How to Remove Dandruff From Hair Permanently at Home

How to Remove Dandruff From Hair Permanently at Home
Dandruff ko hatane ke homemade remedies : 

Baalo ki sabse badi problem hai dandruff, jise hatane ke liye ham tarah-tarah ke product ka istmaal karte hai. Dandruff ek tarah ki bimari hoti hai, jiska agar samay se pahle ilaaj na kiya jaye, to yah aap ke baalo ke liye bahut badi problem bhi ho sakti hai. Isse aap ke sir par safed papdi jam jati hai aur yah baalo par alag se najar aane lagti hai. Isse sir ke scalp ki skin damage hone lagti hai aur hair fall ki problem bhi ho sakti hai. Kai baar dandruff ki wajah se face par pimple ki bhi problem ho dakti hai.

Aap dandruff ko hatane ke liye tarah-tarah ke shampoo ka istmaal karti hai aur kai baar to beauty parlour me bhi ja kar samay aur paise dono ki barbadi karti hai. Lekin hamare kitchen me bhi aise bahut sare saman maujood hote hai, jo dandruff ko hatane me kafi madad karte hai. Isliye ham aaj aap ko kuch gharelu nuskhe batayege, jiske istmaal se aap dandruff ko hata sakti hai.

Read also : How To Take Care Of Feet At Home

How to Remove Dandruff From Hair Permanently at Home

Lemon juice aur coconut pack :

  • Lemon juice – 2 chammach
  • Coconut milk ya oil – 3 bade chammach

Coconut milk aur lemon juice ko ek saath milaye. Baalo ki roots me ise lagaye aur 1 ghante ke liye rakhe. Phir herbal shampoo se dho le. Aisa hafte me do baar kare. Aap chahe to apne gher par bhi coconut milk bana sakti hai, coconut milk banane ke liye fresh coconut ko achchi tarah se kas le. Aadha cup kase fresh coconut me 2 bade chammach paani milaye aur nichod le. Iss dudh ko hair pack ke istmaal me laye. Agar aapke pass coconut milk nahi hai, to ise coconut oil ke saath bhi mila sakti hai.

Apple cider vinegar :

  • Apple cider vinegar – 1 chammach
  • Vinegar – 1 chammach
  • Dahi – 3 bade chammach

Iss hair pack ko banane ke liye ek bowl me vinegar, apple cider vinegar aur dahi ko dal kar achchi tarah se mix kare. Iss pack ko apne baalo ki jado me lagaye aur achchi tarah se malish kare. Ise kam se kam 1 ghante ke liye laga rahne de aur phir uske baad mild shampoo se baal dho le.

Methi ka pack :

  • Methi powder – 2 chammach
  • Dahi – 3 bade chammach

Ek bowl me methi powder le aur usme dahi ko dal kar achchi tarah se mix kare. Ab ise apne baalo ki jado  aur apne pure baalo par lagaye. Kuch der tak malish kare aur 15 minute tak laga rahne de. Uske baad hair ko mild shampoo se dho le.

Gudhal (hibiscus) ka pack :

  • Hibiscus ki fresh pattiyan – 1 mutthi (handful)
  • Dahi – 2 bade chammach
  • Methi powder – 3 chammach

Gudhal ke fresh patto ko lekar use bareek pess kar uska paste taiyaar kare. Ab usme dahi aur methi powder dalkar achchi tarah se milaye. Ise apne baalo par lagaye aur 30 minute tak laga rahne de. Uske baad baal ko sade paani se dho le. Baalo ke sukhne par hair brush kar le.

Masoor daal ka pack :

  • Dahi – 2 bade chammach
  • Masoor – 2 chammach

Masoor ki daal ko kuch ghante ke liye paani me bhigo kar rakhe. Phir masoor ki daal ko mixer me bareek pess kar uska paste taiyaar kare. Ab usme dahi ko dale aur achchi tara mix kare. Ise baalo ki jado me lagaye aur kam se kam 20 minute tak laga kar rakhe. Phir dilute shampoo se baal ko dho le aur conditioner ka istmaal kare.

Read also : How To Get shiny And Bouncy Hair At Home

How to Remove Dandruff From Hair Permanently at Home

White vinegar : 

  • White vinegar – 3 chammach
  • Egg white – 1

White vinegar aur paani ko barabar matra me milakar baalo ki jado me lagaye. Kuch der baad jab paani aur vinegar jado me achchi tarah se ghul jaye , to egg white ke hisse ko phent kar baalo par lagaye. Kam se kam 20 minute tak lagakar rakhe. Anti dandruff shampoo ko paani ke saath dilute karke shampoo kare. Iska istmaal hafte me ek baar kare.

Tea tree oil :

  • Tea tree oil – 1 chammach
  • lemon – 2

Garam paani me ek chammach tea tree oil ko mila ker usse sir ki skin par achchi tarah se massage kare. Uske baad lemon juice aur paani ko mix karke baal dho le. Uske baad garam paani me towel ko bhigo le. Towel ka sara paani nikal kar kuch der ke liye sir me lapete. Agar aap chahti hai ki aap ko isse jald rahat mile to aap ise raat ko sone se pahle kare.

Henna hair pack :

  • Henna – 3 bade chammach
  • Dahi – 2 bade chammach
  • Lemon juice – 1
  • Chai ki patti (black tea leaves) – 1 chammach

Henna ke istmaal se baal mulayam aur chamakdaar hote hai jabki lemon juice dandruff ko door karne me kafi faydemand hota hai. Iss pack ko banane ke liye ek pan me 2 cup paani le aur usme chai ki patti dalkar achchi tarah se pakaye. Ab iska paani alag karle aur phir isme henna dale aur achchi tarah se mix kare, agar zaroorat lage to isme thoda sa paani aur dalen. Ab isme dahi aur lemon juice dalen aur achchi tarah se mix kare. Iss paste ko 8-10 ghante ke liye rakhde uske baad ise apne pure sir par achchi tarah se lagaye aur 3-4 ghante tak laga kar rakhe. Uske baad baal ko sade paani se dho le.

Neem aur olive oil :

  • Dried neem ki patti – As required 
  • Olive oil – 4 chammach

Dry neem ki patti le, bareek pess kar uska powder bana le. Ab isme olive oil dale aur achchi tarah se mix kare. Ab iss paste ko apne scalp par lagaye aur 30 minute tak laga kar rakhe. Uske baad hair ko mild shampoo aur conditioner se dho le.

Aap chahe to neem ki fresh patti ko paani me ubaal kar apne baalo aur scalp par achchi tarah se lagaye. Ise 1 ghante tak laga kar rakhe aur uske baad paani se dho le.

Baking soda aur lemon juice :

  • Baking soda – 3 chammach
  • Lemon juice – 3 chammach
  • Apple cider vinegar – 1 cup

Ek bowl me baking soda, lemon juice aur apple cider vinegar ko dalkar achchi tarah se mix kare. Ab isse apne hair scalp par achchi tarah se lagaye aur 20 minute tak laga kar rakhe. Uske baad mild shampoo se hair wash kar le. Iska istmaal aap hafte me 2 baar kare.

Read also : Beer Facial Mask Tips

Note :

Agar aap ko kisi bhi product se allergy hai to aap us product ka istmaal na kare. Aap istmaal karne se pahle kisi expert se advice zaroor le. Tab aap us ko istmaal me laye.

Agar aap ko hamari yah tips pasand aayi ho to iss par like aur comment zaroor kare.

HAVE A NICE DAY AND EVENING……THANK YOU….. 

Leave a Reply

Your email address will not be published. Required fields are marked *