Hair Oil ke Fayde

Hair Oil ke Fayde:

hair oil ke fayde

Pollution, dhup aur tarah-tarah ke hair treatment baalo ko damage kar deta hai. Baalo me hone wale kisi bhi tarah ke nuksaan se bachane ke liye aur unke growth ke liye hair oil lagana bahut jaroori hai. Hamare baalo ke niche maujood oil glands me se natural oil nikalta hai. Kuch logo ke sir ki oil glands kuch jyaadah deedful hote hai, to kuch ke kam hote hai. Isliye yah janna bahut jyaadah jaroori hota hai ke baalo me kitni matra me oil lagaya jaye. Jaroorat se jyaadah oil lagane se scalpe ke open skin pores band ho jaate hai, isliye jab bhi oil ka istmaal kare, to use halka gunguna jaroor karle.

Oil massage ke fayde:

1: Aap jab bhi oil ka istmaal kare to use pahle halka gunguna kar le. Kyonki gungune oil se massage karne se baalo ko fayda hota hai aur damage ko bhi relax milta hai. Gungune oil se massage karne se aankho ke roshni tez hote hai. Oil massage ke baad sir par garam towel ko paani me dalkar uska sara paani nichod de aur phir use apne baalo me lapet kar cover kar de.

2: Baalo ki achchi growth ke liye baalo ko protein, vitamin aur kai tarah ke zaroori poshak tatv ki zaroorat hoti hai. Isliye baalo me oil massage karna zaroori hota hai jisse baalo ki growth bane rahe. Hafte me 2 baar oil massage karne se aap curling ya chemical treatment ki wajah se damage hue baalo ko poshan dete hai. Oil massage se sir ki tavcha ke pores khulte hai aur oil sir me absorb ho jata hai. Yah blood circulation badhaa kar body ko relax karta hai wa baalo ki jado ko poshan bhi deta hai.

3: Young generation ke baalo ke samay se pahle safeed hone ki problem shareer me vitamin aur protein ki kami ki wajah se hota hai. Tavcha me maujood melanin se aapke baalo ka color nirdharit (determined) hota hai. Yah jayadah hota hai, to baalo ka color kaala hota hai aur kam hone par baalo ka color halka hota hai. Isliye oil massage se baalo ka rang kala rahta hai aur unpar ek protective layer bana deta hai, jisse ultraviolet radiant ka side effects baalo par nahe hota hai.

4: Oil lagane se baalo me shine bhi aata hai aur we healthy rahte hai. Isse rukhe aur bejaan baal bhi achche najar aate hai. Heat styling product aur hair dryer ke daily istmaal se baal domuhe aur patle hone lagte hai. Aloe Vera aur dahi se baalo me chamak aati hai. Aloe Vera ko oil me milakar ya phir hair mask ke roop me lagaye.

5: Oil massage se sir ki tavcha me bacterial or fungal infection hone ka darr bhi kam ho jaata hai. Actually, jab sir ke open pores band hote hai, to unme bacterial panapne ka khtra jyaadah rahta hai aur isi ki wajah se sir me juon aur dandruff bhi ho jaata hai. Agar baal jyaadah dry ho, to baalo me oil ke saath honey mila kar lagaye. Isse baal healthy aur chamakdaar bane ge.

6: Baal protein se bane hote hai. Baalo me protein kam hone se baal kamjoor ho kar tutne lagte hai. Badaam, arande aur oilve oil lagane se baalo ko protein milta hai. Vitamin-E yuqt hair oil lagane se kamjoor aur frizzy baalo ki problem door hoti hai. Baalo ki roots se sir tak protein ka poshan milne se domuhe baalo ki problem bhi door hati hai aur heat styling product ke istmaal se ye kam damage hote hai.

Coconut hair oil ke fayde (Benefits of coconut hair oil) :

coconut hair oil ke fayde

Coconut oil ka istmaal karne se baalo ki roots ko nutrition milta hai jisse baalo ke girne ki problem door hoti hai. Agar aap ke baalo me dandruff ki bhi problems hai to yah use bhi door karta hai. Iske liye aap ko baal dhulna se pahle oil se massage karni hogi. Coconut oil ko halka gunguna kar le aur phir isse apne baalo ki halke haantho se massage kare. Phir garam paani me towel ko bhigo kar paani nichod de aur phir ise baalo me lapet le. Aisa 5-6 baar kare.  Iske baad baalo ko shampoo se dho le. Isse aap ke baalo me ek nai chamak aa jaye gi.

Read also:  Body Massage oil ke Fayde

Badam hair oil ke fayde (Benefits of almond hair oil) :badam hair oil ke fayde

Badaam oil ka istmaal karne se baalo ke dandruff ki problem door hoti hai. Isse baalo ka girna kam ho jata hai aur agar aap ke baal domuhe hai to us problem ko bhi door karta hai. Badam ka tel ek achcha conditioner ka kam karta hai. Yah baalo ko smooth aur silky banata hai. Yah baalo ki growth ke liye achcha hair oil hai. 

Sarso hair oil ke fayde (Benefits of mustard hair oil) :sarso hair oil ke fayde

Sarso ke tel me Mineral and beta carotene, fat acid, calcium aur magnesium paya jata hai. Hair oil se blood cerculation  badhta hai. Sarso ke tel se malish karne se saphed hue baalo ko kaala karne me kafi asardaar hot hai. Sarso ke oil ko baalo me halka gunguna karke baalo me lagaye .Iske baad baalo ko shower cap se cover kar de .Iske baad baalo ko mild shampoo se dho le.

Tea tree hair oil ke fayde (Benefit of tea tree hair oil) :

tea tree hair oil ke fayde

Tea tree ek essential oil hai aur isme kai sare gun bhi paye jate hai. Jo aap ke baalo ke liye kaafi faydemand hai. Iss oil ke istmaal se baalo ki growth achchi hoti hai. Tea tree oil ke istmaal se baalo ki juon aur dandruff ko hatane me kafi achcha hota hai. Iske istmaal se dry hair ki problem door hoti hai.  

Read also:  cold pressed oil ke fayde

Arandi hair oil ke fayde (Benefits of castor hair oil) :

arandi hair oil ke fayde:

Caster oil ke istmaal se baalo ki growth achchi hoti hai. Hair oil massage se blood circulation badhta hai, jisse baalo ki growth tez hoti hai. Caster oil se baal ghane aur lambe hote hai. Yah dandruff ki problems ko door karne me kaafi asardaar hota hai.

To aaj hamne aap ko bataya ki hair oil ke kya-kya fayde hai. Jisse aap ke baalo ki growth achchi ho sake aur woh khoobsurat najar aaye. To aap bhi apne beauty product me oil ko shaamil kare, jisse aap ke baalo ko nutrition mil sake aur wah healthy rahe. Aap jab bhi hair oil ka istmaal kare to sabse pahle kisi expert se advice zaroor le, kyonki yah aap ke health ke liye bahut zaroori hai. Agar aap ko hamari batayi yah tips pasand aayi ho to ise like aur comment zaroor kare.

HAVE A NICE DAY AND EVENING …. THANK YOU….

One thought on “Hair Oil ke Fayde

Leave a Reply

Your email address will not be published. Required fields are marked *