How To Get shiny And Bouncy Hair At Home

how to get shiny and bouncy hair at home

Aaj ke samay me har koi chahta hai ki unke baal bouncy aur shiny rahe. Kuch logo ke baal shiny aur bouncy naturally hote hai, lekin kuch logo ke baal dry aur chipchipe hote hai. Woh bhi chahte hai ki unke bhi baal bouncy aur shiny najar aaye. Lekin kisi ke bhi pass itna waqt nahi hai ki wo beauty parlour me jaa kar apne baalo ka treatment kara sake. Isliye ham aap ko batayenge ki ghar par aap kaise bouncy aur shiny baal paye.

Read also : Balo ko Silky aur Shiny karne ka Tarika

Balo ko bouncy, shiny aur thick karne ke liye tips:

Har koi chahta hai ki uske bhi baal bouncy aur thick ho. Yah har ladkiyon ki pahli pasand hoti hai. Agar aap chahti hai ki aap ke flat aur halke baalo me bhi volume aaye to iske liye in tips ko aajmaye-

1: Patle aur flat baalo me layered hair cut karaye. Isse aap ke baalo me volume najar aaye ga.

2: Aap apne baalo ki saaf-safai par focus kare. Hair styling products baalo me jama hone se ye patle aur chipchipe  najar aane lagte hai.

3: Hair styling product ko mix aur match karke bhi aap apne baalo me volume la sakti hai. Baal dhone ke baad baalo me leave in conditioner laga kar serum lagaye. Baalo ko blue dry karna ho to heat protectant serum lagaye.

4: Baalo ki jado me volume lane ke liye thoda thickening serum lagaye aur balo ki lambai me shine serum ka ek coat lagaye.

5: Baalo me shampoo aur conditioner ke baad unhe sukhne de. Phir baalo ko twist karke juda bandh le. Agar chhote balo ka ek juda banane me mushkil ho rahi ho, to chhote-chhote 2 ya 3 high hair bun bana le. Subah baal wavy aur bouncy najar aayenge.

6: Gile baalo ko ulta karke niche se oopar ki or blow dry kare. Baalo me volume aayega.

7: Baalo me volume dikhane ke liye baalo ki parting ko dusri taraf se nikale. Agar center parting nikalti hai, to side parting nikale aur agar right side parting nikalti hai, to left side parting nikale.

8: Baal dho kar sukha le aur puri tarah se sukhne ke baad sir niche karka balo ko aage le aaye. Phir niche se oopar ki or flat vent brush se baalo me brushing kare.

9: Oily baalo me bounce lane ke liye un par thoda talcum powder chhidke. Extra oil nikalne ke saath baalo me bounce aayega.

10: Halke haantho se bhi back combing karke bhi balo ko bounce diya ja sakta hai. Isse aap puff bhi bana sakti hai.

Read also : Hair Fall Control at Home in Hindi

Homemade remedies: 

how to get shiny and bouncy hair at home

Apne baalo ko bouncy aur shiny banane ke liye aap homemade remedies ka bhi istmaal kar sakti hai.

1: Egg and beer hair pack :

  •  Egg yolk – 1
  • Beer – 50 m.l.

Beer aur egg baalo ke liye ek bahtreen combination hai. Beer me protein paya jata hai jo balo ko shiny aur strong banata hai. Is pack ko banane ke liye ek bowl me egg yolk aur beer dalkar mila le. Ise gile baalo me laga le aur baalo ko 30 minute ke liye shower cap se cover kar de. Phir ise saaf paani se dho kar shampoo kar le.

2: Honey and mayonnaise hair pack :

  • Egg – 1
  • Honey – 2 chammach
  • Curd – 2 chammach
  • Mayonnaise – 2 chhote chammach

Ek bowl me egg, honey, curd aur mayonnaise le. Ab in sab ko achchi tarah se mix kare aur baalo me achchi tarah se lagaye. Iss paste ko 15-30 minute tak laga kar rakhe aur kuch deer baad baal ko mild shampoo se dho le.

3: Yogurt and olive oil :

  • Honey -3 chammach
  • Yogurt – 1/4 cup
  • Olive oil – 2 chammach

Honey ek natural conditioner hai, jo balo ko soft banata hai. Iss pack ko banane ke liye ek bowl me honey, yogurt aur olive oil ko dal kar achchi tarah se mix kare. Ab iss pack ko apne balo me lagaye aur 30 minute tak laga kar rakhe. Uske baad paani se dho le. Yah pack aap ke baalo ko shine aur bouncy banata hai.

4: Henna hair pack: 

  • Henna –  1/2 cup
  • Egg – 1
  • Yogurt – 2 chammach

Henna ek aisa hair pack hai jo baalo me silky, bouncy aur volume lata hai. Iss pack ko banane ke liye ek bowl me thoda garam paani le ab usme henna dalkar achchi tarah se mix kare. Ab iss pack me egg aur yogurt dale aur inhe achchi tarah se mix kare. Ab iss pack ko apne pure baalo me achchi tarah se lagaye aur ise 3-4 ghante tak laga kar rakhe. Sukhne ke baad baal ko sade paani se dho le.

Read also : Hair Oil ke Fayde

To aaj hamne aap ko bataya ki aap apne baalo ko bouncy aur shiny kaise kare. To aap bhi in tips ko follow karke apne baalo ko shiny aur healthy bana sakti hai. Agar aap ko kisi bhi product se koi allergy hai to aap uska istmaal na kare. Kyonki isse aap ke baalo ki health kharab ho sakti hai. Isliye kisi bhi product ka istmaal karne se pahle kisi expert se advice zaroor le. 

Agar aap ko hamari yah tips pasand aayi ho to iss par like aur comment zaroor kare.

HAVE A NICE DAY AND EVENING….THANK YOU…. 

3 thoughts on “How To Get shiny And Bouncy Hair At Home

Leave a Reply

Your email address will not be published. Required fields are marked *