How to Make Matar Pakora Curry Recipe

How to Make Matar Pakora Curry Recipe

Pakora curry Indian me bananyi jaane wali famous recipes me se ek hai. Ham aksar pyaaj pakora curry, besan curry aur bhi bahut tarike ki pakora curry banate aur khate hai. Lekin ham aaj aap ko matar pakora curry recipe ke bare me batayenge. Isme bhi besan, dahi aur masale ko dalkar banaya jata hai. Yah khane me bahut tasty aur delicious hota hai.

Read also : How to Make Palak Pakora Chaat Recipe at Home

Ingredients :

Besan ke ghol ke liye :

  • Khatta dahi – 1 1/2 cup
  • Besan – 3 bade chammach
  • Fresh matar (dardara kiya hua) – 1/2 cup
  • Methi dana – 1/2 chhota chammach
  • Haldi powder – 1 chhota chammach
  • Dhaniya powder – 1 chhota chammach
  • Salt – As required

Pakori ke liye :

  • Matar (pisa hua) – 1 cup
  • Haldi powder – 1 chhota chammach
  • Besan – 2 bade chammach
  • Namak – As required

Tadke ke liye :

  • Lahsun ki kaliyan (bareek kati) – 3-4
  • Hari mirch (beech se kati hui) – 3-4
  • Heeng powder (asafoetida) – 1/4 chhota chammach
  • Laal mirch powder – 1 chhota chammach
  • Sukhi mirch – 1
  • Sabut jeera – 1/2 chhota chammach

Method :

Besan ke ghol ke liye :

Ek patila le usme paani dale ab usme besan, dahi, matar, methidana, haldi powder, dhaniya powder aur namak dalkar milaye aur isse 3-4 ghante ke liye chhod de. Aanch par rakh kar ubaale aur dhimi aanch par 40 minute tak pakaye.

Pakori ke liye :

Ek bowl me matar, haldi powder, besan, namak aur 1 chammach oil dalkar khub phente aur pakore wala gadha ghol taiyaar kare. Kadahi me oil garam kare aur pakori tal le. Ab in pakori ko besan ke ghol me dale aur 5 minute tak ubaale. Aanch se kadahi utaar le.

Tadke ke liye :

Tadke ke liye ek pan me oil garam kare. Ab usme sukhi laal mirch, jeera aur heeng chatkaye. Lahsun aur hari mirch dalkar bhune. Laal mirch dalkar jhaunk lagaye. Ab ise matar pakori curry me dale aur garmagaram serve kare. Ise aap roti ya rice ke saath serve kar sakti hai.

Read also : Stuffed Tomato With Gravy Recipe (Bharwa Tamatar)

To aap iss dish ko apne ghar par zaroor banaye aur sab ke saath milkar khaye. Iss dish ko aap lunch ya dinner ke waqt bana sakti hai.

Agar aap ko hamari yah recipe pasand aayi ho to hame comment karke zaroor bataye.

HAVE A NICE DAY AND EVENING….THANK YOU…..

Leave a Reply

Your email address will not be published. Required fields are marked *