Winter Face Pack Tips in Hindi | Beautiful Jannat

Winter Face Pack Tips in Hindi

winter face pack tips in hindi

Winter face pack:

Winter ke season me skin sabse jyadah dry hoti hai. Iss season me chalne wali tez hawaon ki wajah se skin dry ho jati hai. Isliye iss mausam me skin ki dekhbhaal karna bahut zaroori hota hai. Agar iss mausam me ham apne skin ka khayaal nahi rakhenge to skin me dryness, khujli aur bhi bahut saari problems ho sakti hai. Agar aap chahti hai ki aap ki skin soft aur chamakdaar rahe, to phir aap ko apne skin ki dekhbhaal karna bahut zaroori hai. Winter ke face pack skin ko nami dete hai aur skin ki dryness ko door karke unhe healthy banate hai. Iss face pack me vitamin E bharpur matra me paya jata hai. Inse aap ki skin ko nutrition wa khoobsurat dono deta hai.

Winter ke mausam me ham apne skin ka khayal rakhne ke liye bahut saare beauty product ka istmaal karte hai, lekin yah hame bahut achcha result nahi de paate hai aur hamari skin ka color dark bhi ho jata hai. To iss baar winter ke mausam me kuch aise gharelu face pack ko istmaal me laye jo aapke face ki khoobsurti ko 100 guna badha de. To isliye ham aaj aap ko winter face pack ke baare me kuch tips de ge, jinke istmaal se aap apne skin ka khayaal rakh sakengi.

Orange juice face pack:

Santra ka juice skin ke liye bahut faydemand hota hai, iss pack ko banane ke liye 4 bade chammach orange juice, 1 chhota chammach gulab jal aur 1/2 chammach honey dalen aur achchi tarah se mix kare. Ab iss paste ko face aur neck par lagaye aur 15-20 minute tak sukhne ke liye chhod de, phir paani se chahra dho le. Iske istmaal se skin soft aur chamakdaar hoti hai

Besan ka face pack:

Besan ke istmaal se skin clean aur chamakdaar hoti hai. Besan ka pack banane ke liye 2 bade chammach besan aur 2 bade chammach malai (cream) dalkar achchi tarah se mix kare. Ab ise apne pure face par lagaye. 10-15 minute baada jab yah sukh jaye to garam paani se face ko clean kar le. Malai se skin soft hoti hai aur iss pack ke istmaal se skin par hone wali gandagi ko bhi door karta hai.

Banana face pack:

Banana skin ko soft aur chamakdaar banata hai. 1 kele ko bareek pess le ab isme 2-3 chhote chammach makkhan dalen aur dono ko achchi tarah se mix kare. Ab iss paste ko face aur neck par achchi tarah se lagaye. 10-15 minute ke baad face ko paani se dho le.  Makkhan dryness ko door karne me kafi asardaar hota hai.

Honey aur rose water face pack:

Honey ek natural moisturizer hai jo skin ki dryness ko door karne me kaafi asardaar hota hai. Gulab jal skin me glow lata hai. Iss pack ko banane ke liye 1 chammach honey aur 1 chammach rose water le, in dono ko barabar matra me milakar achchi tarah se mix kare. Ab iss pack ko 10-15 minute tak laga rahne de aur uske baad paani se saaph kar le. Honey ek bahut achcha natural bleach hai.

Dahi face pack:

Dahi face pack banane ke liye 1 bada chammach dahi, kuch gulab ki pankhudiyan jo dudh me dalen ho aur ab 1 chhota chammach honey dalkar in ko achchi tarah se mix kare. Ab iss paste ko face par lagaye aur 15-20 minute ke baad face ko paani se dho le.

winter face pack tips in hindi

Aata (flour) ka face pack:

2-3 chammach aata, 2 bade chammach dahi, 1/2 chammach glycerin aur thoda sa kesar dalkar paste banaye. Agar aap ko yah paste gadha lage to aap isme thoda sa dudh dal le. Ise achchi tarah se mix kare aur face par lagaye. Iss paste ko 20 minute tak laga rahne de aur sukhne ke baad paani se dho le.

Ande (egg) ka face pack:

Ek bowl me 1 anda tod kar dalen, 5-6 badaamo ko paani me bhigokar pess le aur 1/2 chammach honey dalkar achchi tarah se mix kare. Ab iss pack ko face par lagaye aur 20 minute ke baad face ko gungune paani se achchi tarah saaph kare.

Apple ka face pack: 

Aadhe apple ko bareek pees le ab iss paste me 1 bada chammach badaam ka oil aur aadha chammach jau ka aata (Barley flour) mila kar achchi tarah se mix kare. Iss taiyaar paste ko face par lagaye aur 20 minute ke liye chhod de. Sukhne ke baad thande paani se dho le.

Curd honey pack:

2 bade chammach honey aur 4 bade chammach dahi ko dalkar achchi tarah se mix kare. Ab iss paste ko face aur neck par achchi tarah se lagaye. Sukhne ke baad paani se achchi tarah dho le.

Multaani mitti face pack:

Ek bowl me 2 chammach multaani mitti, 3 chammach haldi powder, 4-5 chammach dudh aur 3 chammach coconut oil ko milakar, in sab ko achchi tarah se mix kare. Ab ise apne face aur neck par achchi tarah se lagaye aur 20-25 minute tak laga rahne de. Sukhne ke baad paani se achchi tarah saph kare.

To hamne aaj aapko bataya ki kis tarah se aap winter ke mausam me aap apne skin ki dryness ko door karke unhe soft aur khoobsurat bana sakti hai. To aap bhi in tips ko follow karke apne skin ka khayaal rakh sakti hai. To iss winter me bhi aap apne skin ko dryness se bachaye aur unki dekhbhaal kare.

Hamesha apne skin type ke hisaab se he gharelu chijo ko istmaal me laye jaise, agar aap ki skin dry hai to aap milk ko istmaal me laye aur agar aap ki skin oily hai to aap lemon juice ko istmaal me laye. Agar aap ko kisi bhi chej se allergy hai to aap us ka istmaal na kare ya aap expert se salah karke he uska istmaal kare.

Agar aap ko hamari yah tips pasand aayi ho to aap ise like aur comment kare.

HAVE A NICE DAY / EVENING .. THANK YOU….

Leave a Reply

Your email address will not be published. Required fields are marked *