How To Do Waterproof And Sweat-proof Makeup In Summer

How-To-Do-Waterproof-And-Sweat-proof-Makeup-In-Summer

Roozmarra ki zindagi mein makeup hamari zindagi ka ek chhota sa hissa ban gya hai. Mausam chahe koi bhi ho makeup hamare face ko perfect look deta hai. Lekin problem tab hoti hai jab summer ke aur baarish ke mausam mein makeup bahne lagta hai. Isliye iss mausam mein hame aise makeup ka istmaal karna chahiye jo waterproof  aur sweatproof ho. Taaki hamara makeup long time tak tika rahe. To phir chaliye aaj ham aapko batayenge How To Do Waterproof And Sweat-proof Makeup In Summer. 

Read also : How To Apply Perfect Summer Makeup Step By Step

Foundation facts :

1: Nude makeup monsoon ke mausam mein aapko ek khas look deta hai, kyunki iss khushnuma aur pleasant mausam mein skin par natural look aaye ga, to makeup fresh dikhe ga. Agar aap monsoon ke dino mein day makeup kar rahi hai, to umas aur barish ko dhayan mein rakhte hue makeup kare. Sabse pahle apne skin ton ke mutaabik halka foundation lagaye.

2: Agar aapke face par daag-dhabbo ke nishaan hai, to iske liye concealer ka istmaal kare.

3: Skin muse bhi market mein waterproof milte hai. lekin inke kewal do he shades market mein milte hai- pink aur peach. Lekin aesi bahut sari company hai jo sirf ek he shade banati hai. Iss par baarish ke dino ki umas aur halki baarish ki boondo ka bhi asar nahi hota hai. Sirf tissue se din mein do baar skin par press karti rahe.

4: Muse lagane ke baad loose powder lagane ki zaroorat nahi hoti hai. Par phir bhi extra freshness touch de aur extra powder bade brush ki madad se hata de.

5: Mineral makeup bhi rashes yuqt ya sensitive skin ke liye sahi mana ja raha hai. Iss mausam mein aksar rashes ki problems ho jati hai. Kisi khas occasion par makeup ke liye mineral makeup product ko bhi istmaal mein la sakti hai.

6: Shaam ke waqt nude makeup karne ke liye foundation ke saath thoda shimmer powder blend karke lagaye.

Read also : Summer Season Mein Kaise Kare Cool Makeup

Two shade makeup :

1: Loose powder se foundation set karke eye makeup kare. Iske liye koi bhi aisa eye makeup kare jo aapki dress ya occasion se meel khata ho.

2: Aise mausam mein smudge proof eye liner aur kajal lagaye. Smoky eye makeup kafi khoobsurat dikhta hai.

3: Aankho ke oopar aadhe nichle hisse mein orange eye shadow lagaye aur bahar wale hisso mein green color lagaye. Ab dono color ko achhi tarah se blend kare. Orange aur blue, blue aur pink, copper aur maroon ke combination achhe lagte hai.

Read also : How To Apply Perfect Highlighter On Face

Bold eye makeup color :

how-to-do-eye-makeup

1: Grey eye shadow se aankho ke bahari kinare ki orr se ander ki orr line khichen. Iske baad aapko kajal ya eye liner lagane ki zaroorat nahi hogi. Eye shadow ki jagah eye liner na lagaye. Isse aankho ka makeup kaafi chatkila dikhe ga. Palak par transparent mascara ka coat lagaye isse eyebrow natural dikhte hai.

2: Eyebrow ko sawarne ke liye purana toothbrush le aur eyebrow ko brush se oopar ki orr set kare. Apni finger ko gila kar ke halke hanth se bhavon par fere aur bhave sukhne de.

3: Aankho ko bada dikhane ke liye beige color ki eye pencil aankho par kajal ki tarah lagaye. Lekin ise ander na laga kar thoda bahar he lagaye. Phir ankho par kajal ki jagah color eye pencil laga sakti hai. Lekin baarish ke dino mein kajal bhari aankhe he khoobsurat dikhti hai.

4: Aankho ke liye smudge proof kajal ka he istmaal kare. Brow bone par light grey eye shadow lagaye aur halka sa shimmer powder ka touch de.

5: Black mascara ki jagah transparent mascara lagaye. Pahla coat lagaye aur ise sukhne de. Phir kuch deer baad dusra bhi coat lagaye.

Read also : Ghar Par Makeup Karne Ka Sahi Tarika Step By Step

Blush aur natural ton :

how-to-apply-blush-makeup

1: Pink blush har tarah ki skin ton par achha lagta hai. Par kitne coat ka istmaal karti hai, uss par zaroor focus kare. Jitna light makeup hoga utna he natural dikhai dega.

2: Cheekbones ko highlight karne ke liye blush lagane ke baad illuminating powder ka ek light coat lagaye.

3: Peach color blush On fair skin wali girls par jyada khoobsurat lagta hai. Yellow skin ton par pink blush ki jagah peach color ka blush On jyada khoobsurat aur natural lagta hai.

Read also : How To Apply Perfect Nude Makeup

Bright lip color :

how-to-do-lip-makeup-step-by-step

1: Bold lip color lagaye. Smudge proof lip color bahut deer tak lip par tika rahta hai.

2: Matte finishing ki lip cream bhi lips ko soft banaye rakhti hai aur deer tak tiki rahta hai.

3: Lip ki outline kisi bright color ki lipstick se kare aur outline ke ander lip color bhare. Obsessed orange aur pure red ke alag alag shades hai, jo aap umr aur apne skin ton ke mutabik istmaal kar sakti hai. Aajkal shimmer dust yuqt lip color bhi matte finishing mein available hai.

4: Iss mausam mein kabhi bhi sirf moisturizing lip balm na lagaye. Lip tint ka bhi istmaal kar sakti hai . Lip stain water based ya gal based hota hai. Jyadatar stain mein alcohol hota hai, isliye ise apply karne ke baad lip dry ho jate hai. Iski sabse badi khasiyat yah hai ki yah long time tak ruka rahta hai aur smudge free hote hai. Stain colors ke options kam hai, red, peach pink mein se he apna favorite color chunna hota hai. Agar lips ko plump up karna chahati hai, to sabse pahle stain apply kare aur uske oopar lip gloss lagaye. Lip par aise texture ke lip color lagaye, jinki smooth finishing dikhe.

Read also : How To Do Smokey Eye Makeup Step By Step And Eye Makeup Tips

Colorful nail paint :

Colorful-nail-paint-tips

1: Koi bhi colorful nail paint lagane se pahle apne pair aur haantho par zaroor dhayan de. Manicure aur pedicure mein kaafi paise kharch karne ke bawajood kuch he dino mein haanth aur pair waise he ho jate hai. Isliye achhi quality ki foot cream ka daily istmaal kare aur bright color ke nail paint iss problems se chhutkara dila sakte hai. 

2: Pedicure karne ke baad kuch samay ke liye petroleum jelly laga kar rakhe. Quick dry paint naakhuno par lagaye aur puri tarah se sukh jane ka intzaar kare. Nail paint ke fresh look paane ke liye transparent nail paint ka ek aur coat lagaye. Isse lambe samay tak nail paint nahi nikle ga.

3: Iss mausam mein infection ka khatra sabse jyada hota hai, isliye ho sake to monsoon ke mausam mein lambe naakhun na rakhe. Chhote naakhuno par french manicure sahi lagenge. Iss mausam mein bright color ke nail paint ka istmaal kare. Aqua blue, sea green, red, coral aur orange nail color iss mausam mein nakhuno par bahut achhe lagte hai. 

Read also : How To Do Bridal Makeup At Home Step By Step

Leave a Reply

Your email address will not be published. Required fields are marked *