How To Apply Perfect Summer Makeup Step By Step

summer-makeup-tips-for-oily-skin-in-hindi

Garmi ke mausam mein jahan ek orr soft aur cool makeup khoobsurat lagta hai wahin iss mausam mein makeup ke kharab hone ka dar bhi laga rahta hai. Kyunki iss mausam mein pasina aane ki wajah se makeup jaldi kharab ho jata hai. Jiski wajah se kai baar kisi party ya function mein embarrassed hona padta hai. Makeup kharab hone ki sabse jyada problems un logo ko hoti hai jinki skin oily hai. To phir chaliye aaj ham aapko batayenge How To Apply Perfect Summer Makeup Step By Step

Read also : Dulhan Ka Makeup Karne Ka Tarika Aur Dulhan Makeup Kit List

1: Makeup base :

Agar aap chahati hai ki aap ka makeup long time tak tika rahe, to phir iske liye makeup base sabse pahle lagaye. Sabse pahle chahre ke spots par concealer lagaye aur finger se smudge kare. Finger ka istmaal karte waqt finger ko clean rakhe nahi, to infection hone ka khatra badh jata hai. Eyelid ko chhod kar pure face aur lip par foundation ke dot lagaye aur cosmetic sponge ki madad se foundation ko pure chahre par ek jaisa phaila de. Ab loose powder se foundation set kare. Bade aur soft powder brush se extra powder nikal de. Powder nikalte waqt hamesha iss baat ka zaroor khayal rakhe ki brush ka stroke oopar se niche ki orr ho, isse makeup base ka finishing touch achcha aaye ga. Agar aapke face par daag bahut purana aur gahra hai aur yah foundation aur loose powder lagane par bhi dikh raha hai, to concealer stick se daag wale hisso par 2 coat lagaye. Isse daag chhip jaye ga wa skin ke saath eksaar dikhne lagega.

Read also : Summer Season Mein Kaise Kare Cool Makeup

2: Blush on :

Chahre ko natural look dene ke liye blush on lagana bahut zaroori hai. cheekbones par blush on brush se blusher lagaye. Yah jagah gaalo ke theek oopar hai. Blusher ki quantity utni he lagaye, jitni natural dikhayi de. Agar blush on jyada lag gaya ho, to powder se use smudge kare, jisse makeup natural dikhaye de. Blush on do tarah ke hote hai- Powder aur cream blush on. Jinki skin oily ho, we powder blush on aur jinki skin dry ho, we cream blush on ka istmaal kare. Skin par thoda sa pilapan liye ladies peach color ka blush on aur gulabi aabhawali ladies natural pink blush on chune. Isse face par natural glow dikhe ga.

Read also : How To Apply Blusher On Face.

3: Eye shadow :

summer-eye-makeup-tips

Eyelid par light shade ka eye shadow lagaye. Ise eye shadow brush se smudge kare. Eyelid par bahari kone wale bhaag par gahre shade ka eye shadow lagaye. Ab eyelid par kajal ya eye pencil lagaye. Ab ise smudge karne wale brush se smudge kare. Eyelashes ko lash curler se ek minute tak hold karke rakhe aur kuch deer baad phir aisa kare. Isse eyelashes curl ho jaye ga. Ab mascara lagaye aur jab yah sukh jaye, to phir se dusra coat laga sakti hai. Eye shadow hamesha dress, occasion aur age ko dekhte hue lagaye. Brown aur neutral color ke shade jyadatar sabhi umr ki ladies par achhe lagte hai.

Read also : How To Do Smokey Eye Makeup Step By Step And Eye Makeup Tips

4: Highlighter :

Cheekbones ko highlight karne ke liye cheekbones ke theek oopar highlighter lagaye aur blend kar le. Aankho ko attractive dikhane ke liye zaroori hai ki brow bone par jara sa highlighter lagaye aur smudge kare. Lip ke shape ko ubharne ke liye lip ke theek oopar highlighter lagaye aur halka sa blend kare. Iske baad aap blush on ka istmaal kare ya na kare, yah aap par depend karta hai. Jab bhi aap blush on ka istmaal kare, to kaan ke oopari bhaag par bhi lagana na bhule. yah chahre ki rangat ke saath match karta hai.

Read also : How To Apply Perfect Highlighter On Face

5: Lip makeup :

summer-lipstick-tips

Agar aap chahti hai ki aap ke lip par lip color jyada deer tak tika rahe, iske liye foundation ka ek coat lagaye. Uske baad lip color lagaye. Lip pencil se lip ki outlining kare. Tissue paper se lips ko press kare aur ek baar phir se lip color ka coat lagaye.

Aajkal 8 ghante tak bhi lip color lip par tike rahte hai. Moisturizing rich aur matte finishing wale lip color garmi ke mausam mein achhe lagte hai. Jabki glassy lip color suhane ya winter ke mausam mein achhe lagte hai. Shocking color jaise orange, pink, red color kam age ki girls par jyada khoobsurat lagte hai, jabki brown, rust aur red color badi umr wale logo par bhi khoobsurat lagte hai.

Lip par natural shine lane ke liye lip glass ki ek dot lip ke beech mein lagaye aur lip press kar le. isse lip glass sahi tarike se lip par puri tarah se phail jaye ga. Agar aap lip glass brush ki madad se lip par laga rahi hai, to phir iss baat ka zaroor khayal rakhe ki lip ke kinare par yah na phaile. Agar aap glass nahi lagana chahti hai, to outline lagane ke baad lip par lip color lagaye. Agar aap party ke dino mein lip ko khaas tarah se sajana chahti hai, to lip color lagane ke baad thoda sa extra shimmer dust kare. Waise shimmer yuqt lip color bhi achha option hai.

Read also : How to Apply Perfect Lipstick in Hindi

6: How to remove makeup in hindi :

homemade-makeup-remover

Makeup karne ke baad ise remove karna zaroori hai, taki aapki skin healthy rahe. Cream clinger dry skin ke liye asardar hai, jabki clinging milk ya clinging bar oily skin ke liye sahi hai. Combination skin ke liye bhi cream clinger ka istmaal kare.

Eye makeup remove karne ke liye badam ya olive oil ka istmaal kare. Waise special eye makeup remover bhi cosmetic store mein available hai. Clinging ke baad skin toning karna na bhule. dry skin ke liye aloe vera ya rose water achha toner hai, witch hazel ya khira ka ras oily skin ke liye achha hai. combination skin ke liye rose water ya chamomile water best hai. Toning ke baad moisturizer lagaye. Dry skin ke liye cream moisturizer aur oily skin ke liye greasy moisturizer ka istmaal kare.

Read also : How To Apply Makeup Step By Step For Beginners

Leave a Reply

Your email address will not be published. Required fields are marked *