Paneer Pav Bhaji recipe in Hindi

Paneer pav bhaji recipe:

paneer pav bhaji recipe in hindi

Pav bhaji ek Indian (Maharashtra) fast food dish hai. Iss dish me bahut saari vegetable ko dala jata hai aur ise pav ke saath serve kiya jata hai. Iss dish ko lunch ke waqt jyadah khaya jata hai aur yah dish India ki famous fast food dish me se ek hai. Agar aap bhi iss dish ko khana chahti hai to aap iss dish ko ghar par aasani se bana sakti hai. Iss dish ko banana bahut asan hai. To ham aaj aap ko batayenge ki Paneer pav bhaji kaise banaya jata hai.

Samagri:

Pav ke liye:

  • Pav – 12
  • Butter – Aavashyaktaanusaar ( as required)
  • Pyaaj (bareek kata) – Serve karne ke liye
  • Dhaniya patti (bareek kati) – Sajavat ke liye

Bhaji ke liye samagri:

  • Tamatar (bareek kata) – 2
  • Lahsun (bareek kata) – 2
  • Pyaaj (bareek kata) – 1
  • Shimla mirch (bareek kata) – 1
  • Hari mirch ( bareek kati) – 2
  • Aalu (uble hue) – 5
  • Gaajar (bareek kata) – 1
  • Phool gobhi (cauliflower ) – 1/2 cup
  • Paneer (kaddukas kiya) – 100 gram.
  • Haldi powder – 1/4 tbsp
  • Pav bhaji masala – 2 tbsp
  • Chaat masala- 1/2 tbsp
  • Lemon juice – 2 tbsp
  • Dhaniya patti (bareek kati) – 4 tbsp
  • Butter – 2 tbsp
  • Namak – Savadaanusaar

Vidhi:

Aalu, gobhi aur gaajar ko 1/2 cup paani ke saath sauce pan me mulayam hone tak paakaye. Jab sabjiyan pak jaaye to unhe achchi tarah se mash kar de. Ek chammach butter ko ek pan me garam kare aur usme pyaaj, shimla mirch aur lahsun dalkar dheeme aanch par pakaye. Aakhri me tamater dalen aur mulayam hone tak pakaye. Ab pan me pav bhaaji masala aur chaat masala dalen. Jab masalo ki khooshbu aane lage to pan me mashed sabji, paneer, namak, butter aur lemon juice dalkar dheeme aanch par pakayen. Dhaniya patti se garnish kare aur gas off kar de. Pav ko butter me senk le. Pyaaj aur dhaniya patti se sajayen aur serve kare.

Read also:  Soya Keema Paratha Recipe in Hindi

To aaj hamne aap ko bataya ki paneer pav bhaji kaise banaya jata hai. Aap bhi paneer pav bhaji ko ghar par banaye aur sabke saath milkar khaye. Yah dish bachcho ko bahut pasand aayegi aur aap chahe to isme apne pasand ki bhi sabji mix kar sakti hai. Agar aap ko hamari banayi gayi yah dish pasand aayi ho to iss par like aur comment zaroor kare.

HAVE A NICE DAY AND EVENING …..THANK YOU…. 

Leave a Reply

Your email address will not be published. Required fields are marked *