Hair Fall Control at Home in Hindi

hair fall control at home in hindi

Baal girne ke karan:

Agar aap bimaar nahi ho, balanced diet kar rahen hai aur baalo ki saphai ka khayal rakhti hai, tab bhi aap ke baal gir rahe hai, tab aap ko iski wajah jaanni ki jaroorat hai. Agar har din aap ki kanghi me 50-100 baal girte hai, to isme darne ki koi baat nahi hai. Yah normal hai aur gire hue baalo ki jagah naye baal nikal aayen ge. Lekin jab baal isse jyadah girne lage, patle hone lage, rukhe aur badrang hone lage ya sir par khaali jagah najar aane lage, to careful ho jaye.

Har kisi ke baal tutne ke kaaran alag-alag hote hai . Iske kai saare kaaran ho sakte hai, jaise pollution, unhealthy food, depression aur bhaagdaur bhare zindgi se baal kharab ho jaate hai. Isliye yah janna bahut zaroori hai ki aap ke baal girne ke kya kaaran hai.

Read also : Beauty Treatment at home in Hindi

Pregnancy and menopause:

In dono he situation me body ke hormone badalta hai. Iska sidha asar skin aur baalo par padta hai. Pregnancy ke waqat shareer me hormone ka level badh jata hai. Is wajah se baalo ki growth tezi se hota hai aur baal ghane hone lagte hai. Bachche ke janam ke baad hormone jab normal ho jata hai, to baal bhi pahle ki tarah ho jata hai. Aise me lagta hai ki aap ke baal kuch jyadah he gir rahe hai. Par pregnancy ki baat nahi hai. Aap balanced diet le, healthy lifestyle apnaye baal girne kam ho jayenge.

Poly cystic ovarian syndrome se suffering women ko bhi hormone ke pherbadal (shuffle) ki wajah se baal tutne lagte hai. Aise me chahre par bhi baal aa sakte hai.

Menopause ke samay shareer me estrogen aur progesterone harmon ki matra kam ho jati hai, is wajah se baal patle ho jate hai ya tutne lagte hai. Aise me aap ko jaroorat hai regular exercise, nutritious food ki. Waise bhi 50 ki umr ke baad baal pahle ki tarah nahi rah jate.

Thyroid ki wajah se :

Yah problem un sabhi mahilaon ki hai, jo auto immune jaise bimaari ko sahti hai. Iss bimaari ka sidha asar jodon (joint), hormone ka sanchaar (infusion) karne wali garanthiyan (glands), skin aur baalo par padta hai. Iske liye achchi oil se maalish aur poshak khuraak (nutritional supplements) se bhi aaram mile ga.

Styling aur fashion ka side effects : 

Roz baalo ko dhona, shampoo aur conditioning karne se baalo ki quality kharab nahi hoti, jitni jyadah styling aur over heating karne se hoti hai. Iskeliye aap mahine me ek baar baalon ki styling kar sakti hai. Par jyadah chemical ka istmaal bahut harmful hota hai. Usi tarah baalo ko color karte waqt kam ammonia yuqt color ka istmaal kare.Regularly baal artificial tarike se straight karwana bhi harmful hai. Isse baal niche se tutne lagte hai aur patle bhi ho jate hai. Isse bachne ke liye styling ki taraf kam jaye. Baalo ko healthy tarike se badhne aur chamakne de.

Read also : How To Take Care Of Skin In Rainy Season

Anemia ki problem :

10 me se 4 indian womans ko pata he nahi hota ki unke shareer me koi kami bhi hai. Desh ke lagbhag 56% ladkiyan aur 30% ladke anemia ki problem hai. Shareer me iron ki kami se kai problems hoti hai. Jyadah tar logo ko pata he nahi hota ki wo anemia ki wajah kya hai aur iske nuksaan kya hai. Shareer me iron elements ki kami ki wajah se period irregular ya bhaari hone lagta hai, jis laal cell ki wajah se khoon me oxygen banta hai, uski quantity ghatne lagti hai. Yani haath-paanv thande hone lagte hai, sir me dard hone lagta hai aur baal tezi se girte hai. Iron aur protein ki kami ki wajah se baal kamjoor hone lagte hai. Baal carotene protein se bante hai. In me kami ho jaye, to nae baal bahut dheere-dheere nikalte hai.

Baalo ko girne se kaise bachaye :

1: Jyadah garam paani se kabhi bhi apne baalo ko na dhoe kyonki ye aap ke baalo ko nuksaan pahunchata hai. Gungune paani me do chammach gulab jal, do chammach aloe vera ka ras aur ek chammach lemon juice mila kar sir ko dhoe . Agar aap chahe to raw coconut ke paani se bhi baalo ko dho sakti hai. Isse aap ke baal ghane dikhen ge.

2:  Jab bhi aap ke baal jyadah girne lage to khushbudaar aur jhaag wale shampoo ki jagah ayurvedic shampoo ka istmaal kare. Amla, ritha aur shikakai ke regular istmaal se bhi baal majbut hote hai. In teeno ko saman matra me ubaal kar, paani thanda kare. Hafte me do baar isse sir ko dhoyen.

3: Apni comb dusro ko istmaal na karne de. Ho sakta hai dusro ko dandruff ya fungal infection ho. Baalo ki kanghi ya brush har teen mahine me badalte rahe.

Read also :  Homemade Hair Conditioner in Hindi

Apne diet me kya shamil kare :

Apni diet me kya shamil kare :

1: Hari pattedaar sabjiyan, fal, sukhe meve se aap ko jaroori protein aur iron milega. Isse aap ke baal majbut aur chamkile banege.

2: Baalo ko chamakdaar banane ke liye aap jo bhi beauty product istmaal me lati hai, wo baalo ko kuch deer ke liye chamakdaar banati hai. Agar aap chahati hai ki aap ke baal natural tarike se chamakdaar bane, to iske liye aap ko apne diet me amino acid, omega-3, vitamin-c aur vitamin-e yuqt khaad padartho ko shaamil kare. Iske liye khatte phal, daal, broccoli aur aam aadi ko bharpur matra me khaye.

3: Saal bhar me hamare baal 6 inch. lambe hote hai. Apni diet me vitamin aur amino acid ko shaamil karke aap apne baalo ke badhne ki gati ko teez kar sakti hai. Iske liye apni diet me alsi ke beej (flax seed), chicken, oats, sukhe mivi, hari pattedaar sabjiyan aur dudh ko shaamil kare.

Read also:  Balo ke liye Mehndi banane ka tarika aur tips

Aaj hamne aap ko bataya ki baalo ke girne ki wajah kya-kya hai, inhe kaise bachaye aur apne diet me kya shaamil kare jisse aap ke hair fall ko control kiya ja sakta hai. Aap bhi in tips ko zaroor follow kare aur apne baalo ke girne ki problems ko door kare. Agar aap ke baal bahut jyada matra me gir rahe hai to doctor ko zaroor dikhaye. Kyonki kisi expert ki salah ke baad he aap in rules ko follow kare. 

Agar aap ko hamari yah tips pasand aayi ho to ise like aur comment zaroor kare.

HAVE A NICE DAY AND EVENING …..THANK YOU…

Leave a Reply

Your email address will not be published. Required fields are marked *