How To Take Care Of Skin In Rainy Season

skin care

How To Take Care Of Skin In Rainy Season :

Monsoon ka mausam hame jitni garmi se rahat deti hai utna yah hamare body ke liye problems bhi lati hai aur saath he kai tarah ki infection bhi. Barsat ke mausam mein har jagah nami jaisa mahsoos hota hai, jiski wajah se iska sidha asar hamare skin aur hair par jyada hota hai. Isliye monsoon ke mausam mein skin ki dekhbhaal  sabse jyada karni padti hai. Monsoon ke mausam mein hame saaf-safai ka bahut jyada khayal rakhna chahiye kyunki is mausam mein skin par fungal infection hone ka khatra badh jata hai. Isliye aaj ham aapko bataenge ki How To Take Care Of Skin In Rainy Season.

Read also : Barsaat Ke Mausam Mein Baalo Ki Dekhbhal Karne Ke Asan Tarike

Barish ke mausam mein skin par hone wali problems :

Barish ke mausam mein skin par bacterial aur fungal infection hona ek normal problem hai. Lekin barish ke mausam mein sabse bura haal hamare pairo ka ho jata hai, is mausam mein gande paani mein rahne se pair ke angutho mein infection ki problem hone lagti hai aur saath he allergy ya itching jaisi problems bhi iss mausam mein hone lagti hai.

Read also : Hair Removal Cream Istmaal Karne Ke Baad Kya Kare Iske Fayde Aur Nuksan

Home remedies for skin care in rainy season :

monsoon skin care

1: Apple face pack :

Iss face pack ko banane ke liye sabse pahle ek seb ko chhel kar achhi tarah se masal le. Usme ek chammach chini aur milk mila kar achhi tarah se mix kar le. Ab us mein kuch boonde chamomile ko mila kar face pack banaye aur 15 se 20 minute tak chahre par laga kar rakhe. Iske baad chahre ko saaf paani se chahra dho le. Iske istmaal se skin ki dullness kam ho jati hai.

2: Aloe vera gel :

Yah ek natural remedies hai, barsat ke mausam mein aap ki skin par hone wale bacteria infection ko door rakhta hai. Kai baar aisa hota hai ki nahane ke turant baad aapke shareer mein khujli shuru ho jati hai. Aise waqt par apne nahane ke paani mein antiseptic liquid ki kuch boonde dale aur phir nahaye. Naha lene ke baad aloe vera gel ko apne pure shahreer par lagaye. Isse aapki skin har tarah ke bacteria se door rahe gi jo aapke skin ke liye harmful ho.

3: Anardana :

Anardana aapki skin ke liye anti aging ka kaam karta hai isme vitamin C paya jata hai jiski wajah se yah dry skin ke liye faydemand hota hai. Iss pack ko banane ke liye 2 chammach pise hue anardane, 1 cup kachhe oatmeal le aur usme 2 bade chammach honey wa thoda chhachh mila kar paste bana le aur ise achhi tarah se skin par lahaye aur 10-15 minute tak laga rahne de aur uske baad ise halke garam paani se saaf kar le.

4: Tomato :

Kya aap jante hai ki monsoon ke mausam mein tamatar ke istmaal se aapki skin ki achhi tarah se dekhbhaal ki jaa sakti hai. Tamatar ke istmaal se aap apne skin mein nai jaan dal sakte hai. Iske liye ek tamatar le aur uske andar ka sara guda nikal le. Ab ise apne pure face par achhi tarah se lagaye aur ise tab tak laga kar rakhe jab tak yah sukh na jaye. Jab yah puri tarah se sukh jaye, to chahre ko thande paani se dho le. Iss nuskhe ke istmaal se aapki skin kafi chamakdaar aur young najar aaye gi.

Read also : Shahnaz Hussain Homemade Beauty Tips For Glowing Skin

Barsat mein alag alag skin type ki dekhbhaal kaise kare :

skin care in rainy season

1: Oily skin ke liye :

Hereditary hormones ke changes ki wajah se skin oily ho jati hai. Oily skin walo ko din mein kam se kam 2 se 3 baar apna chahra thande paani se dho lena chahiye, isse kam se kam kafi had tak oil ko kam kiya ja sakta hai. Oily skin ko hatane ke liye natural product ka istmaal kare.

Ingredients :

  • Besan – 3 chammach
  • Dudh – 2 chhote chammach
  • Honey – 1 chammach
  • Lemon juice – 1 chammach

Lagane ke tarika :

Ek bowl mein in sabhi ko dal kar achhi tarah se mix kare aur phir ise pure face par achhi tarah se lagaye. Ise 15 minute tak laga kar rakhe aur phir kuch deer baad halke gungune paani se chahra dho le. Iske istmaal se oily skin ko hata kar chahre mein ek nai freshness aa jati hai.
Skin se oil ko hatane ke liye kisi achhe oil mein gulab jal milakar chahre par moisturizer ki tarah lagaye aur 10 minute ke baad saaf paani se chahra dho le. Iske istmaal se skin oil free aur healthy ho jaye gi.

Read also : Homemade Bleach Kaise Banaye Aur Bleach Kitne Dino Me Kare

2: Dry skin ke liye :

Body mein vitamin ki kami se skin dry ho jati hai jo skin ki maramat ka kaam karta hai. Dry skin walo ko iss mausam mein jyada matra mein paani pina chahiye, taki unke body mein paani ki matra bani rahe aur toxin bahar nikalti rahe. Dry skin se chhutkara pane ke liye home remedies ka bhi istmaal kar sakti hai.

Ingredients :

  • Jojoba oil – 2 chammach
  • Fresh dahi – 3 bade chammach
  • Honey – 1 chammach

Lagane ka tarika :

In sab ko ek saath achhi tarah se mix karke pack banaye aur ise apne pure face par achhi tarah se lagaye. Ise 10 minute tak laga kar rakhne ke baad paani se saaf kar le. Yah pack barish ke mausam mein dry skin walo ke liye achha hota hai.

Read also :  Bleach Ka Istmaal Kaise Kare Bleach Ke Fayde Aur Nuksan

3: Combination skin :

Combination skin walo ko special dekhbhaal ki zaroorat hoti hai. Dry skin wali jagah ko regular moisturize kiya jana zaroori hota hai aur oily wali jagah ko bhi natural tarike se ubtan lagana chahiye.

Read also : How To Make Natural Skin Toner At Home

Acne or pimple ko door karne ke gharelu upay :

face pack for pimples

Acne ko door karne ke upay :

Barish ke mausam mein acne ek normal problem hai, lekin ise door karne ke liye kuch gharelu upay hai. Jinhe apna kar acne ko kam kiya ja sakta hai. 

  • Multani mitti – 3 bade chammach
  • Kapoor – 1
  • Laung ka tel – 2 chammach
  • Paani – 3 bade chammach

In sabhi ko ek bowl mein dal kar achhi tarah se mix kare aur phir ise us jagah par lagaye jaha acne hua hai. Ise 15 minute tak laga kar rakhe aur kuch deer baad thande paani se chahra dho le. 

Read also : Coffee Face Pack for Skin Whitening and Glowing

Pimple ko door karne ke upay :

  • Multani mitti – 1 bade chammach
  • Laung ka tel – 1 chammach
  • Chandan powder – 1 chammach
  • Neem ki patti ka paste – 1 chammach

Pimple ko door karne ke liye in sabhi ko ek saath mila kar paste taiyaar kare. Ab ise pimple wali jagaho par lagaye aur sukhne ke kuch deer baad paani se dho le. 

Read also : How to Remove Dandruff From Hair Permanently at Home

Barsat ke mausam mein apni skin ke liye in baato ka khas khayal rakhe :

monsoon skin care

1: Monsoon ke mausam mein bahut he jyada heavy makeup na kare aur ho sake to water proof makeup ka istmaal kare, taki barish ki boondo ki wajah se aapka makeup kharab na ho jaye.

2: Jyada tar log summer ke mausam mein he sunscreen lagate hai, lekin kya aap janti hai ki barish ke mausam mein bhi sunscreen lagana bahut zaroori hai. Kyunki iss mausam mein bhi badal se UV kirne nikalti hai aur jo hamare skin tak pahunchti hai. Iss liye sunscreen lotion ya cream ka istmaal zaroor kare.

3: Iss mausam mein apne skin ko din bhar mein 3 se 4 baar face wash se zaroor dhoye. Jisse skin par maujood jama oil padarth aur dhul nikal jaye.  

4: Monsoon mein bahut he tight dress na pahne. Kyunki isse aapki body par rashes ho sakte hai, jiski wajah se aapke shareer par dane bhi nikal sakte hai. Nylon fabric ki jagah cotton kapde pahne . 

5: Monsoon ka mausam thoda thanda hota hai jiski wajah se log iss mausam mein paani kam pite hai. Paani kam pine ki wakah skin mein nami kam ho jati hai. Iss liye regular 8 se 10 glass paani zaroor piye.

6: Monsoon ke mausam mein pairo ka khas khayal rakhna padta hai. Kyunki pairo mein nami aur jyada time tak paani mein rahne ki wajah se fungal infection hone ki sambhavna rahti hai. Barsat mein band aur gile shoes na pahne aap iski jagah par slipper ka istmaal kare. Agar aap ke shoes gile hai to unhe turant sukhaye. Isi ke saath pairo par pedicure zaroor karaye.

7: Kisi achhe skin scrubber ya koi aisa scrubber jo aapki skin ke liye perfect hai usse daily apne chahre ko saaf kare.

8: Apni diet mein juice aur soup jyada le. Kisi bhi sabji ya fruit ko khane se pahle use halke garam paani se zaroor saaf karle. Taki usme jami sari gandagi achhi tarah se saaf ho jaye. 

9: Monsoon ke mausam mein baalo ka bhi khas khayal rakhna bahut zaroori hota hai. Kyunki iss mausam mein pasine ki wajah se baal gile ho jate hai jiski wajah se baalo mein gandagi jama ho jati hai aur jiski wajah se hair fall ki problem badh jate hi. Isliye hafte mein 2 se 3 baar shampoo aur conditioner zaroor kare. Iske alawah agar barish ki wajah se aapke baal gile ho gaye hai, to unhe turant towel se achhi tarah sukha le. Hafte mein ek baar oil massage zaroor kare. 

10: Monsoon ke mausam mein antibacterial toner ka istmaal karna kafi faydemand ho ta hai. Yah skin ko fatne aur infection se bachata hai.  

Read also : How To Take Care Of Feet At Home

HAVE A NICE DAY AND EVENING …..THANK YOU….

Leave a Reply

Your email address will not be published. Required fields are marked *