Pimple Aur Acne Hone Ki Wajah Aur Use Door Karne Ke Gharelu Nuskhe

how-to-remove-pimples-from-oily-skin

Aaj ke samay mein face par pimple nikalna aam baat hai. Pimple ki problem har umr ke logo ko hoti hai. Shareer mein hormone ka level jyada hone ki wajah se yah problem young logo ko jyada hoti hai. Pollution, dhoop aur oily skin ki wajah se face par pimple nikal aate hai. Kai baar to pimple ki wajah se face par daag-dhabbe bhi rah jate hai. Jo face ki khoobsurti ko kharab kar dete hai. Iss liye pimple se chhutkara pana bahut zaroori hai. To phir chaliye aaj ham aapko batayenge Pimple Aur Acne Hone Ki Wajah Aur Use Door Karne Ke Gharelu Nuskhe.

Read also : How to Remove Tan at Home in Hindi

Face par pimple hone ke kaaran :

1: Apne face ki safai par dhayan na dene ki wajah se.
2: Jyada waqt sooraj ki kirno mein rahne ki wajah se.
3: Jyada se jyada fatty food karne se.
4: Skin ka jyada oily hone ki wajah se yah problem jyada hoti hai.
5: Bahut se logo mein pimple ya acne ki problem hereditary (anuvaanshik) ki wajah se bhi hoti hai.
6: Apne khaan-paan mein sudhaar na lane ki wajah se.
7: Face par jyada oily product ke istmaal karne ki wajah se.
8: Daily routine ka sahi na hona.
9: Hormones mein gadbadi hona.
10: Pet (stomach) ka saaf na hona.

Read also : How To Take Care Of Skin In Summer Home Remedies

Acne aur pimple se bachne ke upay :

1: Chahre par bahut jyada cosmetic product ka istmaal na kare. Zaroorat hone par he inka istmaal kare. Kyunki inka jyada sa jyada istmaal karne se chahre ko kafi nuksaan pahunch sakta hai.

2: Agar ho sake to din ke samay kam he bahar jaye. kyunki dhoop mein jyada waqt bitane se sooraj se nikalne wali ultra violet kirne hamare skin ka bura haal kar deti hai.

3: Jyada pollution wali jagho par bhi jane se bache. Kyunki jyada dhool-mitti wali jagho par jaane se skin cells ka bura haal ho jata hai. Agar aap bahar jaati bhi hai, to apna chahra cover karke he bahar nikle.

4: Dudh aur dudh se bani chijo se door rahe. Kyunki isse pimple aur acne badhne ke chances jyada hote hai. Agar aap dairy product ka istmaal karti hai, to kam kare.

5: Agar aapke face par pimple hai, to unhe apne gande haantho se na touch kare. Nahi to we aur jyada phail jayenge. Hamare face par pimple nikalne ka sabse bada reason hamare gande haantho se bar bar chhuna. Kyunki hamare haantho mein bacteria hote hai. Apne face par haanth lagane se pahle apne haantho ko achhi tarah se saaf kar le.

Read also : Beauty Treatment at home in Hindi

Acne aur pimple ko hatane ke home remedies :

1: Gulab ki pankhudiyan (rose petals) :

Gulab ki pankhudiyon mein bhi antiseptic aur astringent paya jata hai. Face se acne aur pimple ko hatane ke liye gulab ki pankhudi ek achha gharelu upay hai. Ise banane ke liye gulab ki pankhudi ka achhi tarah se paste bana le aur phir ise achhi tarah se face par scrub kare. Iske istmaal se pimple ki problem door hogi. Aap chahe to gulab jal ka bhi istmaal kar sakti hai. Iske liye ek cotton mein gulab jal daalkar face par lagaye.

Read also : Ubtan Banane ka Tarika in Hindi

2: Aalu ka istmaal :

Pimple ko hatane ke liye aalu ka bhi istmaal kar sakti hai, iske liye aalu ke slice kare aur ise apne skin par scrub kare. Aap chahe to aalu ke chhilke ka bhi istmaal karke pimple ko door kiya ja sakta hai. Aap inhe apne pimple wali jagaho par lagaye. Aalu ka daily istmaal karne se aapko bahut fayda hoga.

Read also : How To Take Care Of Skin In Rainy Season

3: Aloe vera gel ka istmaal :

Aloe vera ek bahut beneficial medician hai. Aloe vera mein kai sare tatve paye jate hai jo antibacterial hai. Agar aap acne ya pimple se jaldi chhutkara pana chahti hai, to phir aloe vera ka istmaal kar sakti hai. Aloe vera gel skin ke liye bahut faydemand hai. Iska gel acne aur pimple par lagane se yah jaldi sahi ho jata hai. Iske istmaal se pimple ki problem door hoti hai aur skin bhi glow karne lagti hai.

Read also : Garmi Me Aap Apne Skin Ki Care Kaise Kare

4: Tulsi ka patta aur pudina ka patta:

Dono patto ko pess kar bareek paste bana le aur iss paste ko apne chahre par lagaye, isse acne aur pimple ki problem door hogi. Tulsi aur pudina ke patto mein aise essential oils hai jo antibacterial hai aur oil ko kam kar dete hai.

Read also : Shahnaz Hussain Homemade Beauty Tips For Glowing Skin

5: Khire (cucumber) ka istmaal :

Ham aksar khire ka istmaal khane mein karte hai. Lekin kya aap jaanti hai ki iske istmaal se pimple ki problem ko bhi door kiya ja sakta hai. Khire ka istmaal karne se hamari skin clean hoti hai aur saath he face par glow bhi aata hai. Aap khire ke paste ko pimple wali jagah par lagane se kaafi fayda hota hai. 

Read also : How To Remove Pimples Naturally And Permanently At Home

Leave a Reply

Your email address will not be published. Required fields are marked *