Valentine's day Fashion tips in Hindi | Beautiful Jannat

Valentine’s day Fashion tips in Hindi

Valentine’s day dresses:
valentine's day dressesIss valentine’s day ko agar kuch aesi dresses li jaye jo aap ke liye perfect ho aur aap us dress me khoobsurat lage to yah kitni khoobsurti ki baat hai. Agar aap bhi chahti hai ki aap bhi iss valentine’s day ke din khoobsurat lage to aap ko pahle janna hoga ki aap ko kis type ki dress pahanni chahiye ya aap ka look kaisa ho, agar aap ko yeh saari baate pata ho tabhi aap khud ko bahtar tarike se taiyaar kar sakti hai. Isliye ham aaj aap ke liye isse jude kuch ideas laye hai, jiski help se aap in tips ko follow karke khud ke look ko behtar bana sakti hai.

Knee length frock dresses:

Knee length dress-without shoulder dress

Knee length dress har tarah ki ladkiyon ke liye perfact choice hoti hai. Agar aap ki height bahut jyadah nahi hai to kya hua knee lenght dress sabse jyadah khoobsurat short girl par he lagti hai. Iss red color ki dress iss valentine ko zaroor apne wardrobe me shaamil kare. Iss tarah ki dresses har ek function ke liye best choice hoti hai. Net ki bani yah dress aap par bahut khoobsurat lagegi. Agar aap chahe to iss dress ko prom party me bhi pahan sakti hai.

Sandal:

Agar aap ki dress knee tak hai to aap high heel le kyunki yah bahut khoobsurat nazar aaye gi, lekin agar aap ki dress knee se thodi short hai to aap jyadah high heel ki sandle na le. Waise is dress par silver ya golden ki sandal bahut khoobsurat lagegi.

Accessories: 

Iss valentine ko jyadah accessories ko aap carry na kare, kyonki knee length dress par aap kam he jewellery pahne, to aap ke liye jyadah achcha hoga. Light red color ki dress par silver diamond earring pahne yah aap par bahut khoobsurat lagegi aur agar aap ki dress ka color dark red hai to aap red color ki earring ko he carry kare.

Beauty look:

Ab jyadah tar logo ko dark makeup utna pasand nahi karte hai. Agar aap ki dress ka color light red hai, to aap jyadah makeup ki jagah natural look he rakhe isse aap ki khoobsurti aur achchi se nikhar kar aayegi. Light red color ki dress par aap peach color ki lipstick ka istmaal kare. Iss tarah ki dress par aap bahut jyadah dark eye makeup ki jagah sirf eyeliner aur mascare ko he istmaal me laye. Agar aap ki dress dark red ya brown color ki hai, to aap iss look me dark lipstick ko he istmaal me laye, kyonki isse aap ka face aur aap ka look bahut khoobsurat lagaga.

High low dresses for valentine’s day:

High low dress-High low dress-

Iss tarah ki dress ka fashion kabhi bhi nahi jata hai . Aap chahe to iss dress par legging bhi pahan sakti hai. To aap chahe to iss valentine’s day ko yah dress zaroor le, kyonki iss type dress ko aap kisi bhi function me pahan sakti hai. Yah aap ki khoobsurti me chaar-chaand laga degi.

Sandal:

Aap chahe to iss dress par high heel platform bhi pahan sakti hai, iss tarah ki dress par iss type ki sandals bahut khoobsurat najar aati hai. Agar aap college girl hai to aap iss dress se match karti sandal zaroor le, kyonki iss dress ko aap college ke kisi bhi function me pahan kar bhi ja sakti hai. Jab bhi aap high low dress le, to us par kabhi bhi flat sandal na le kyonki yah aap ki khoobsurti ko kharaab kar sakti hai. Isliye hamesha aesi dress par high heel sandal he carry kare.

Accessories: 

Aap iss dress par diamond earring pearl ya without shoulder ki dress par aap ek chhota sa necklace bhi pahan sakti hai , yah aap ki khoobsurti me chaar-chaand laga degi. Agar aap ko jyadah heavy ya bhadkao jwellery pahnna pasand nahi hai to aap halki jwellery ko bhi carry kar sakti hai.

Beauty look:

Iss tarah ki dresses jyadah tar teenager par bahut khoobsurat lagti hai. Agar aap iss tarah ki dress ko carry kar rahen hai, to iss par aap bahut over makeup na he kare to behtar hoga. Maan lijiye, agar aap ne apne aankho ka makeup bahut dark kiya hai to aap apne lips ko nude he rakhe ya aap chahe to sirf lip gloss ka he istmaal kare. Natural look me har ladki bahut khoobsurat najar aati hai.

Elegant short front long back dresses: 

valentines day dresses 2018short front long back Dresses

I love this dress. Yah dress itni khoobsurat hai ki agar ise koi bhi pahnegi to wo sabse khoobsurat najar aaye gi. Iss type ki dress ko aap valentine’s day ke din ke alawah aap yah dress cocktail party ya wedding me bhi pahan kar bhi jaa sakti hai. Iss elegant red lace high neck sleeveless slim short front long back dress ko aap zaroor try kare, kyonki yah aap ki khoobsurti me aur khoobsurti layegi. To phir aap bhi iss dress ko zaroor try kare. Iss dress ki specialty iss ki neck design hai, jo iss dress ke look ko bahut khoobsurat banati hai. Iss dress ka back design bahut khoobsurat hai, jo aap ke look ko puri tarah se badal dega. 

Sandal: 

Iss dress par aap chahe to red, golden ya silver color ki sandal ko carry kar sakti hai. Agar ap ke paas crystal ya diamond type ki sandal hai, to aap iss dress par zaroor try kare kyonki yah aap ke leg ko aur khoobsurat banati hai. Aisi dress par aap hamesha high heel ko he carry kare, kyonki yah aap ki dress ke saath bahut khoobsurat lagegi.

Accessories: 

Iss par aap ko bahut jyadah accessories pahanne ki zaroorat nahi hai, kyonki iss dress ki khoobsurti ke saamne sare accessories ki koi value nahi rahegi. Agar aap phir bhi iss par kuch pahanna chahti hai to aap sirf earring carry kar sakti hai. Aap iss dress par red crystal earrings pahan sakti hai. Agar iss earrings par silver ya golden diamond bhi add ho to aur bhi jyadahh khoobsurat lagegi. Iss dress par aap apne hair ko flower ya diamond accessories se decor kar sakti hai. Yah aap ko fairy look dega aur aap ki khoobsurti me chaar-chaand lag jayegi.

Beauty look:

Iss dress par aap chahe to dark makeup bhi kar sakti ya aap chahe to khud ko natural look bhi de sakti hai, kyonki iss par koi bhi look achcha lagega. Agar aap makeup kare to aankho ka makeup bahut dark na kare. Aap sirf light red ya brown eye shadow laga sakti hai aur phir patla sa eye liner lagaye. Agar aap apne aankho ka makeup halka kar rahen hai, to lips ko dark kare ya aap chahe to glossy lipstick ka istmaal bhi kar sakti hai. Aap apne cheeks  ko jyadah high light na kare.

Tips:

  • Aap jab bhi koi dress kharide to us dress ki fitting ko achchi tarah se dekh le ki wah dress na bahut jyadah tight ho aur na he bahut jyadah loose ho, nahi to wah dress aap par achchi nahi lagegi.
  • Dress hamesha occasion aur function dekhkar he kharide. Ki kis founction me kis type ki dress  achchi lagegi.
  • Kabhi bhi bahut jyadah bhadkao dress na kharide. 
  • Dress hamesha apne comfort ke hisaab se he kharide. Kabhi bhi yah soch kar dress na kharide ki agar koi doosra shaks us dress ko carry kar sakta hai, to aap bhi kar sakti hai. Iss liye dress ko ek baar pahan kar zaroor dekh le. 
  • Dress kabhi bhi bahut jyadah sasta nahi lena chahiye, kyonki lete waqt to wah bahut khoobsurat lagti hai par wash karne ke baad uska color ya embroidery kharab ho jati hai. Iss liye dress hamesha achche se check karke ya jaanch-parakh kar he dress le.
  • Aap agar bahut heavy embroidery wali dress le to us ke liye accessories jyadah na le aur agar aap ki dress bahut simple hai to aap kuch jwellery ko carry kar sakti hai.
  • Sandal ko lete samay comfort ka khayal zaroor rakhe.

To hamne aaj aap ko bataya ki valentine’s day ki din khud ko kaise perfect look de. Aap bhi in tips ko follow karke khud ko bahter bana sakti hai. Agar aap ko hamari batayi yah ideas pasand aayi ho to ise like aur comment zaroor kare.

HAPPY VALENTINE’S DAY…

HAVE A NICE DAY / EVENING…. THANK YOU…

Leave a Reply

Your email address will not be published. Required fields are marked *