Hair

Sandalwood Powder Aur Oil Se Paye Khoobsurat Skin

Pimple ko door kane me :

Haldi powder aur chandan powder ko mila kar lap taiyaar kare. Yah paste pimple aur black heads jaise problems ko door karne me kaafi asardaar hota hai. Iss paste ko banane ke liye-

Ingredients :

  • Haldi powder – 1 bada chammach
  • Chandan powder – 1 bada chammach
  • Kapur (camphor) – chutki bhar

Ek bowl me haldi, chandan aur kapur ko mila kar paste taiyaar kare. Iss paste ko pimple aur black heads par lagaye. Ise 30 minute tak laga kar rakhe aur phir gungune paani se dho le. Iska jyada se jyada fayda uthane ke liye iss paste ko raat bhar ke liye laga rahne de. Subah gungune paani se chahra dho le. Pimple ki wajah se hone wale daag-dhabbo se nijaat paane ka yah bahut achcha ilaaj hi.

Oily skin ke liye :

Oily skin par dust bahut jaldi jama hone lagte hai jiski wajah se skin par daane nikal aate hai.

Ingredients :

  • Multani mitti – 1 chammach
  • Chandan – 2 bade chammach
  • Aloe vera gel- 3 bade chammach

Iss pack ko banane ke liye multani mitti, chandan aur aloe vera gel ko dal kar achchi tarah se mix kare. Ab iss pack ko apne face aur neck par achchi tarah se lagale aur 15-20 minute tak laga kar rakhe. Uske baad paani se dho le. 

Jhurriyon (wrinkle) ko hatane me :

Ingredients :

  • Chandan ka powder – 3 chammach
  • Egg white- 1
  • Honey – 2 chammach

Wrinkle ki problem ko door karne ke liye chandan ek bahtreen nuskha hai. Iss pack ko banane ke liye chandan powder, egg white aur honey ko dal kar achchi tarah se mix kare. Phir iss pack ko apne face par lagaye aur 30 minute tak laga kar rakhe. Uske baad saaf paani se dho le. 

Read also : How to Remove Dandruff From Hair Permanently at Home

Sandal wood oil :

Sandalwood Powder Aur Oil Se Paye Khoobsurat Skin

Chandan ka oil alag-alag tariko se nikala jata hai. Ise taral carbon dioxide ka istmaal karke nikala jata hai, taaki original aroma bani rahe. Dusri vidhi me chandan ke bhaap ko jama karke uske arak se oil banaya jata hai.

Perfume :

Chandan ke oil ka sabse bada istmaal perfume banane me hota hai. Western countries me chandan ke oil ka istmaal khushboo ke liye kiya jata hai. Flower ka arak aur perfume taiyaar karke dusri samagriyon me chandan ka oil mila kar itr (essence) taiyaar kiya jata hai. Chandan ke oil me baaki milay gaye zaroori oils ki khushboo bani rahti hai.

Aroma therapy :

Chandan ka oil aroma therapy me istmaal hota hai. Iska apna ek manovaigyaanik (psychologist) asar hota hai. Iske istmaal se sukhad ahsaas hota hai.

Chamakti skin :

Chandan ka oil lagane se skin me khujli, dard, jalan se rahat milti hai. Iska istmaal dry skin ko chamak pradaan (provided) karne me puri tarah maahir (capable) hai. Isse skin ki bahtreen toning hoti hai. Yah oily skin ki conditioning ke liye upyoogi hai. Isse bad spot nahi padte aur sukhe eczema se bachav hota hai. Yah dusre oils me asaani se ghul jata hai. Isse nahane ka soap bhi banta hai.

Read also : How To Take Care Of Feet At Home

Aaj hamne aapko bataya ki chandan ka face pack kaise banaya aur uske fayde. To aap bhi iss tips ko follow karke apne skin ki care kar sakti hai. Agar aapko kisi bhi remedies se allergy ya koi aur problem hai to aap uska istmaal na kare. Aap chahe to kisi expert se advice bhi le sakti hai.

Agar aapko inme se juda koi bhi sawal puchhna chahti hai to aap comment zaroor kare.

HAVE A NICE DAY AND EVENING…..THANK YOU….

Leave a Reply

Your email address will not be published. Required fields are marked *