Hatho Ke Liye Mehndi Kaise Banaye Aur Mehndi Lagane Ka Sahi Tarika

dulhan-ke-liye-mehndi-kaise-banaye

Mehndi ko ham kai namo se pukarte hai, jaise henna, fake tattoo, myrtle aadi naamo se pukara jata hai. Mehndi function India aur Pakistan ki ek traditional aur purani rasam hai. Jise log bahut he shauk se manate hai. lekin mehndi ko sirf shadi ke function mein he nahi balki party, festival ya kisi special occasion par bhi lagaya ja sakta hai. Lekin aajkal market mein aise bahut sari mehndi cone milti hai jisme chemical paya jata hai. Jiski wajah se hantho ko kafi nuksaan bhi pahunchta hai. Aap chahe to ghar par he mehndi ka cone bana sakti hai. 

Bahut se log kuch aise galtiyan bhi karte hai jiski wajah se mehndi unke haantho mein sahi se nahi lagti hai aur na he inka color bhi dark hota hai. Isi liye aaj ham aapko batayenge ki kaise mehndi kaise lagaye aur kaise unke rang ko barkarar rakhe. Hatho ke liye mehndi kaise banaye aur mehndi lagane ka sahi tarika.

Read Also : Ghar Par Haatho Ki Dekhbhal Karne Ke Gharelu Nuskhe Aur Kuch Gharelu Tips

Kis tarah ki Mehndi Ka Chunav Kare :

1: Hamesha aise mehndi chune jo fresh aur hari rang ki ho.

2: Mehndi ka color natural green ho. Agar uska color jara sa bhi brown najar aaye, to use istmaal mein na laye. Kyunki unka color haantho mein achha nahi aata hai. 

3: Mehndi ki khoosbu pure natural honi chahiye. 

4: Kabhi bhi chemical wali mehndi na chune. Nahi to uss aapke haantho ko kafi nuksaan pahunch sakta hai. 

Read also : How To Remove Upper Lips Hair Permanently At Home

Indian-Dulhan-Mehndi-Design

Ghar Par Mehndi Kaise Lagaye :

1: Agar aap chahti hai ki aapke hantho ki mehndi ka design achha bane , to sabse pahle aap mehndi lagane ki baar baar practice kare. Aap sabse pahle mehndi kisi copy par lagana sikhe. Apne hantho ko ganda na kare.

2: Agar mehndi lagana chahti hai, to market mein mehndi ki design ka saancha milta hai. Jis par tarah tarah ki design bani hoti hai. Aap unka istmaal kar sakti hai.

3: Agar apne hantho mein pahli baar khud se mahndi lagane ja rahi hai, to bahut bhari mehndi na laga kar arabic mehndi ki design lagaye.

4: Agar aap chahati hai ki aapke hantho ki mehndi khoobsurat najar aaye to aap in par glitter zaroor chhidke.

5: Cone ko hamesha pencil ki tarah pakde. Galat tarah se pakadne par aap ka haanth yahan-wahan bhaag sakta hai.

6: Jab bhi cone khole tab bhi kisi pin ka istmaal kare. Agar phir bhi cone mein se mehndi bahar nahi aa rahi hai,to pin ki madad se bahar nikalne ki koshish kare.

7: Aise bahut se cone aati hai jis ka oopari sira cover rahta hai. Use kholne ke liye kainchi ki madad le. Lekin cone ko bahut jyada mota na kate, nahi to mehndi kharab ho jaye gi.

8: Kisi doosre ko mehndi lagate waqt hamesha uski opposite site par baithe. Left ya right side baithne se mehndi achhi nahi banti hai.

9: Agar mehndi lagate waqt mehndi kharab ho jaye, to tissue paper se clean kar le.

10: Mehndi ko toothpick, cone ya applicator ki madad se hantho mein lagaya ja sakta hai. Aap cone banane ke liye achhi plastic ka istmaal kar sakti hai.

11: Agar aap chahti hai ki aapke haantho ki mehndi ka color achha aaye, to aap iske liye mehndi ke paste mein nilgiri oil (eucalyptus oil) aur mehndi ke oil ki kuch boonde dal de.

Read Also : Homemade Bleach Kaise Banaye Aur Bleach Kitne Dino Me Kare

Hantho-Ki-Mehndi-Ke-Color-Ko-Kaise-Dark-Kare

Hantho Ki Mehndi Ke Color Ko Kaise Dark Kare :

1: Agar aap chahati hai ki aapki mehndi achhe se chadhe, to market mein aise bahut sari mehndi milti hai jo kafi had tak dark color mein chadhti hai. Aap unse design ki outline bana sakti hai.

2: Mehndi lagane ke baad apne hantho ko paani mein na dalen. Nahi to mehndi ka color achha nahi chadhe ga.

3 : Yah gharelu nuskha har koi janta hai. Ek lemon juice mein chini dal kar achhi tarah se mix kare. Ab cotton ki madad se sukhi mehndi par ise lagaye.

4: Jab aap mehndi utar ne ja rahi hi to mehndi ko paani se na dhoye. Season ki oil ke madad se mehndi ko hataye . Ek ghante ke baad mehndi ko paani se saaf kare.

5: Mehndi jab sukh kar utarne lage to hanth par wax laga le.

6: Agar aap chahti ki aapki mehndi achhi chadhe, to phir mehndi ko raat ko laga kar so jaye aur subah uth kar saaf kar le.

7: Agar aapki mehndi ka color halka aata hai to ek iron ke tave par 3 laung ko garam karke uske dhuyen par apne haath le jaye. Isse dark color paane mein madad mile gi. 

8: Mehndi ko kam se kam 5-6 ghante tak laga kar rakhe. Aap jitne waqt tak mehndi ko laga kar rakhen gi mehndi utni he achhi utre gi.  

Read Also : How To Take Care Of Feet At Home

Ghar-Par-Hantho-Ki-Mehndi-Kaise-Banaye

Ghar Par Hantho Ki Mehndi Kaise Banaye :

1: Sabse pahle mehndi ke powder ko achhi tarah se chhan le, iske liye aap chahe to noylaan ka kapda ya chhanni ka istmaal kar sakti hai. Iss baat ka zaroor khayal rakhe ki mehndi ka powder dheeledaar nahi hona chahiye.

2: Aadha cup paani le usme ek chammach chai ki patti dalen aur ek chammach methi dal kar ubaal le. Ise cup mein nikaal le.
Ab ek dusre bartan mein 1/2 cup paani le usme emli ke 4 tukde dalen aur ek chammach chini dal kar achhi tarah se 10 minute ke liye ubaal kar cup mein nikaal le.

3: Phir 10 minute ke baad dono cup ke mishran ko hila kar chhaan le.

4: Ab ise 100 gram mehndi ke powder mein dal kar mila de.

5: Ab iss paste mein nilgiri ka tel aur mehndi ka tel ki 12 boonde dal kar mila de.

6: Ise achhi tarah se mila kar 24 ghante ke liye chhod de.

7: Cone mein mehndi ka paste dalne se pahle use achhi tarah se mix kar de taaki agar usme kahin koi gaanth ho, to hat jaye.

Read Also : How to Remove Dandruff From Hair Permanently at Home

Hantho Mehndi Lagane Se Pahle Kin Baato Ka Khayal Rakhe :

1: Mehndi lagane se pahle apne haanth aur pair ko achhi tarah se paani aur soap se dho lena chahiye.

2: Mehndi lagane se pahle iss baat ka zaroor khayal rakhe ki aapke haanth aur pair mein koi bhi cream, body lotion ya dawai na lagi ho. Isse mehndi nahi chadhegi.

3: Mehndi lagane se pahle apne haanth aur pair par cotton ki madad se nilgiri ya mehndi ka oil zaroor lagaye.

4: Agar aapke haanth aur pair thande rahte hai, to mehndi lagane se pahle inhe halka garam kar le.

Read Also : Chehre Ke Baal Hatane Ke Gharelu Nuskhe

Hatho-Me-Mehndi-Lagane-Ke-Tips

Hatho Me Mehndi Lagane Ke Tips :

1: Mehndi jab bhi istmaal kare, to iss baat ka zaroor khayal rakhe ki mehndi ka powder fresh ho na chahiye aur uska color khila hua hona chahiye. Nahi to mehndi nahi chadhe gi.

2: Mehndi dheledaar nahi honi chahiye.

3: Iska paste na to bahut patla hona chahiye aur na he bahut mota . Mehndi ka paste bahut smooth hona chahiye.

4: Agar mehndi ka paste bach gya ho, to ise 2-3 hafte ke liye refrigerate mein rakhe.

5: Mehndi ke paste ka istmaal karne se 2 ghante pahle he mehndi ko fridge se bahar nikaal le.

6: Mehndi banate waqt room ka temperature kam se kam 25 degree hona chahiye. Kyunki thandi jagho par mehndi ka result achha nahi aata hai.

7: Purani mehndi skin par kam rang deti hai isliye fresh mehndi he karide.

8: Agar aapko dhool se allergy hai,to aap kisi kapde se apne naak ko cover kar le.

Read Also : Benefits of Coffee Pack for Skin and Hair

Leave a Reply

Your email address will not be published. Required fields are marked *