How To Make Eggless Chocolate Sponge Cake Recipe

 

How To Make Eggless Chocolate Sponge Cake Recipe

How To Make Eggless Chocolate Sponge Cake Recipe

Chocolate cake bachche ho ya bade sab ko bahut pasand aata hai. Lekin kuch aise bhi log hote hai jinhe egg khana bilkul bhi pasand nahi hota hai aur yahi wajah hai ki we chocolate cake nahi khate hai Lekin ham aaj aapko batayege How To Make Eggless Chocolate Sponge Cake Recipe. Jise aap aasani se ghar par bana sakti hai. 

Read also :  How to Make Delicious Apple (Seb) Rabdi

Time : 45 minute                                                            Serving – 2-4 People 

Ingredients :
  • Maida – 2 cup
  • Baking soda – 1/2 chhota chammach
  • Baking powder – 1/5 chhota chammach
  • Makkhan (butter) – 1/2 cup
  • Chini powder (sugar powder) – 1/2 cup
  • Coco powder – 1/2 cup
  • Milk – 1cup
  • Condensed milk – 1/2 cup
Method :

How To Make Eggless Chocolate Sponge Cake Recipe

1:Batter banane ke liye, ek bowl me maida dalen aur phir isme baking powder, baking soda wa coco powder dalkar achche se mix kar lijiye. Ab iss mishran ko chhalni se achchi tarah se chhaan lijiye, taaki achchi tarah se mix ho jaye.

2: Ek bartan me halka sa pighlaya hua makkhan aur chini powder dalkar achchi tarah se fent le.

3: Iske ander condensed milk dalkar isko achchi tarah se milne tak khoob fent lijiye.

3: Mishran ke achche se fluffy hone ke baad isme thoda sa milk dalkar mix kar lijiye.

4: Phir isme thoda-thoda maida, coco powder ka mishran aur thoda-thoda milk dalte hue sabhi chizo ko achche se mila le. Cake ke liye batter ban kar taiyaar hai.

5: Cake ke container ke kinaaro ko thoda sa makkhan laga kar chikna kar le.

6: Saath he, container ke size ke gool batter paper ko bhi makkhan se chikna kar lijiye aur ise container me laga de.

7: Iske baad, container me cake ka batter dal dijiye aur container ko knocking kar ke mishran ko barabar kar le.

8: Ab oven ko 180 degree centigrade par preheat kar lijiye, cake ke container ko oven ki beech wali rank par rakhiye aur 25 minute ke liye isi taapmaan par cake ko bake karne ke liye set kar dijiye aur cake ko bake hone dijiye.

9: 25 minute baad cake ko nikaal kar check kijiye. Cake agar abhi nahi bana hai tab use 10 minute ke liye 170 degree centigrade par bake kar lijiye.

10: Cake check kijiye, cake me knife dale aur dekhe ki cake knife ki noke se chipak nahi raha hai to cake ban chuka hai.

11: Cake ko thoda thanda hone dijiye. Cake ban kar taiyaar hai.

12: Cake ke thanda hone par knife ko cake ke chaaro taraf chala kar container se alag kar lijiye.

13: Phir, ek plate ko container ke oopar rakh dijiye aur container ko ulatkar halka sa thapthapa dijiye, cake plate me aa jaye ga.

14: Aap ka cake taiyaar hai. Iss chocolaty cake ko aap fridge me rakh kar 10-12 dino tak kha sakti hai.

Read also : Eggless Fruit And Nuts Cake Recipe

To aap bhi eggless chocolate sponge cake apne ghar par banaye aur sabke saath mil kar iss dish ko enjoy kare. Agar aapko koi bhi sawal puchna hai to aap hame comment zaroor kare.

HAVE A NICE DAY AND EVENING….THANK YOU….

2 thoughts on “How To Make Eggless Chocolate Sponge Cake Recipe

Leave a Reply

Your email address will not be published. Required fields are marked *