Perfume Lagate Waqt Kin Bato Ka Dhyan Rakhe

Perfume lagate waqt kin bato ka dhyan rakhe

Perfume ek aisa product hai, jo har kisi ko pasand aata hai aur har koi apne daily routine me shamil karta hai. Lekin perfume lete waqt hame samajh nahi aata hai ki ham kaisa perfume chune aur kis tarah se usko istmaal me laye. Perfume hamesha apne personality, mausum aur samay ke mutabik he chunna.

Read also : Coffee Face Pack for Skin Whitening and Glowing

Perfume kaise aur kaisa chune :

1: Koi bhi khas khushboo jo aap ko pasand ho, wah sidha aap ke dilodimaag par asar karti hai. Perfume jab bhi le to apne personality, mausam aur samay ke mutabik sahi perfume chune.

2: Body par lagaye jane wali khooshbudar oil aur body par kuch ghante tak tiknewale shower gel aur Eau de cologne ka istmaal pure perfume ka option ho sakta hai. Lekin summer ke season me lambe samay tak body ko mahakta hua rakhne ke liye essential oil yuqt perfume ki zaroorat hoti hai.

3: Lily, rose, wood aur lime base perfume subah ke samay istmaal hota hai, jabki lavender oil based perfume garmi aur sardi dono mausam me asardaar hota hai. Floral, lemon aur sandalwood yuqt mahak logo ko kafi pasand aati hai. Waise yah aap ke personality pe depend karta hai ki aap ko kaun sa flavor achcha lagta hai, jaise chocolate, coco, musk, floral, fruit ya sandalwood.

4: Agar aap perfume kharidne ja rahi hai, to kabhi bhi 2 perfume se jyada na kharide, kyonki agar aapne 2 se jyada perfume kharidengi to aap ko lete waqt problem ho sakti hai.

5: Aap jab bhi perfume ki parakh karte-karte thak jaye, tab coffee ke seed perfume counter per hote hai, Unhe aap 4-5 baar achhi tarah sungh le. Uske baad aap phir se perfume try kar sakti hai. Nose baar-baar perfume try karte waqt thak jati hai. Nose ko rest dilane ke liye coffee sughna zaroori ho jata hai.

6: Perfume spry aur deodorant me different hai. Perfume kharidne se pahle yah jaan le ki perfume, odicolon aur deodorant me kya fark hota hai. Perfume me sirf 4% essential oil hota hai. Eau de toilette me 8-15% essential oil hota hai. Inhe lagane ke baad ye body me kam se kam 2 ghante tak effective rahte hai. Ye bade spry bottle me aate hai. Inhe aap puri body me spry kar sakti hai. Jabkieau de perfume me 15-22% essential oil hota hai. Yah 3-4 ghante tak body par tikta hai.

7: Perfume me essential oil ki matra jyada aur paani ki matra kam hoti hai, jabki deodorant me flevord oil ki matra kam hoti hai. Isliye perfume deodorant ki tulna me mahnga hota hai.

8: Perfume jab bhi kharidne jaye to dopahar se pahle kharide. Shopping karte waqt sabse pahle perfume ko he kharide, kyonki subah 12 baje se pahle tak aapke sunghne ki capacity jyada active rahti hai.

Read also : How to Remove Dandruff From Hair Permanently at Home

Perfume lagate waqt kin-kin bato ka dhayan rake :

Perfume lagate waqt kin bato ka dhyan rakhe

1: Perfume sabhi ki body par alag-alag react karta hai. Zaroori nahi jo perfume aap ne lagaya hai wah aap ki friend bhi lagaye, to uske body se bhi waise he mahak aaye jaise aap ke body se perfume lagane ke baad aati hai. Actual, yah body ke temperature aur shved garanthiyon (vein  glands) ki activity par depend karta hai ki perfume ki mahak shareer se kaise aayegi.

2: Unisex, male aur female perfume alag-alag hote hai. Agar aap ko koi male perfume pasand aa raha hai, to zaroori nahi ki aap us perfume ka istmaal kar sakti hai. Yah aap ke personality se nahi milta hai. Unisex parfume ko male aur female dono istmaal kar sakti hai. Per yah bhi, tab istmaal me laye jab aap ne western outfit ya sports wear pahna ho. Agar aap ne tradition dress pahna ho to phir aap flower ki mahakwale perfume istmaal kare.

3: Jyadatar perfume 5 ghante se jyada body me nahi tikte, Kuch perfume isse kuch jyada deer tak tikte hai, lekin unki mahak badal jati hai. Isliye kaha jata hai din me 2 baar perfume lagaye.

4: Aroma oil bhi perfume ka achcha option hota hai. Manpasand aroma oil ki kuch bunde nahane ke paani me milakar istmaal kar sakti hai. Lambe samay tak shareer se mahak aayegi.

5: Wrist, Kaan ke pichhe, chin, neck jaise pulp points par aroma oil, perfume ka istmaal kare. Wahan blood circulation jyada active rahta hai. Wahan ki skin kaafi patli hoti hai. Perfume hamesha dry skin ki tulna me oily skin per jyada der tak tikta hai.

6: Agar aap ki skin kaafi dry hai, to pahle skin par thoda petroleum jelly laga le. Isse perfume der tak skin par tika rahega.

Read also : Kiwi Fruit Se Paye Khoobsurat Twacha

Perfume lagate waqt kin bato ka dhyan rakhe

7: Room me A.C. ya fan chal raha ho, to perfume ka effect jaldi kam ho jata hai, kyonki wahan skin jaldi dry ho jati hai. Dry skin par perfume ka effect kam ho jata hai. Aise me aroma oil ya itr ka option achcha hai.

8: Perfume garmiyon me kaafi tez mahakta hai, kyonki aap ki body warm rahti hai aur warm body par yah kaafi asardar hota hai. Garmiyon me flower ki halki mahak ya khatte fruit ki khushbuwale perfume ka istmaal kar sakti hai.

9:  Kabhi bhi silk ke kapdo par perfume na lagaye, isse aap ke kapdo par daag ke nishan ban jaye ge. Behtar hai ki aap kapdo ki jagah skin par perfume lagaye. Agar aap colorful perfume ka istmaal kar rahi hai, to pahle kisi cotton rumaal par spry karke check kar le ki perfume kahin koi daag to nahi chhod raha hai.

10: Perfume pahle elbow ke agle hisso par ya knee ke pichhe wale hisse par laga kar check kare. Agar aap ko kisi tarah ki itching ya redness nahi pade, to iska matlab yah aapke liye sahi hai.

11: Body me nami ka balance sahi rahne par acidity ki problem nahi hogi. Acidity ki problem hone par perfume aapki body par sahi asar nahi dikhayegi.

Read also : Beer Facial Mask Tips

HAVE A NICE DAY AND EVENING….THANK YOU….

Leave a Reply

Your email address will not be published. Required fields are marked *