How to Apply Perfect Eyeliner in Hindi

How to Apply Perfect Eyeliner in Hindi

Har ek ladkiyon ka pasandida beauty product eyeliner hota hai. Kajal ke bina koi bhi makeup adhura he lagta hai. Iski ek line aap ke pure look ko badal sakta hai.  Aankho me kajal lagana ek huner hai, khaskar tab jab aapne kajal lagana shuru kiya ho. Galat aur betarteeb dhang se laga kajal aap ki aankho ki sundarta ko kharab kar sakta hai. Aankhe sensitive hoti hai, isliye kajal lagate samay kuch baato ka dhayan rakhe-

Read also:  How to Apply Perfect Lipstick in Hindi

Kajal lagane ka tarika :

How to Apply Perfect Eyeliner in Hindi

1: Kajal hamesha foundation lagane ke baad wa makeup complete karne ke baad he lagaye.

2: Kajal lagane se pahle apni aankho ke niche thoda sa baby powder laga le, isse aap ka kajal nahi faile ga.

3: Sahi kajal wahi hai, jo aankho ko nuksaan na pahunchaye aur deer tak tika rahe. Kajal kai tarah se lagaya jata hai. Working woman, modals ya party ke liye taiyaar honewali ladies ka kajal lagane ka tarika thoda alag hota hai.

4: Pahle log apne ghar par he kajal banate the, par aaj market me kai brand, color aur style ke kajal maujood hai.

5: Agar aap liquid kajal istmaal kar rahe hai, to aap aise brush ka istmaal kare jo smooth ho, tabhi kajal achche se lagega. Brush bahut patla ya mota na ho. Agar aap ka brush tut gya ho to use turat badal le.

6: Kajal lagane se pahle apni aankhe dho kar saaf kar le. Pahle se lage kajal ya makeup ka koi nishaan na ho.

7: Kajal lagate waqt aankho ke niche wale hisso yani waterline par focus karte hue lagaye, aankhe bhaavpoorn (emotional) najar aayenge.

8: Sirf apne lower lash line par kajal laga kar dekhe, isse aap ka look ekdam alag aur sunder najar aayega.

9: Kajal lagate samay ring finger se halke se aankho ka nichla hissa niche khinche. Waterline najar aane par iss hisse par kajal lagaye. Aankhe chhoti hai , to aankho ke kinare par halke stroke de kar kajal ki nook banaye. Aankhe badi najar aayengi.

10: Aankho ke nichle hisso ke bahari kinaro par eye liner laga kar alag look de.

Read also :  Eye Makeup According to Eye Shape

Kajal lete waqt kuch bato ka dhayan rakhe:


How to Apply Perfect Eyeliner in Hindi

1: Kajal hamesha kisi achchi company ka he kharide. Pencil stick ke roop me kajal do tarah ka hota hai- thick ya thin.

2: Jab bhi kajal kharide uski noke zaroor check karle. Tuti wa khurdari na ho. Aage ki nok gool ho, bahut nukili bhi na ho, taaki kajal aasani se lage aur aankhe safe bhi rahegi.

3: Hamesha achche brand ka kajal he kharide aur expiry date check kar le.

4: Kabhi bhi footpath ya road ke kinare ki chhoti dukano se kajal na kharide. Agar we aap se kahe ki yah aankho ke liye kaydemand hai, aushadhi guno se bharpoor hai aur ghar par banaya gya hai, Phir bhi aap uska istmaal na kare kyunki isse aap ki aankho me infection ho sakta hai. 

5: Kajal ke dam se uski quality ko na parkhe. Zaroori nahi hai ki jo kajal aap ki friend ke liye achcha hai woh kajal aap ke liye bhi achcha ho. Wahi kajal istmaal kare jo, aap ki aankho ko takleef na de. 

6: Aap apna kajal khud chune, kyonki aap ka kajal aap ke alawah koi doosra nahi chun sakta hai. Kajal ka rang bhi soch-samajh kar chune. 

7: Hamesha smudge proof kajal le. Ispar garmi aur barsaat ka asar bhi nahi hota hai. Yah na to failta hai aur na he hatta hai. Aankho me aansu aane ya rone par bhi laga rahega.

Tips:

1: Kajal lagate he agar aap ki aankho se paani aaye ya bahut rukhapan mahsoos ho, to use na lagaye, phir chahe wah kisi badi company ka he kajal kyon na ho. Agar aap ki aankho me kirkirahat (grin) rahe , to doctor ko zaroor dikhaye.

2: Pencil eyeliner ko istmaal karna kaafi aasan hai. Liquid eye liner lagate samay saamne shisha rakhe aur kohni ko table par tika kar lagaye, tab haanth nahi hilega. Starting me jitna patla eye liner laga sakti hai, lagaye. Uske baad palko ki kinare par manchahi thickness de. 

3: Aankho ka makeup hatane ke liye cotton ko eye makeup remover me dubo kar halke haantho se aankho ke kinaro aur eye lashes ko achchi tarah se saaf kare. Aap chahe to olive oil aur badam ka tel laga kar gile cotton se saaf karne par bhi aankho ka makeup saaf ho jaye ga. 

Read also :  Bridal Makeup Tips in Hindi

To aaj hamne aap ko bataya ki aankho me eye liner aur kajal lagane ka tarika. Aap bhi iss tips ko zroor follow kare aur apne look ko ek naya roop de. Agar aap ko hamari yah tips pasand aayi ho to iss par like aur comment zaroor kare.

HAVE A NICE DAY AND EVENING…..THANK YOU…

Leave a Reply

Your email address will not be published. Required fields are marked *