Valentine's day Chocolate Cheesecake | Beautiful Jannat

Valentine’s day Chocolate Cheesecake

valentine chocolate cake in hindi

Chocolate cheesecake:

Ham aaj aap ke liye laye hai, Valentine’s day Chocolate Cheesecake. Jise aap ghar par aasani se  bana sakti hai. Iss chocolate cheesecake ko aap sirf apne partner ke saath he nahi balki apni puri family ke saath milkar khaye aur waise bhi asli maja sab ke saath me he aata hai. To iss valentine’s day ko aap bhi apne ghar par chocolate cheesecake ko banaye aur sab ke saath milkar khaye.

Samagri:

  • Paneer – 2 chammach
  • Fresh cream – 100 gram.
  • Dark chocolate – 100 gram.
  • Dudh – 1/2 cup
  • Coco powder – 1 chammach
  • Chini powder – 1 chammach
  • Gelatin – 2 chammach
  • Chocolate biscute ( tode hue ) – 6
  • Butter – 1 chammach
  • Cherry – sajane ke liye
  • Tutti frutti – sajane ke liye

Vidhi:
Biscuit ke tukdo me butter milakare achchi tarah se gunth le. Iss mishran ko cake tin me dalkar base bana le.  Cake tin ko kam se kam 30 minute ke liye fridge me rakhe, taaki base achchi tarah se set ho jaye. Paneer aur cream ko ek saath achchi tarah se mix kare. Chocolate ko dudh me dalkar garam kare aur pighla le. Chocolate wale dudh ko paneer aur cream wale mishran me dalkar milaye. Coco powder aur chini ka mishran bhi iss pan me dalen aur milaye. Gelatin me 4 chammach garam paani dalkar iska ghol taiyaar kare aur use bhi paneer aur cream wale pan me dalkar milaye. Cake base ko freezer se nikale aur uske oopar paneer aur cream wala mishran dalkar achchi tarah se ek parat me phaila de. Ise fridge me kam se kam 2 ghante tak rakhe. Ab ise cherry aur tutti frutti se decor kare ya aap chahe to ise apne manpasand roop de. Iske baad cake ke tukde ko kaat kar serve kare.valentines day

To aaj hamne aap ko bataya, ki chocolate cheesecake kaise banaya jata hai. Aap bhi ise apne ghar par zaroor banaye aur sab ke saath milkar khaye. Agar aap chahe to ise apne tarike se decor kar sakti hai. Agar aap ko hamari yah recipe pasand aayi ho to ise like aur comment zaroor kare.

HAPPY  VALENTINE’S DAY.

Have a nice day & night … Thank you…

Leave a Reply

Your email address will not be published. Required fields are marked *