Kaisi Dress Par Kis Tarah Ka Makeup Kare Aur Kaisi Jewelry Pahne

beautiful-Indian-lehenga-choli-ideas-in-hindi

Ham agar kisi party, function ya kisi special occasion par jate hai, to hame yah kabhi samajh nahi aata hai ki kaisi dress pahne ya us par kis tarah ki jewelry pahne aur kaisa makeup kare. Kyunki aajkal fashion ka trend bahut tez badal raha hai. Aise mein kis tarah ka fashion tips follow kare yah samajh pana bahut mushkil hai. Ham jab koi simple dress pahante hai, tab hame itna sochne ki zaroorat nahi padti hai. Lekin jab traditional dress ki baat aati hai, to hame bahut sochna padta hai. To phir chaliye aaj ham aapko batayenge ki aap Indian dress style tips ko kaise follow kare aur unpar kis tarah ki jewelry pahane ya kaisa makeup kare. 

Read Also : Skater Dress Kya Hai Aur Kis Tarah Se Ise Pahne

1: Sky Blue Banglori Lehenga Choli :

Sky-Blue-Banglori-Lehenga-Choli

Sky blue lehenga choli par golden design ka ek alag he khoobsurat look najar aata hai. Iss choli ki khasiyat iska border hai, iss lehanga choli ki golden laces iski khoobsurti mein chaar chaand laga rahi hai. Banglori silk ki yah choli har tarah ke occasion ke liye perfect hai. Iss lehenga choli ke net ka golden dupatta iss dress ki shaan ko badhata hai.

Aapka Makeup :

Iss dress par bahut jyada makeup na kare, kyun ki isse aapke face ki asli khoobsurti khoo si jaye gi. Aap iss tarah ki dress par light golden brown makeup he kare. Agar ho sake to lip par light brown lipstick ka he istmaal kare. Aap iss dress par bun hairstyle bana sakti hai. Yah aapko thoda garmi se bhi rahat dilaye ga. 

Jewelry Selection :

Agar aapki dress par jyada embroidery hai to jyada jewelry na pahne. Aap necklace pahnne ki jagah heavy earring pahan sakti hai. Aap apne style mein kewal kisi ek cheez ko he highlight kare. Apne haantho par ek ya do bangle he pahne. 

Read Also : Summer Season Me Kis Tarah Ke Kapde Pahne

2: Turquoise Heavy Embroidery Lehenga Choli : 

Turquoise-heavy-embroiderey-lehenga-choli

Turquoise aur pink combination ki lehenga choli ke border par chaudi lace wa zari ka work iss dress ko bahut khoobsurat banata hai. Iss net ke lehenge par stone, resham aur zari ki heavy embroidery bahut he khoobsurat lag rahi hai. Pink color ke net dupatte par golden color ki chaudi lace iss pure Indian tradition dress ko bahut khoobsurat banata hai. 

Aapka Makeup :

Iss tarah ke lehenge choli ke saath fuchiya pink lip color aapke face ki raunak ko badhaye ga. Aap apne cheekbones ko bhi light pink blush-on se highlight kare. Agar aap night party ke liye ja rahi hai, to aap brown eye shadow ka istmaal kar sakti hai aur saath he eyeliner se apni aankho ko highlight kare. 

Jewelry Selection :

Aap iss lehenga choli par heavy jewelry carry kar sakti hai. Aap apne mathe par maangtika pahan sakti hai, jo aapko pure Indian look dega aur aap isi ke saath he nose ring bhi carry kar sakti hai. Agar aap nose ring, maangtika aur heavy earring pahan rahi hai, to aap apne neck ko khali he rakhe.  

Read Also : Valentine’s day Fashion tips in Hindi

3: Embroidered Art Silk Lehenga Choli :

Embroidered-Art-Silk-Lehenga

Iss blue color ke silk lehenge mein embroidery ka jo art work hai wo bahut he khoobsurat najar aa raha hai. Jo ki iss dress ki khasiyat hai aur ise pure Indian look deta hai. Orange mein silk choli semi-stitched art work bahut he khoobsurat lagta hai. Iss choli ka boat neck aur half sleeves pahnne wale par bahut khoobsurat najar aaye ga. Iske peach color ke dupatte mein blue aur golden lace he iski khasiyat hai.

Aapka Makeup :

Aap is par halka dark makeup kare jaise brown eye shadow aur lipstick. Baalo ke sire ko halka sa curl kar de aur side parting karke khula chhod de. Aap apne cheekbones ko light peach blush-on se highlight kare. 

Jewelry Selection :

Jewelry ka selection karte waqt iss baat ka zaroor khayal rakhe ki jewelry ka design classic ho. Apne haantho mein chaude design ka bangle pahne, na ki pura haanth bhare. Iske neck ka design boat shape mein hai, to issliye iss par koi bhi necklace na pahne. Lekin ha earring thodi badi aur round shape mein ho. 

Read Also : Aapke Face Cut Ke Liye Iss Tarah Ki Earring Hai Perfect

4: Silk Circle Lehenga Choli In Beige :

Silk-Circular-Lehenga-choli-in-Beige

Beige color mein art silk circle ka yah lehenga choli apni ek alag he khoobsurti ka ahsas dila raha hai. Iss lehenga choli par stone, resham, zari aur border patch work kiya gya hai. Beige mein semi-stitched art silk choli, boat neck aur quarter sleeves iss dress ki khasiyat hai. Iska maroon mein net dupatta aur saath mein lace border iski asli khoobsurti hai. 

Aapka Makeup :

Agar aap smoky eye makeup karen gi, to yah aapke face ko highlight kare ga. Iske liye black aur brown color ke eye shadow ka chunav kare. Agar aap apni aankho ka makeup dark kar rahi hai, to apne lip ka makeup light he rakhe. Aap orange, light red color ki lipstick laga sakti hai.

Jewelry Selection : 

Khud ko traditional look dene ke liye aap pure Indian maagtika zaroor pahne aur usi ke saath he aap bindi bhi zaroor lagaye. Yah aapko ek attractive aur khoobsurat look dega. Boat neck hone ki wajah se aap iss dress ke saath koi necklace na pahne. Lekin aap chahe to earring pahan sakti hai aur agar ho sake to koi ek he jewelry aisi ho jo aapke pure look highlight kare. Aap apne haantho mein mehndi ka chhalla aur ring pahan sakti hai. 

Read Also : 10 Aise Sandal Jinhe Apne Wardrobe Me Zaroor Shamil Karen

5: Velvet Lehenga With Cut Work Border :

Velvet-Lehenga-choli-with-Cut-Work-Border

Iss wine color ke velvet designer lehenga choli ke pure kaam ko pura karne ke liye cut work border ke saath heavy embroidery iss pure set ko complete karta hai. Iss dress par diamond, resham, stone, zari aur thread ka work kiya gya hai. Hot pink net ke dupatte par velvet border iski khoobsurti ko badhata hai.

Aapka Makeup :

Agar aap velvet ki koi bhi dress pahan rahi hai, to aap bahut jyada over makeup na kare. Kyunki aisa karne se aapka look bahut he bhadkau najar aayega. Aankhoo par bahut jyada makeup na kare sirf halka eye shadow aur eyeliner ka istmaal kare. Aap apne cheekbones ko highlight kare aur apne lips ko light red, orange ya brown kar sakti hai. 

Jewelry Selection :

Aap apne dress ke design se match karti hui jewelry pahan sakti hai. Aap earring, maangtika, necklace, bangle aur ring carry kar sakti hai. Lekin agar aap bahut jyada jewelry nahi pahanna pasand karti hai, to aap koi ek jewelry zaroor pahane. 

Read also : Kuch Aise Balayage Hairstyle Jo Aapke Style Ke Liye Perfect Hai

HAVE A NICE DAY AND EVENING….THANK YOU…..

Leave a Reply

Your email address will not be published. Required fields are marked *