Guest Room Ko Kaise Sajaye Aur Kin Kin Bato Ka Khayal Rakhe

Guest Room Ko Kaise Sajaye Aur Kin Kin Bato Ka Khayal Rakhe

Guest Room Ko Kaise Sajaye Aur Kin Kin Bato Ka Khayal Rakhe :

Jab aap ke ghar mein guest aate hai tab aap unko kahan par sulate hai? apne bedroom ko guest ke liye khali karke khud store room mein raat gujarti hai ya drawing room mein floor par unke liye gadda bichha kar? agar aap aisa karti hai to jara sochiye ki aapke mahmaan aap ke bare mein kya sochte honge? Isliye aap kanjusi chhod kar ghar ke kisi room ko guest room mein badal de.

Vacation shuru hote he guest ka ghar par aana jana laga rahta hai, isliye aap ke khas mahmano ka room bhi bahut khas hona chahiye. Guest room mein unki zaroorat ke sare saman maujood ho taki unhi kisi bhi tarah ki koi bhi problem na ho aur unhe wo room apne ghar jaisa he lage. Guest room ki sajawat karte waqt kuch baato ka khas khayal rakhe. Guest Room Ko Kaise Sajaye Aur Kin Kin Bato Ka Khayal Rakhe.

Read also : Ghar Ko Kam Budget Me Kaise Khoobsurat Banaye

Guest Room Decor Karne Ke Tips :

guest room ideas

1: Ghar ke khali pade room ya aise room ko aap guest room mein badal sakti hai jise aap bahut kam istmaal karti ho ya aap us room ka istmaal store room ki tarah kar rahi ho. Lekin iski saaf safai ka khayal rakhne ke saath iss baat ka bhi khayal rakhna behad zaroori hai ki aapke ghar aaya mahmaan wahan comfortable feel kare. Aisa na ho ki band kamre mein rahne wali seelan ki badbu ya table-chair par jami dhul mitti se guest ko rahne mein wahan koi problem ho aur use allergy ho jaye.

2: Room mein bahut he dark color ka istmaal na kare uski jagah aap room mein halke aur neutral colors ka istmaal kare jaise off white, pastel tones, light blue aur bhi bahut sare colors hai jinka aap istmaal kar sakti hai. Vibrate warm colors jaise bright red ka istmaal na kare kyunki aise color aankho ko bahut chubhte hai aur us room mein mahmaano ko aaram bhi feel nahi hota hai.

Read also : 25 Tips For Your Beautiful New Home Decoration Ideas

ghar ko kaise sundar banaye

3: Kuch log tute folding palang ko guest room mein bed ke roop mein istmaal karte hai, jo ki bahut he galat baat hai. Aisa na kare. Agar us room mein double bed nahi rakh sakti hai, to aap uski jagah ek comfortable folding bed us room mein rakh sakti hai. Aap chahe to room mein multipurpose furniture bhi laga sakti hai.

4: Jis room mein aap guest ko sula rahi hai, wahan par uska kapda aur koi dusra saman rakhne ke liye ek almirah zaroor hona chahiye. Isliye room mein ek almirah bhi dhayan se rakhe. Almirah ke niche ke daraj ho jisme blanket, towel ya aur bhi saman rakha ja sake.

Read also : Kitchen Makeover And Feng Shui Tips

guest-bedroom-ideas

5: Bed ke bagal mein lamp shade zaroor lagaye. Kyunki ceiling par lagi light ko raat ke waqt band karne mein thodi problem ho sakti hai. Lekin bed ke bagal mein lagi switch ko band karne mein kafi aasani hoti hai. Raat ke waqt neend mein aapke guest furniture se takra bhi sakte hai, isliye bed lamp achha option hai.

6: Agar guest room ke saath attached bathroom hai, to usme ek towel, soap zaroor rakhe. Apna koi purana sleeper bhi wahan rakh sakti hai.

7: Aap room mein dustbin ke saath saath fresh flower ka flowerpot bhi rakh sakti hai, isse room khoobsurat lagega. Isse aapke gher par aane wale mahmano ko fresh feel hoga.

8: Guest room hi to hai, yah soch kar us room ko ignore na kare. Iss room mein bhi kuch paintings lagaye, kyunki khaali time mein ya mind kharab hone par aap bhi kuch sukun ke pal yahan bita sakti hai.

guest-room

9: Guest room me bhi mirror lagana bahut zaroori hai isliye room mein ek bada sa mirror lagana na bhule. Aapke guest ko bhi taiyaar hona hai. Uske aas paas zaroorat ke sare saman bhi zaroor rakh de. Decoration ke liye chhote mirror ka istmaal kar sakti hai.

10: Agar aapko guest ke aane ki information pahle se he mil gayi ho, tab to aap safai karwa he deti hai, lekin jab aapko pata he na ho aur guest achanak aa jaye, to ganda room dekh kar aapka impression kharab ho sakta hai, isliye har dusre din room ki safai zaroor kare aur hafte mein ek din room mein lage jale bhi hata de.

guest room

11: Room ko kuch iss tarah se decor kare ki wo hotel jaisa na lage. Iss baat ka zaroor khayal rakhe ki room mein bahut jyada furniture na ho kyunki isse room mein chalne mein thodi problem ho sakti hai. Kewal zaroorat ke saman he rakhe.

12: Bed par comfortable gadde ke alawa ek-do pillow extra rakhe, taki zaroorat hone par guest unka istmaal kar sake ya phir tek laga kar study kar sake. Ek tissue box ya dustbin bhi iss room mein rakhe.

13: Guest ke room mein watch zaroor laga le. Bed table par digital clock ek achha option hai. Isse agar guest chahe to asani se alarm bhi laga sake ga.

Kuch Safety Rules:

guest room ko kaise sundar banaye

1: Agar guest room mein mosquito ho to room mein mosquito repellent ya phir machhardani zaroor rakh de. Taki unhe koi problem na ho.

2: Guest room kabhi kabhi istmaal hota hai jiski wajah guest room mein kidemakode ho jate hai, to isliye pest control zaroor kara le.

3: First aid box bhi zaroor rakh de.

4: Room mein electronic ki chize jaise AC, fan, aur cooler aadi sahi se chal rahe hai ya nahi, yah guest ke aane se pahle zaroor check kar le.

HAVE A NICE DAY AND EVENING…..THANK YOU…..

Leave a Reply

Your email address will not be published. Required fields are marked *