Holi me Aise Rakhe Apne Baalo aur Twacha ka khayal

Holi me Aise Rakhe Apne Baalo aur Twacha ka khayal

Holi spring ke season me manaya jane wala bahut he famous festival hai. Log holi ko festival of colors ke naam se bhi jante hai. Aise me iss din log bahut jayada color khelna pasand karte hai. Aise me har baar holi kheli jati hai aur har baar rang na chhutne ki problem hoti hai. Pahle log herbal aur flower ke bane colors ka istmaal karte the. Lekin ab tesu ke rang ki jagah chemical colors he milte hai, isliye thoda sambhal kar he holi khele. Holi ke colors me maujood harmful chemicals skin, hair, aankho aur nails ki chamak ke liye khatarnaak sabit hote hai. Herbal gulal se khelna achcha hota hai, lekin log bazaar me milne wale colors se he khelte hai. Inme maujood harmful chemical shareer ke kuch ango ke liye khatarnaak bhi sabit hote hai. Isliye inse bachne ke liye ham aaj aap ko kuch tips batayenge, jinhe aap follow karke apne skin aur baalo ki bekhbhaal kar sakti hai.

Read also : Skin Care Before and After Playing Holi in Hindi

Skin care :Holi me Aise Rakhe Apne Baalo aur Twacha ka khayal

Jab aap color khelne jaye, to aap sabse pahle apne puri body par oil, cream ya moisturizer zaroor lagaye. Aise kapde pahne, jinse aap ka shareer puri tarah se cover ho. Isse aap ke body par direct color nahi jayega aur aap ke body par color bhi thoda kam lagega.

  • Herbal wa eco friendly colors se he holi khele. Jaise he aap ke face par koi color lagaye, turant ja kar dho le. Gungune paani se chahra saaf karle.
  • Kabhi bhi bahut jyada dark color se holi na khele, jaise hara, kala ya golden color se holi na khele, kyunki in colors ko banane me jyada chemical ka istmaal kiya jata hai. Jo skin ko dry bana deta hai.
  • Agar shower ke baad aap ko color ki wajah se khujli mahsoos ho to coconut oil ko apne pure shareer par lagaye. Aap chahe to moisturizer ko bhi laga sakti hai.
  • Itching jyada mahsoos ho to aadha balti paani me 4 chammach vinegar dalkar mug se dheere-dheere pure shareer par paani dalen. Iske baad bhi agar aap ko araam na mile to aap doctor ko bhi dekha sakti hai. Kyonki kai baar bahut se logo ko color se allergy ki bhi problem hoti hai.

Read also : Balo ko Silky aur Shiny karne ka Tarika

Hair care :

Holi me Aise Rakhe Apne Baalo aur Twacha ka khayal

Holi khelte waqt aap apne sir ko kisi cap ya scarf se achchi tarah cover kar le, isse aap ke baalo ka texture kharab nahi hoga.

  • Holi ke din subah he baalo me khoob sara oil laga le. Isse baal ko dhote samay color araam se nikal sakte hai.
  • Chemicals ke side effect se bachne ke liye balo ko herbal shampoo se wash kare.
  • Dhone ke baad baal color ki wajah se dry ho gaye ho, to olive oil halka garam karke lagaye. Aap chahe to coconut oil ka bhi istmaal kar sakti hai, isse aap ke baalo ki chamak wapas laut aayegi.

Eye care :

Eye care :

Holi ke color se sabse jyada nuksaan aankho ko he pahunchta hai, isliye holi ke color se aankho ko zaroor bachaye.

  • Agar aap apne aankho me contact lens lagati hai, to holi khelte samay unhe nikaal kar rakh de aur chashma laga kar holi khele. Kai baar khelte waqt lens gir bhi sakta hai ya aap ke aankho me chubh bhi sakta hai. Isse aap ki aankho par bahut bura asar bhi padh sakta hai.
  • Agar aap chashma nahi lagati hai, to aankho par gulal ya color padh jane par aankho ko thande paani se dho le.
  • Rang padne par aankho me tez jalan ho, to aankh dho kar gulab jal ki bunde dalen. Agar problem bahut jyada ho, to doctor ko zaroor dikhaye.

Read also : Hair Fall Control at Home in Hindi

Nail care :

Holi me Aise Rakhe Apne Baalo aur Twacha ka khayal

Holi khelne ke baad nakhuno par chadha rang bahut bura lagta hai, yah nikalta bhi nahi hai.

  • Holi khelne ke pahle apne naakhuno par wax achchi tarah ragde. Uske upar rang nahi lagega.
  • Nakhun ke upar vaseline bhi laga sakti hai. Naakhuno ki oilve oil ya coconut oil se pahle he achchi tarah se maalish kar le.
  • Agar naakhuno par color lag gaya ho, to neembu ragde. Rang halka ho jaye ga. Lagatar aisa karengi to color chhut bhi jaye ga.

Rang hatane ke liye in ka istmaal na kare:

  • Holi ka color hatane ke liye washing powder ya soap ka istmaal na kare.
  • Rang hatane ke liye petrol aur kerosene ka istmaal karne se bache. Skin me khujli wa jalan (itching aur irritation) ki problem ho sakti hai.
  • Aap inki jagah ubtan ka istmaal kare. Iske liye aap ko, atte me sarson ka tel wa lemon juice mila kar ubtan banaye aur pure shareer par laga kar halke haantho se scrub kare. Ubtan ke saath color bhi nikal jaye ga ya halka ho jayega.
  • Holi khelne se pahle chahre wa baalo par sarson wa nariyal ka tel laga le. Taki jab aap color ko nikalengi to color aram se nikal jayega.
  • Varnish se holi na khele. Agar varnish aankho ke andar chala jayega, to yah aap ki aankho ko nuksaan pahuncha sakta hai.

Read also : Ubtan Banane ka Tarika in Hindi

To aaj hamne aap ko bataya ki holi ke color se aap kaise apne skin aur hair ki care kar sakti hai. Aap bhi in tips ko zaroor follow kare, taki aap ke shareer ko koi bhi harm na ho aur aap holi ko bhi enjoy kar sakengi. Agar aap ko hamari yah tips pasand aayi ho to iss par like aur comment zaroor kare.

HAPPY HOLI….

HAVE A NICE DAY AND EVENING …….THANK YOU……

Leave a Reply

Your email address will not be published. Required fields are marked *