Hatho Ki Skin Par Hone Wali Samasya Ko Kaise Dur Kare Aur Gharelu Nuskhe

Hatho-Ki-Skin-Par-Hone-Wali-Samasya-Ko-Kaise-Dur-Kare

Ham aksar apne chahre aur baalo ki khoobsurti par he dhayan dete hai, lekin ham apne hatho ki dekhbhal ko andekha kar dete hai. Jin haantho se ham apne ghar ka sara kaam karte hai aur ham unhi haantho ko undekha kar dete hai jiski wajah se haantho ki khoobsurti kho jati hai. Ghar ke kaam kaaj aur chemical yuqt soap ke istmaal se skin dry ho kar damage ho jati hai. Jiski wajah se haantho mein jhyrriyan bhi najar aane lagti hai. Aap dekhti hongi ki kuch ladies ke haantho ki nase (vein) ander se ubhri hui najar aati hai aur skin ka color bhi dark najar aane lagta hai.
Yahi wajah hai ki aapke haantho ki umr 15-20 saal jyada najar aane lagti hai. to phir janiye haantho mein kya kya problems ho sakti hai aur inka hal kya hai. Ri phir isi liye aaj ham aapko batayenge ki Hatho Ki Skin Par Hone Wali Samasya Ko Kaise Dur Kare Aur Gharelu Nuskhe.

Read Also : Ghar Par Haatho Ki Dekhbhal Karne Ke Gharelu Nuskhe Aur Kuch Gharelu Tips

1: Haantho mein jhurriyan (wrinkle) hone ki problems :

Kaam karne ki wajah se hamare haantho ki skin patli ho jati hai aur jhurriyon ki problem hone lagti hai. Sooraj ki tez kirno ke sampark mein aane ki wajah se skin mein maujood collagen break hone lagta hai. Kyunki collagen ki wajah se hi hamari skin soft aur kasi hui rahti hai.

Solution :

Agar aap chahti hai ki aapke skin mein collagen ka balance bane rahe, to iske liye aap aesi cream chune, jisme retinoids, alpha hydroxy acid aur peptides jaise elements maujood ho. Zaroori nahi hai ki aap koi bahut mahngi hand cream kharide, agar aapke face cream mein yah sare tatv maujood hai, to isse daily apne haantho ki massage kare. Iske istmaal se bhi aapke haantho ki skin soft bani rahe gi.

Read Also : How To Get shiny And Bouncy Hair At Home

2: Ubhri hui nase (vein) hone ki problem :

Jab logo ki umr badhne lagti hai, to usi ke saath he haantho ki nase bhi ubharne lagti hai. Aisa skin ki bhitri parat se collagen aur fat lose ki wajah se hota hai.

Solution :

Retinoids, alpha hydroxy acid aur peptides yuqt moisturizer skin mein kasavat lata hai. Isse nase kam ubhri hui dikhai deti hai. Jin ladies ki skin bahut white hoti hai, unke haantho mein nili nase kafi chamakti hai. Agar aap kisi party mein ja rahi hai, to party mein jane se pahle haantho mein concealer lagaye. Haantho mein ring pahanne se aur bright nail polish lagane se aap ubhri naso par se logo ka dhayan hata sakti hai. Aap apne nakhuno ki lambai kam he rakhe. Isse haantho ke pichhe ke bhag ki nase aur haddiyan (bones) utni ubhri dikhayi nahi deti hai.

Read Also : Chahre se Wrinkles ko Door Karne ke Tarika

3: Haantho mein tanning hone ki problem :

Dhoop mein jyada waqt rahne ki wajah se haantho mein tanning ki samasya ho jati hai aur kai baar kaale ya gahre bhure dhabbe bhi najar aane lagte hai. Jyadatar yah problem un logo ko hoti hai jo driving karte hai, unke left hand mein tanning jyada hoti hai, jis wajah se haantho ki umr jyada mahsoos hoti hai.

Solution :

Apne haantho ke liye aise moisturizer lotion ko chune, jisme hydroquinone ho. Yah bleaching agent ka kaam karta hai aur haanth ki rangat ko gahra banane wale tatv melanin ka production rokta hai. Halaki iska asar dikhne mein thoda waqt lagta hai. Waise retinol, alpha hydroxy acid aur tatvo wala lotion bhi haantho ki rangat sudharti hai. Iss baat ka bhi dhayan rakhe ki dhoop mein bahar jate samay sirf chahre par hi nahi, balki haantho par bhi sunscreen lagaye. Isse haantho par aur tanning nahi hogi.

Read Also : Castor Oil Benefits and Castor Oil Hair Pack

4: Haantho ki skin dry hone ki problem :

Umr badhne ke saath saath haantho ki skin ki anduruni parat mein maujood lubricating oil khatam hone lagte hai aur skin dry hone lagti hai.

Solution :

Apne haantho ki skin ko moisturize rakhne ke liye koi achha lotion lagati rahe. Apne haanth dhone aur ghar ka kaam karne ke baad koi achha moisturizer ya hand cream lagaye. Apne haantho ke liye hamesha aise cream chune, jisme glycerin, hyaluronic acid, urea jaise tatv maujood ho. Inse skin hydrated rahti hai. Agar cream mein SPF tatv pahle se maujood ho, to sun exposure ki wajah se hone wale moisture loss se hone wale nuksaan se bachav ho sakta hai. Kitchen ka kaam ya bagiche (gardening) ka kaam karte waqt apne haantho mein gloves pahne, taki haanth khurdare na ho.

Read Also : Summer Mein Chahre Ki Khoobsurti Badhane Ke Liye Kis Tarah Se Kare Facial

Hatho ki dekhbhal ke liye Gharelu nuskhe:

Hatho-ki-dekhbhal-ke-liye-Gharelu-nuskhe

1: Chini aur olive oil :

  • Chini – 1 chhota chammach
  • Olive oil – kuch boonde

Apne haanth mein chini le aur usme kuch boond olive oil ko milaye. Isse apne haantho mein tab tak scrub karti rahe, jab tak chini aapke haantho mein puri tarah se ghul na jaye. Iske istmaal se aapke haanth ki skin soft aur naram ho jayenge.

Read Also : 10 Shahnaz Hussain Homemade Beauty Tips For Dark Eye Circle

2: Glycerin aur gulab jal :

  • Glycerin – 2 chammach
  • Gulab jal – 2 chammach
  • Lemon juice – kuch boonde

Ek kaanch ki bottle mein samaan matra mein glycerin aur gulab jal mila le. Ab isme kuch boonde lemon juice ki milaye aur ise fridge me rakh de. Iss lotion ko apne haantho mein din mein do baar lagana hai.

Read Also : Pimple Aur Acne Hone Ki Wajah Aur Use Door Karne Ke Gharelu Nuskhe

3: Lemon aur chini :

  • Lemon – aadha
  • Chini – thodi si

Neembu ko aadha kaat le aur iss par thodi chini dal de. Ab iss neembu ke tukde ko apne haantho mein tab tak ragde, jab tak chini puri tarah se ghul na jaye. Iske daily istmaal se haantho ki tanning dor ho jati hai.

Read Also : Beer Facial Mask Tips

4: Besan aur dahi :

  • Besan – 3 bade chammach
  • Dahi – 4 chammach

Besan mein dahi mila kar paste bana le. Ise chahre ke saath saath apne haantho par bhi lagaye. Ise 10 minute tak apne haantho mein laga kar rakhe aur jab yah sukh jaye tab ise scrub kar ke hata de. Aur phir apne haantho ko saaf paani se dho le. Dahi aur besan haantho ki scrubbing ke saath saath unhe soft bhi bana deta hai.

Read Also : How to Remove Tan at Home in Hindi

5: Baking soda aur honey :

  • Lemon juice – 2-2 chammach
  • honey – 2 chammach
  • Baking soda – 1 chammach

Haantho ki thakan, pigmentation dor karne ke liye lemon juice, honey aur baking soda dal kar achhi tarah se mila de. Isse lagbhag 1 minute tak massage kare aur 5-10 minute ke liye chhod de aur phir halke gungune paani se haanth dho le. Iske baad apne haantho par soap na lagaye.

Read Also : How To Take Care Of Skin In Summer Home Remedies

6: Olive oil aur jojoba oil :

  • Olive oil – 2 chammach
  • jojoba oil – 2 chammach
  • Oats – 1 chammach

Dry aur fati haantho ki skin ko repair karne ke liye ek bowl mein halka gunguna paani le. Isme olive oil ya jojoba oil ki kuch boonde aur thode se oats dal kar achhi tarah se milaye. Phir iss pani mein apne haantho ko 10-15 minute tak dubo kar rakhe.

Read Also : Beauty Treatment at home in Hindi

7: Dahi aur haldi :

  • Thanda dahi – 1 cup
  • Haldi – 2chammach

Hantho ki skin ko soft banane ke liye ek bowl mein thanda dahi le aur usme chutki bhar haldi milaye. Nahane se pahle haantho par massage kare. Kuch deer baad apne haantho ko thande paani se dho le. Iske istmaal se haantho ki skin smooth ho jaye gi.

Read Also : Ubtan Banane ka Tarika in Hindi

Leave a Reply

Your email address will not be published. Required fields are marked *