Monsoon Ke Mausam Mein Baal Girne Ki Wajah Aur Baalo Ki Dekhbhaal Kaise Kare

monsoon-hair-care-routine-in-hindi

Monsoon ke season mein baalo ki dekhbhal kaise kare:

Mausam chahe koi bhi ho, hair fall ki problem har mausam mein hota hai. Lekin har mausam mein baalo ke girne ki wajah alag alag hoti hai aur hair fall solution bhi alag alag hota hai. Lekin barsat ke mausam mein baalo ke girne ki sabse jyada samasya paida hoti hai. Kyunki iss season mein mausam bahut tez badalta rahta hai. Barsat ke mausam mein baalo ka beraunak hona, baalo ka girna aur freeze hona har kisi ki problem hai. Umas bhara mahool har tarah ke baalo ko nuksaan pahunchata hai. Isliye aaj ham aapko kuch tips batayenge, Monsoon Ke Mausam Mein Baal Girne Ki Wajah Aur Baalo Ki Dekhbhaal Kaise Kare. 

Read Also : Barsaat Ke Mausam Mein Baalo Ki Dekhbhal Karne Ke Asan Tarike

Monsoon mein baal girne ki wajah (मानसून में बाल गिरने की वजह) :

Barsat ke mausam mein teen aise problms baalo ko sabse jyada nuksaan pahunchate hai:

1: Barsaat ka paani
2: Umas
3: Sir se nikalne wala pasina

Read Also : How To Take Care Of Skin In Rainy Season

Barsat ke mausam mein baalo par hone wali samasya kon kon si hai :

1: Barsat ka pardushit (polluted) paani sir par padne se baalo mein dandruff aur bacterial infection ki problems paida kar deta hai.

2: Umas har tarah ke baalo ke liye problems paida kar deti hai. In dino mein normal aur dry baalo ki tulna mein oily baalo mein jyada problems paida hoti hai. Oily baalo se nikalne wala pasina atmosphere mein maujood gandagi ko apni orr asani se jajb kar leta hai aur baal tutne lagte hai.

3: Baalo mein dandruff aur chipchipahat se unki chamak kho jati hai. Baal rukhe-sukhe aur chipke chipke najar aate hai. Isse chhutkara pane ke liye soft shampoo se baalo ko dhoye, isse unme chamak aa jaye gi. Aapke baalo ko bounce mile ga.

4: Baarish ke mausam mein baalo se gandh aane lagti hai. Aisa lagta hai ki baarish ke do-chaar boond paani hi sir par gira hai, par yah paani amleey (acidic) hota hai. Agar halki si bhi boond gire phir bhi bahar na nikle. Agar bahar jana bahut zaroori hai, to aap apne baalo ko cover karke nikle.

5: Barsaat ke dino mein baal ke bachao ke sabse achha upay yah hai ki hafte mein ek baar gungune oil se baalo ki massage kare. Isse aapke baalo ko poshan milega aur we strong honge.

6: Baalo ki jado ko strong ke liye baalo ko stem kare. Iske liye mote towel ko garam paani mein dalkar uska sara paani nikal le aur phir use apne sir par baandh le. Isse baal tutne band ho jayen ga.

7: In dino baal jaldi dry nahi hote hai, Gile baal baandhne se baalo mein chiknahat baith jati hai. Aise waqt mein hair dryer ka istmaal kare.

8: Barsat mein chaude daantowali kanghi se hi baal banaye. Isse aapke baalo par dabao nahi bane ga aur we tutenge bhi nahi.

Read Also : Homemade Hair Conditioner in Hindi

Baal jhade to kya kare:

1: Shampoo karne ke baad gile baalo ko finger ki madad se suljha le. Phir mote daant se kanghi kare. Jab tak baal achhi tarah se dry na ho jaye unme brush na kare. Baalo ko bahut jyada tight na bandhe, isse baalo mein pada barish ka paani jajb ho jata hai, jisse baal bezaan aur frezee ho jata hai. Baalo ko shiny aur bounce banaye rakhna bahut zaroori hai. 

2: Daily sir ki maalish karne se baalo ko poshan milne ke saath blood circulation bhi badhta hai, jisse baal healthy rahte hai. Arandi ka oil (caster oil) laga kar maalish kare.

3: Coconut milk baalo mein lagaye. Isse baalo ki cells ko poshan milta hai. Yah market mein available hai.

4: Ek bade bartan mein paani bharkar neem ki patti dalen aur ise tab tak ubaale jab tak paani aadha na ho jaye. Thanda karke jado par maalish karte hue sare baalo ki jado se lagana shuru karte hue niche tak le jaye.

5: Multani mitti se baal dhoye. Isse baal kam giren ge.

6: Pyaaz ko pess kar chhan le. Pyaaj ke ras ko 20 minute tak baalo ki jado mein lagaye. Isme maujood sulphur baalo mein collagen ke level ko badhata hai. Collagen badhne se baalo ka jhadna ruk jaye ga.

7: Lahsun ki kuch kaliyan pess kar coconut oil mein mila kar kuch der ubale. Ise thanda kare aur isse baalo ki maalish karke 1/2 ghanta ke liye chhod de, phir baalo ko shampoo se dho le. Hafte mein do baar aisa kare.

8: Sarson ke oil mein mehndi ki sukhi pattiyan dal kar inke jal jane tak paka le. Thanda karke maalish kare aur phir baal ko do ghante baad dho le.

9: Fresh aloe vera ka pulp nikale aur baalo mein lagaye. 20 minute tak laga kar chhod de aur phir gungune paani se achhi tarah se dho le.

Read Also : Color Kiye Hue Baalo Ki Dekhbhal Karne Ka Sahi Tarika Kya Hai

Aaj hamne aapko bataya ki monsoon ke mausam mein apne baalo ki dekhbhaal kaise kare. To aap bhi in tips ko follow kar ke apne baali ke dekhbhal kar sakte hai.

HAVE A NICE DAY AN D EVENING…..THANK YOU….

Leave a Reply

Your email address will not be published. Required fields are marked *