How To Make Yummy And Tasty Eggless Black Forest Cake

How-To-Make-Yummy-And-Tasty-Eggless-Black-Forest-Cake

Eggless black forest cake :

Cake har kisi ki favorite hoti hai, phir chahe wo chhota ho ya bada. Cake khaane mein jitna tasty aur yummy hota hai, use banana utna he asan hai. Agar aap cake banana chahati hai aur aapke pass oven nahi hai to iske liye befikr rahe, ham aapko microwave ki jagah cooker mein cake banana batayenge. Bahut se log hote hai jinhe egg wala cake khana pasand nahi hota hai, isliye to phir chaliye aaj ham aapko batayenge How To Make Yummy And Tasty Eggless Black Forest Cake.

Read also : Valentine’s day Chocolate Cheesecake

Ingredients :

  • Milk – 1 cup
  • Chini pisi hui – 2 chammach
  • Maida – 1/2 cup
  • Butter – 100 gram
  • Baking soda – 1 chammach
  • Baking powder – 1 chammach
  • Coco powder – 2 chammach
  • Condensed milk – 200 gram
  • Chocolate compound – 1 (cake sajane ke liye)
  • Ice cream aur whip cream – 100 gram
  • Chini ka paani – 1/2 cup
  • Cherry – sajane ke liye

Method :

1: Ek bowl mein butter le aur use 1 minute tak achhi tarah se mix kare.

2: Jab butter pighal jaye to phir usme pisi hui chini dale aur ise 6 minute tak phent le. Aap apne taste ke according isme chini ki matra badha ya ghata sakti hai.

3: Jab butter ya chini achhi tarah se mix ho jaye tab isme condensed milk dale aur ise 3 minute tak mix karti rahe.

4: Ab ek bowl mein maida, baking powder aur baking soda le use achhi tarah se chhan le. Ab ise mixture mein mila kar achhi tarah se mix kare. Mixture gadha hona chahiye.

5: Ab iss mixture mein dudh dale. Lekin dudh dalne se pahle use halka gunguna kar le aur phir ise thoda thoda karke dalti rahe. Agar pura dudh dalne ke baad bhi mixture gadha najar aata hai, tab aap isme 2-4 chammach paani bhi mila sakti hai.

6: Ab cooker ka bartan le aur uski siti nikal de aur usme 2-3 cup namak cooker ke chaaro taraf achhi tarah se phaila de. Ab cooker ke beech mein ek steel ka stand rakh de. Cooker ko 10 minute ke liye garam kare.

7: Ab ek bartan le jisme cake banana ho aur usme charo taraf butter ko achhi tarah se laga kar phaila de.

8: Ab is bartan mein cake ka mixture dale. Lekin itna dale ki pakne ke baad cake bartan ke bahar na gire.

9: 10 minute baad gas ko dhima kar de.

10: Ab isme cake ka bartan dale.

11: Cake ko kam se kam 30 minute tak dhimi aanch par pakana hai.

12: Kuch deer baad cake mein knife dal kar check kar le ki cake paka hai ya nahi. Agar cake knife mein chipak jaye to samjhe aapka cake nahi paka hai to phir use 5-10 minute tak dhimi aanch par aur pakaye.

13: Phir gas ko band karde aur cake ko thanda hone ke liye chhod de.

Read also : How To Make Easy Chocolate Marble Cake Recipe

Cake decoration :

1: Jab cake thanda ho jaye to phir uski layer banayen ge. Cake ko do hisso mein kat le.

2: Cake ke pahle wale hisse mein chini ka paani lagaye, isse cake soft aur tasty ho jaye ga.

3: Uske baad us par cream lagaye.

4: Ab cake ka dusra layer bhi uske upper rakh de aur us par bhi chini ka paani lagaye.

5: Phir cake ke chaaro taraf cream laga de.

6: Ab iss par cone ki madad se flower banaye ya aap jo chahe bana sakti hai.

7: Phir chocolate ke bareek tukde kar le aur cake par laga de aur us par cherry se decor kare

Read also :Eggless Fruit And Nuts Cake Recipe

Tips :

1: Black forest cake ko banane ke liye halke gungune dudh ka istmaal kare ga.

2: Cooker mein cake banate samay iss baat ka zaroor khayal rakhe ki siti ko nikaal le. Kyunki yah bina siti ke banta hai.

3: Cake banate waqt iske sare mixture ko achhi tarah se mix kare, taki yah bahut soft aur sponge bane.

Read also : How To Make Eggless Sponge Cake Without Condensed Milk

Leave a Reply

Your email address will not be published. Required fields are marked *