Homemade Hair Conditioner in Hindi


homemade hair conditioner in hindi
Hair conditioner:

Baalo ki dekhbhaal karne ke liye sirf shampoo he kafi nahi hota hai, iske liye conditioning bhi karna bahut zaroori hota hai, jisse aap ke baalo ko nutrition milta hai aur yah aap ke baalo ko jado se majbuti deta hai taki baalo ke girne ki problem se chhutkara mil jaye. Baalo ki conditioning karne se pahle aap ko apne hair texture ke bare me janna hoga ki aap ka baal dry hai ya oily hai, taki aap sahi conditioner ka istmaal kare.  

Patle balo ki conditioning:

Agar aap ke baal behad patle hai, to shampoo karne se pahle baalo ko kisi essential oil jaise lavender ya tea tree oil treatment de. Yeh oil aap ke baalo ke cuticle ko poshan deta hai aur shampoo karne se pahle baalo ko iske liye taiyaar karte hai. Shampoo karne ke baad baalo ko achchi tarah se dho le aur phir baalo ke beech se jado tak conditioner lagaye. Dhone se ek minute ke liye conditioner ko baalo me laga rahne de.

Ghane baalo ki conditioning:

Baal motte, ghane ya middium motai ke ho, to unme kudrati nami wale moisturizer ka istmaal kare. Conditioner aisa lagaye, jo halka ho. Pure scalp par conditioner lagaye aur use baalo me 2-3 minute ke liye chhod de aur phir paani se achchi tarah dho de.

Frizzy baalo ki conditioning:

Agar aapke baal frizzy ho, to unhe smooth banane ke liye frizz control serum ki thodi matra ka istmaal kar sakti hai. Iss serum ka jyadah istmaal na kare aur hafte me ek baar baalo ko deep cling shampoo se zaroor dhoye. Aisa na karne par aapke baal beraunak ho jayengi.

Kaisa product istmaal kare:

Hair care ke liye productka selection karte samay is baat ka khayaal rakhe ki unme bahut jyadah protein na ho. Halaki protein healthy baalo ke liye zaroori hai, par conditioner ke roop me wahi product istmaal kare, jinme santulit matra (Balanced quantity) me chemicals ho. Jyada protein yuqt production baalo ko rukha aur kamjoor bana dete hai.

Sirake (Vinegar) ka istmaal:

Saalbhar me 2 baar baalo ko shampoo karne se pahle sirke se dhoye. Isse aap ke baal na keval bright aur clean dikhenge. Balki unme dandruff bhi nahi hoga. Iske liye ek bhaag sirka aur 3 bhaag gunguna paani ek saath milaye aur baalo ko isse rinse karke dho le.

Moisturizing oil:

Apne baalo ko moisturizer karne ke liye badaam ka tel, caster oil, olive oil, coconut oil aur lavender oil le. In 5 oil ko brabar matra me lekar ek saath mila kar baalo me lagaye. chahe, to baalo me anda lagakar 1/2 ghante baad baal dho sakte hai. Aisa hafte me 2 baar kare. Isse aap ke baalo healthy aur shine honge.

Ghar par banaye hair conditioner:

homemade hair conditioner in hindi

Yah zaroori nahi hai ki aap apne baalo ki conditioning ke liye expensive product ka he istmaal kare. Aap chahe to ghar par bhi hair conditioner bana kar unka istmaal kar sakti hai. Aap ke ghar me maujood product se he aap apne liye hair conditioner bana sakti hai.

Pudina aur chai (mint and tea) :

Chai ki patti me kuch aise important mineral elements aur vitamins hote hai, jo aapke baalo ko strong aur chamakdaar bana sakte hai. Pudina ki patti ki thandak aapke sir ki skin ko taazgi dene ke saath-saath garmi se sir ki tavcha ko hone wale nuksaan se bhi bachata hai. Iske liye aap ko:

  • Ek mutthi pudina ki patti lekar ise achchi tarah se dho le. Ab pattiyon ko chhote-chhote tukde me kaatle aur ab ise paani me dalkar 5 minute tak ubaale. Ise chhaan kar thanda hone ke liye rakh de.
  • Pan me ek cup paani le. Isme 2 bade chammach chai ki patti dalkar 5-6 minute tak achchi tarah se ubaalen. Ise chhaankar thanda hone ke liye rakh de.
  • Thanda hone par pudina ki patti ka paani aur chai ki patti ka paani ko ek saath milakar apne sir par laga kar 10 minute ke liye chhod de. Gungune paani se baal dhone ke baad baalo me achchi tarah se shampoo kar le. Baal mulayam aur chamakdaar ban jayenge.

Dahi, santra aur coconut milk:

Orange me vitamin-C bharpor matra me hota hai. Iske regular istmaal se hair fall ki problem to door hoti hai aur isse baal bhi lambe hote hai. Coconut milk se baalo ko nutrition milta hai. Isme vitamin-E ke saath-saath healthy fats hote hai, jo baalo ki khoobsurti ko badhate hai. Dahi se baalo ko poshan milta hai aur dandruff se bhi chhutkara milta hai.

  • Ek cup dahi me 1/4 orange juice, 4 chhote chammach lemon juice aur ande ka saphed hissa dalen.
  • Paste banane ke liye sari samagri ko mixer me blend kare . Pessne se pahle isme 1/2 cup coconut milk milaye.
  • Iss mishran ko ooper se niche tak baalo par achchi tarah se lagaye aur ise 30 minute tak laga rahne de. Iske baad baalo ko thande paani se dho kar baalo me shampoo kar le.

Homemade Hair Conditioner in Hindi

Honey aur olive oil:

Honey, olive oil aur banana ko ek saath mix karke baalo par lagane se baal stronge, soft aur healthy hote hai. Iske regular istmaal se baalo ka tutna kam ho jata hai aur baalo ko zaroori nami milti hai, jo baalo ke liye zaroori hai. Iss pack ka istmaal karne se baalo par duph, garmi aur pollution ka jo baalo par buraa asar hota hai usse bachata hai aur baalo me ek nai chamak lata hai. Honey, olive oil aur banana ka hair conditioner banana bahut aasan hai.

  • Ek bowl me 2 chammach honey le ab usme 1 chammach olive oil milaye.
  • Kele ko chhelkar chhote-chhote tukdo me katkar honey aur olive oil ke saath mixer me bareek paste bana le.
  • Ab iss mishran ko baalo me achchi tarah se lagale aur agar aap ko zaroorat lage to aap shower cap ka bhi istmall kar sakti hai.
  • Iss homemade condioner ko aap apne baalo me 10-15 minute tak laga rahne de . Iske baad baalo ko gungune paani se dho le. Ab shampoo karke baalo ko towel se achchi tarah sukha le.

Read also: Balo ke liye Mehndi banane ka tarika aur tips

To hamne aaj aap ko bataya ki baalo ki dekhbhaal kaise karte hai aur homemade conditioner kaise banaya jata hai. To aap in tips ko apna kar apne baalo ko healthy aur strong bana sakte hai. Agar aap ko hamari bataye gayi yah tips pasand aayi ho to ise like aur comment zaroor kare.

HAVE A NICE DAY/EVENING …… THANK YOU…. 

Leave a Reply

Your email address will not be published. Required fields are marked *