Kitchen Makeover And Feng Shui Tips

Kitchen Makeover And Feng Shui Tips

Kitchen Makeover :

Ghar chahe bada ho ya chhota- sa flat, Lekin kitchen ki importent har jagah hoti hai. Agar naye gher me kitchen banwa rahe hai ya purane kitchen ko renovate kara rahe hai, sabse pahle kisi expert se kitchen ka layout plan kara le. Kitchen ko banane me kitna kharch aaye ga, iska pata zaroor kar le. Aap unhe bata de ki aap kitchen me kya badlav lana chahti hai. Kuch bato ka dhayan rakh kar aap apne kitchen ko khoobsurat bana sakti hai :

Read also : 25 Tips For Your Beautiful New Home Decoration Ideas

Starting Work :

Kitchen ke size ke hissab se kitchen slab banwaye, Paani ke pipe wa water filter karana aur electrical fittings aadi kaam karwana renovation ke shuruati kam hai.

Counter Top Ka Chunav : 

Aap grey-night, marble, laminated, wooden, stainless steel ya apni pasand ka koi dusra counter top lagwa sakti hai. Counter top ke bahut sare colors aate hai, aap koi bhi color lagwa sakti hai. Vastushahtri (architect) kitchen me kaala rang kahen bhi istmaal na karne ki salah dete hai.

Gas, Sink, Fridge :

Kitchen ko design karate samay in tino ko position kuch iss tarah ho ki aap ko kam karte waqt baar-baar ghumna na pade. Ye kitchen me trikoneey (triangular) sthiti me hone chahiye.

Kitchen Cabinets : 

Iski khoobsurti dekhne ki jagah ise aap apni zaroorat ke hisaab se lagwayen. Jitna saman aap ke kitchen me hai, uske hissab se cabinets banwaye. Cabinets ki height ka bhi dhayan rakhna zaroori hai. Sare cabinet band na ho, kuch open bhi hone chahiye.

Read also : Ghar Ko Kam Budget Me Kaise Khoobsurat Banaye

Kitchen Makeover And Feng Shui Tips

Chimney Ventilation : 

Apni cooking se style ke kam ya jyada sanction power ki chimney lagwa sakti hai. Yani tel-masalewala khana banta ho, to chimney adhik damdar honi chahiye.

Kaisi Ho Kitchen Ki Light :

Kitchen me overhead aur diwaar me niche ki or lagi lights se kaam karne ke liye achchi light aur great effect banaya ja sakta hai. Yahan task light ki bahut jyada zaroorat hoti hai. Yahan under cabinet lights, pendant lights ya focus lights aapke liye kaam bhi asaan karegi saath he aap ke kitchen ka look bhi khoobsurat najar aaye ga.

Kuch Zaroori Bate :

1: Kitchen me aapke movement ke liye kam se kam 36 inch. chaudi jagah honi chahiye. Kitchen ke saman ko isi ke hisaab se vyavasthit (organized) kare.

2: Cooktop ko aise banwaye , ki chhote bachche us tak na ja sake. Cooktop ke dono or 15 inch. ki khali jagah ho, taki bartan aadi rakhne me aasani ho.

3: Microwave ko kitchen slab se 15 inch. oopar rakhe.

4: Kitchen appliances iss tarah rakhe jaye ki unhe kholne-band karne me problem na ho.

5: Kitchen me knife jaesi chize bachcho ki pahunch se door rakhe. Knife drawer lagwaye aur inhe usi me rakhe.

6: Kitchen me light arrangement aisa ho ki cooking karte samay puri raushni cooktop ke aas-pass ho.

Kitchen Makeover And Feng Shui Tips

Feng Shui Kitchen Tips :

Kuch logo ka kahna hai ki unke kitchen ka vaastu (architectural) sahi nahi hai, yah kaise jana jaye? Ghar ka koi na koi member lagatar bimaar rahta hai, lagatar hone wale financial loss, loan, members ke beech fighting aur bhi aise bahut sari problems hai, jo iss baat ka ishara karti hai ki kitchen ka vaastu sahi nahi hai. Aaye, jane, vaastu aur feng shui ke kitchen se jude kuch aise rules, jinhe apna kar apne family ko health ka gift de sakte hai.

Kitchen Location :

Kitchen main gate ke theek samne nahi hona chahiye. Kitchen, bathroom wa toilet ki diwaar se judi na ho. kitchen ko agni tatv (fire elements) ka symbol mana jata hai, wahin bathroom aur toilet ko jal tatv (water elements) ka prateek mana jata hai. Ye dono he tatv (elements) ek-dusre ke opposite mane jate hai. Iski wajah se family members ke beech me tension hoti hai aur health ke liye bhi harmful hai.

Khana banane ke stove ya gas ko south-east me rakhna chahiye. Lekin ek baat ka zaroor khayal rakhe ki yah east ki diwaar se sata hua na hokar kuch inch. door ho. Gas ki aise rakhe ki woh bahar se najar na aaye. Gas cylinder ko bhi south-east me rakhna chahiye. Agar aap ke kitchen me khaali gas cylinder hai, to use south-west me rakhe.

Kitchen Makeover And Feng Shui Tips

Electronic Equipment :

Microwave oven , heater jaise chijo ko south ya south-east me rakhna chahiye. Wahin refrigerator ko north ya west me rakha ja sakta hai, lekin ise north-east me na rakhe. Exhaust fan ya ventilation ke liye badi window ko east ki diwaar me bana sakte hai, wahin chhoti window ya ventilation ke liye south ki diwaar bhi sahi hoti hai.

Saaj-Sajja (Decoration) :

Kitchen ka floor marble ya seramik tails ka bana sakte hai. Aap apne kitchen ko orange color de, yah aap ke liye achcha hota hai. Isse milte-julte rang jaise red, yellow aur pink color kitchen ke liye best hai. Lekin blue aur purple color kitchan ke liye suitable nahi hai. Agar kitchen ghar ke north-east bhag me bana hai to lemon yani light yellow color karwaye.

Tips: 

1: Kitchen me saman disorganized na ho.

2: Electricity ke jyada saman na ho.

3: Gas ko hamesha saaf rakhe.

4: Tute wa istmaal me na aane wale saman jaise bartan, baasi (stale) wa unhealthy khana na rakhe.

5: Anaaj wa daalo ko kitchen me west ya south disha me rakhe.

6: Kitchen ka door west, north ya east direction me ho.

HAVE A NICE DAY AND EVENING….THANK YOU…

Leave a Reply

Your email address will not be published. Required fields are marked *