Fried Rice Samosa recipe in Hindi | Beautiful Jannat

Fried Rice Samosa recipe in Hindi

Fried Rice Samosa recipe in Hindi

Fried rice samosa:

Ab aap sirf aalu ke samose  he nahi, chawal ke samose bhi bana kar aur kha kar check kare. Kyonki hamesha dish ko alag-alag tarike se pakaye aur apne family members ko bhi zaroor khilaye. Rice samosa bachcho ko bahut pasand aayega aur kisi bhi occasion me aap ise bana sakti hai. Isliye ham aaj aap ko batayenge ki Fried rice samosa ki recipe:

Samagri:

  • Maida – 2 cup
  • Oil – moyan ke liye
  • Namak – Savadaanusaar
  • Oil – talne ke liye

Bharawan ke liye:

  • Chawal (uble hue) – 1 cup
  • Cabbage (bareek kata) – 1 cup
  • Bell peper (bareek kata) – 1 ya 2
  • Carrot (bareek kata) – 1
  • Peas – 1 cup
  • Tomato sauce – 1 bada chammach
  • Soya sauce – 1 bada chammach
  • Chilli sauce – 1 chhota chammach
  • Namak – Savadaanusaar
  • Hara dhaniya (bareek kata) – 1 bada chammack
  • Refined oil – Aavashyaktanusaar (As required)

Vidhi:

Ek pan me oil garam kare. Isme cabbage, carrot, bell peper aur peas ko daalen aur halka galne tak pakaye. Isme uble chawal dalen aur phir isme tomato sauce, soya sauce aur chilli sauce dalen. Phir gas ko tez kare aur kuch minute tak pakaye. Namak milaye aur 2 minute tak chawal bhune.  Aanch se utaar kar thanda kare. Hara dhaniya milaye. Maide me moyan aur namak dalkar gunthe aur iske pede taiyaar kare. Ise beil le aur beech me se kaat le. Har bhaag me taiyaar chawal ka bharawan bhare aur tikona mod kar paani ki help se ise band kare. Oil garam kare aur taiyaar samosa tal le. Hari chatni ke saath serve kare.

Read also: Macaroni Samosa Recipe in Hindi

To hamne aaj aap ko bataya ki fried rice samosa kaise banaya jata hai. To phir aap bhi apne ghar par fried rice samosa banaye aur sab ke saath mil kar khaye. Aap jab bhi koi recipe banaye to apni zaroorat ke hisaab se samagri ko dalen. Agar aap ko hamari bataye gayi yah recipe pasand aayi ho to iss par like aur comment zaroor kare.

HAVE A NICE DAY & EVENING …THANK YOU…

Leave a Reply

Your email address will not be published. Required fields are marked *