Monsoon Ke Mausam Mein Kaise Kare Pairo Ki Dekhbhal

monsoon-ke-mausam-mein-pairo-ki-dekhbhal-kaise-kare

Monsoon mein kare pairo ki dekhbhaal :

Monsoon ka mausam jahan hame ek taraf garmi se rahat dilata hai, wahi yah apne saath kai saari bimariyan bhi lata hai. Jiski wajah se hame kai sari problems ka samna karna padta hai. Kyunki baarish apne saath humidity, nami aur chipchipahat lata hai jiski wajah se skin par infection ya skin se related kai saari problems ho jaati hai. Jab ham baarish ke mausam mein ghar se bahar nikalte hai, to hamare pair sabse jyada baarish ke paani aur dhul-mitti mein aate hai. Jo hamare pairo ke skin ko nuksaan pahunchate hai.

Ham aksar jyadatar baarish ke mausam mein apne face aur baalo ki he dekhbhaal karte hai. Lekin ham aksar apne pairo ki care karne ke baare mein bhul jate hai. Monsoon ke season mein baarish ki wajah se pairo mein kai tarah ki problems paida ho jati hai. In sari problems se na sirf hamare pairo ki skin damage hoti hai, balki yah hamare skin ke tissue ko bhi nuksaan pahunchate hai. Isliye iss season mein pairo ki jyada care karne ki zaroorat hai. To phir aaj ham aapko kuch tips batayenge jiski madad se aap apne pairo ki care kar sakte hai.

Read also : How To Take Care Of Skin In Rainy Season

beauty-tips-for-foot-care-in-monsoon-season

1: Agar aapke pass itna waqt nahi hai ki aap apne pairo ki safai kar sake, to kam se kam nahate waqt apne pairo ki achhi tarah se safai kare. Aap apne pairo ke talvo ki safai kisi brush ya pumice stone se kar sakti hai. Pairo ki safai kar lene ke baad koi bhi oil jaise coconut oil, almond oil, sesame oil ya aap jo bhi oil istmaal karti hai usse apne pairo ki achhi tarah se massage kare. Isse aapke pairo ki khoobsurti badhe gi aur saath he blood circulation bhi achha rahe ga.

2: Agar aap chahati hai ki aap ke pair healthy rahe, to iske liye exfoliate karna zaroori hota hai. Pairo ko exfoliate karne se dead cells hat jate hai aur pair soft aur clean rahte hai. Agar aap scrub karna chahati hai, to iske liye olive oil mein sugar mila kar isse pairo par scrub kare.

3: Agar aapko garmi ke season mein pasina bahut jyada aata hai, to aap ise kam karne ke liye body powder ka istmaal kar sakti hai. Aap monsoon ke waqt bhi body powder ka istmaal kar sakti hai. Agar aapke pair gile ho gaye hai, to paani ko towel se achhi tarah se sukha le aur apne pairo par powder laga le. Iske istmaal se pairo ki nami khatam ho jaye gi aur saath he agar aapke pairo se gandh (odor) aati hogi to wah use bhi door kar dega aur aapko kafi had tak freshness feel hoga.

Read also : Barsaat Ke Mausam Mein Baalo Ki Dekhbhal Karne Ke Asan Tarike

4: Agar aapke talve (soles) painless, soft aur khoobsurat rahe ge tabhi aapke chahre ki khoobsurti bhi barkarar rahe gi. Pairo ki care karne se sharer bhi healthy bana rahta hai. Bahut se aise log hote hai jo apne pairo ko najarandaaj kar dete hai, khastaur par ghar mein kam karne wali ladies. Pure din ghar ke kaam karne ki wajah se unke pair bahut dirty rahte hai. Agar ho sake to aap apne pairo ki care zaroor kare. Taki we khoobsurat aur healthy rahe.

5: Raat ko hamesha sone se pahle apne pairo ko paani aur soap se achhi tarah se saaf kar ke sukha le. Pairo ko achhe se saaf kar lene ke baad koi achha sa moisturizer laga le. Isse aapke pair khoobsurat aur healthy bane rahe ge.

6: Agar aapke pairo mein kisi bhi tarah ka koi ghav hai, to phir aap baarish se bachkar he rahe kyunki yah mausam aapke ghav ke liye khatarnaak ho sakta hai. Kyunki iss mausam mein bacteria aur virus sabse jyada phailte hai. Sabse jyada focus apne pairo ke nakhuno par karna chahiye. Naakhuno ke kono mein gandagi bhari rahti hai use saaf kar le.

7: Iss nami bhare mausam mein sabse jyada zaroori hai ki aap apne pairo ko dry rakhe. Aap jaise he bahar se ghar aaye, to apne pairo ko halke gungune paani se zaroor saaf kar ke sukha le. Aap apne pairo ko clean karne ke liye koi antiseptic liquid jaise dettol ya savlon ka istmaal kare. Iske alawah aap paani mein shampoo, namak aur kuch boond oil mila le aur iss paani mein 5-10 minute ke liye apne pairo ko dubo kar rakhe. Phir iske baad pair ko achhi tarah se scrub kar ke saaf kare taaki sari gandagi aur dead skin bahar nikal jaye. Iske baad pair ko achhi tarah se saaf karke sukha le.

Read also : Garmi Me Aap Apne Skin Ki Care Kaise Kare


pairo-ki-dekhbhal-kaise-kare

8: Apne pairo ko bimariyon se kaise bachaye :

Pairo ki care ke liye aapke ghar mein aise bahut sare saman maujood hote hai jiski madad se ham apne pairo ki care kar sakte hai. Ham apne pairo ki care ke liye foot mask ka istmaal kar sakte hai. Jyada deer tak monsoon ke paani mein rahne se pairo ki skin kharab ho jati hai, to iske liye natural remedies ka istmaal kiya ja sakta hai. Aap iske liye ghar par he foot mask bana sakti hai. Iske liye aapko orange peel powder, milk aur honey mila kar paste bana le. Ise apne pairo ki skin par achhi tarah se laga le aur 20 minute tak ise aise he chhod de. Phir kuch deer baad ise saaf paani se dho le. Iske istmaal se aapke pairo ki skin soft aur khoobsurat najar aaye gi.

9: Agar aapke shoes ya sandal gile hai to unhe dhup mein achhi tarah se sukha kar he pahne. Kyunki gile shoes aur slippers mein bacteria hone ka khatra sabse jyada hota hai. Agar aap apne shoes aur slippers ko dhoop mein sukhayengi to usme maujood sari nami aur bacteria khatam ho jaye ge aur iska istmaal karne se bhi pairo ko koi harm nahi pahunche ga. 

Read also : How To Apply Perfect Summer Makeup Step By Step

Monsoon mein pairo ki dekhbhaal ke liye chhote-chhote tips- :

1: Agar ho sake to aap gile ya silan (wet ya moistens) wali jagaho par khule pair na ghume.

2: Hamesha apne pair dho lene ke baad koi achha sa moisturizer zaroor lagaye. Isse pairo mein maujood sare dead skin khatam ho jate hai.

3: Baarish mein gile kapde aur shoes na pahne aur ager we gile ho to unhe turant change kar le. Kyunki iss season mein gile kapde pahanne ki wajah se body mein bacteria ya fungal infection hone ka khatra badh jata hai. Ghar se bahar nikalte waqt slipper pahan kar he nikle.

4: Agar aapki skin bahut jyada sensitive hai,to phir pedicure karwane ke liye salon na jakar ghar par he kare. Kyunki in tools ka istmaal kai logo par kiya jata hai, jiski wajah se infection ka khatra badh jata hai.

5: Jab bhi bahar se ghar par aaye, to apne pairo ko turant paani se saaf kare. Taki pairo mein maujood sari gandagi nikal jaye.

Read also : Summer Season Mein Kaise Kare Cool Makeup

HAVE A NICE DAY AND EVENING…..THANK YOU…..

Leave a Reply

Your email address will not be published. Required fields are marked *