Pahli Baar Step By Step Makeup Kaise Kare Ya Makeup Karne Ka Sahi Tarika

how-to-apply-perfect-makeup-step-by-step-for-beginners-in-hindi

Aaj ke samay mein har koi makeup karna pasand kar raha hai aur har koi chahta hai ki wo bhi khoobsurat najar aaye. Kyunki makeup karne se logo ka style change ho jata hai, un mein ek alag sa confident bhi aa jata hai. Lekin aise bahut se log hote hai jinhe makeup karne ka sahi tarika nahi pata hota hai. Agar aap ne bhi kabhi makeup nahi kiya hai aur aap pahli baar makeup karne ja rahi hai, to aap befikr rahi aaj ham aapko makeup se related kuch tips batayen ge aur makeup kaise kare iske bare mein batayenge. Pahli Baar Step By Step Makeup Kaise Kare Ya Makeup Karne Ka Sahi Tarika. 

Read also : How To Do Bridal Makeup At Home Step By Step

Makeup Base :

makeup-for-beginners-in-hindi

1: Makeup Remover Wipe :

Sabse pahle apne face se purane makeup ko remove kare. Iske liye aap makeup remover wipe ka istmaal kare. Isse apne pure face ko achhi tarah se clean kare taki aapke face par koi purana makeup ya dust ho to wo clean ho jaye. Aur aap yah confirm kar le ki aapka face achhi tarah se clean ho gya ho.

2: Face Serum :

Aap apne face ke liye market mein milne wale koi bhi face serum istmaal kar sakti hai. lekin achhi company ka he istmaal kare. Face serum hamesha makeup se pahle lagana chahiye. Face serum mein essential oil aur anti oxidant hota hai. Iske istmaal se makeup karne ke baad uska koi side effect nahi padta hai. Face serum ko achhi tarah se apne pure face par laga le, taki yah face mein puri tarah se observe ho jaye.

Read also : How to Use Foundation, Concealer, Eyeliner and Blush

3: Moisturizer :

Ab apne face ko achhi tarah se moisturize kar le. taki foundation aapke face par achhi tarah se glide ho jaye.
Aap chahe to iske baad apne face par primer ka istmaal kar sakti hai. Agar aapki skin jyada oily hai, to aap face primer ka istmaal kar sakti hai. Agar dry skin hai, to phir aap primer ka istmaal na kare.

4: Foundation:

Aap apne pure face par foundation ki chhote-chhote dot bana kar kisi sponge ya aap chahe to apne haanth ki madad se pure face par achhi tarah se apply kare. Lekin haanth ka istmaal karne se pahle apne haantho ko achhi tarah se dho le. Foundation ko halke halke haantho se lagaye, Ise bahut tezi se ragadna nahi hai, nahi to aapko wah coverage nahi mile gi jo aap chahti hai. Agar aapke face par kahin koi scars hai, to aap wahan par aur foundation laga kar use cover kar de. Jab bhi aap foundation ka istmaal kare tab aap apne neck par bhi foundation zaroor apply kare. Taki aapke face aur neck ki skin color same najar aaye. 

Read Also : How to Apply Foundation for Your Skin Type

Eye Makeup Kaise Kare :

eye-makeup-kaise-kare

1: Eyebrow:

Apni eyebrow ko eyebrow pencil ya brush ki madad se use ek achha shape de. Apni eyebrow ke liye dark brown pencil ka istmaal kare. Apni eyebrow ko niche se le jakar oopar ki orr filling kare. Apne brush par halka halka color lekar lagaye. Jyada dark color ka istmaal na kare, nahi to isse aapki eyebrow natural nahi najar aaye gi. Jab bhi aap makeup kare apni eyebrow ka makeup zaroor kare. Kyunki eyebrow ke sahe shape ki wajah se apke pure face ki khoobsurti aati hai.
Agar aapne kabhi bhi iska istmaal nahi kiya hai, to dhire dhire iska istmaal karte rahne se aapko yah aa jaye ga.

2: Under Eye Concealer :

Agar aapki aankho ki niche bahut he jyada dark circle hai to aap concealer ka istmaal zaroor kare. Aapki aankho ke niche jyada dark circle hai, to aap orange lipstick ka istmaal kar sakti hai. Iske liye sabse pahle lipstick aankho ke niche lagaye aur use achhi tarah se smudge kare aur phir uske baad concealer uske ooper lagaye. Concealer ko apni aankho ke niche lagaye aur finger ki madad se use achhi tarah se phaila de.

Read Also : How To Do Smokey Eye Makeup Step By Step And Eye Makeup Tips

3: Concealer Setting Powder :

Agar aap chahti hai ki aap ka concealer achhi tarah se set rahe, to phir aapko iske liye powder ka istmaal karna hoga. Kisi brush ki madad se powder ko apni aankho ke niche lagaye.

4: Eye Primer:

Eye shadow lagane se pahle hamesha aankho par primer ka istmaal zaroor kare. Apne aankho par achhi tarah se primer ka istmaal kare. Agar aap primer ka istmaal nahi karengi to aapka eye shadow achhi tarah se khul kar nahi aaye ga.

5: Eye Shadow :

Iske baad aap chahe to lipstick ke foam mein eye shadow ka bhi istmaal kar sakti hai. Agar aapko eye shadow lagana nahi aata hai, to aap iska istmaal kar sakti hai. 

Read Also : How To Apply Eyeliner Perfectly

6: Eye Liner:

Eye shadow lagane ke baad ab bari aati hai eye liner ki. Iske liye aap liquid eyeliner ki madad se ek patli se rekha khinche. agar aap liquid eye liner ka istmaal nahi kar paati hai, to aap sabse pahle eye pencil ki madad se ek rekha khinche aur phir baad mein liquid eye liner ka istmaal kare. Iske baad apni aankho ke niche kajal ka istmaal kare.

7: Mascara :

Apni aankho ko khoobsurat banane ke liye mascara lagana kabhi bhi na bhule. Agar aapne eye shadow ka istmaal na bhi kya ho to aap mascara ki madad se apni aankho ko khoobsurat dikha sakti hai. Agar aapki palke bahut kam hai,to aap fake eye lashes ka istmaal kar sakti hai. Apni aankho par mascara lagane ke liye brush ko apni aankho ke niche se achhi tarah se roll karte hue lagati jaye. Jab mascara ka pahla coat dry ho jaye, to aap kuch deer baad mascara ka dusra coat bhi apply kare.

Read Also : Eye Makeup According to Eye Shape

Face Makeup :

face-par-makeup-kaise-kare

1: Contouring Stick:

Iske baad apne cheeks ko highlight karne ke liye contouring ka istmaal kar sakti hai. Iske liye aap apne cheeks par contouring stick ya brush ki madad se lagaye. Aap apne pasand ka koi bhi color istmaal kar sakti hai. Contouring karte waqt aapko iss baat ka zaroor khayal rakhna hai ki jab aap contouring kare to theek apne cheekbones par he lagana hai. Iske liye aap contouring ki ek line create kare aur use brush ki madad se achhi tarah se blend karti jaye. taki aapke face par koi bhi extra highlighter najar na aaye. Thoda sa highlighter apne nose ke dono side par bhi lagaye, taki aapki nose ko ek perfect shape mil sake.

2: Concealer :

Aap apne face ko concealer ki madad se highlight kar sakti hai. Aap concealer ko apne nose, eye brows ke oopar, forehead, lips ke oopar aur niche aur jaw line par ise achhi tarah se lagaye aur ise brush ki madad se blend kar de. Taki iska bahut achha effect aaye. Hamesha concealer ka istmaal un jagaho par kare jahan light ka focus padta hai.

Read Also : How To Apply Blusher On Face.

3: Blusher :

Iske baad apne face ko natural look dene ke liye blusher ka istmaal kar sakti hai. Aap apne skin ton ke according blush ka istmaal kar sakti hai. Apne face par ek smile late hue brush ki madad se blusher ka istmaal kare.

4: Highlighter :

Apne chahre par chamak lane ke liye aap highlighter ka istmaal kar sakti hai. Iske liye aapko brush par halka sa highlighter lena hai aur use apne cheekbones ke oopar apply karna hai. Iske baad thoda sa highlighter apne eyebrows ke theek niche bhi lagana hai. Aur saath he saath apne forehead par bhi apply kare.

Read Also : How To Apply Perfect Highlighter On Face

Lip Makeup:

lip-makeup-kaise-kare

1: Sabse pahle lip balm ki madad se apne lip ko moisturize kare. Kyunki lip balm ke istmaal se lip soft aur shiny ho jata hai aur lip par maujood rekhaye bhi door ho jati hai.

2: Iske baad aap lip liner ki madad se apne hontho ki outlining kare. Taki aapke lip ko ek perfect shape mil sake.

3: Agar aapke lip chhote hai, to aap lip liner lip ke bahar lagaye aur agar aapke lip bade hai, to aap liner ko lip ke under ki orr lagaye.

4: Iske baad lipstick ka istmaal kare. Lipstick se apne pure lip ko achhi tarah se fill kare.

5: Apne lip ko achhe shape dene ke liye ya lipstick bahar na phaile iske liye aap concealer ka istmaal kar sakti hai. Iske liye apne lip ke oopar aur niche concealer ka istmaal kare.

Read Also : How to Apply Perfect Lipstick in Hindi

HAVE A NICE DAY AND EVENING….THANK YOU…..

Leave a Reply

Your email address will not be published. Required fields are marked *