Eye Makeup According to Eye Shape

eye makeup according to eye shape in hindi

Ham jab bhi kisi party, marriage function ya kitty party me jate hai, to ham sabse pahle apne aankho ke makeup par jyada focus karte hai. Aankho ke makeup ke bina hamara makeup adhura he rahta hai. Aankhe hamare chahre ka sabse khoobsurat hissa hoti hai aur agar ham apni in aankho ka thoda sa makeup kar de to yah aur bhi jyadah khoobsurat najar aati hai.

Hamare world me jitni tarah ke log hote hai utni he tarah ki sab ki aankhe bhi hoti hai. Har kisi ki aankhe ek jaisi to nahi hoti hai. Jaise kisi ki aankhe chhoti, badi, round, hooded aur bhi aise bahut se shape ki aankhe hoti hai. Har aankho ke liye makeup karne ka tarika bhi alag hota hai. Taki sab khoobsurat najar aaye. Isliye ham aaj aap ko batayenge ki Eye makeup according to eye shape me kaise kiya jata hai.

Eye makeup according to eye shape: 

Eye makeup for close set eyes:
close set eye makeup

Close set aankho me dono palko ke beech ki duri kam hoti hai. Palko ke beech jyaadah space dikhane ke liye aankho ke ander wale kono par safeed makeup kiya jata hai. Aankho ke bahri kono par gahre rang ke shadow ka istmaal kiya jata hai. Agar aap upar aur niche wale palak par liner laga rahi hai to iss baat ka dhayaan rahi ki ander wale kono ko chhodkar he liner lagaye. Isse aankhe badi aur khoobsurat najar aati hai. Aap inhe smoke look bhi de sakti hai. Agar aap mascara ka istmaal kar rahi hai to iss baat ka khaas khayal rakhi ke ander ki taraf halke rang ka aur bahar ki taraf thoda gahre rang ka mascara laga sakti hai. Agar aap apni aankho ka makeup kaafi dark kar rahen hai to lip ka color halka he rakhe. Isse aap ki aankho ka color aur khoobsurat najar aayega.

Eye makeup for almond eyes:

almond eye makeup

Badaam ke aakar ki aankhe sabse khoobsurat mani jaati hai. Kai log aisi aankho ki tulna hiran ke aankho se bhi karte hai. Almond shape wale aankho ka kona thoda utha hua hota hai, isliye in par bold liner achcha lagta hai. Aise log apne palko ke liye thoda gahra shade chune. Lekin ek baat ka khaas khayal rakhe ki liner bahri kono se bahar na jaye. Aankho par nutral rang ka shadow laga sakti hai. Aap chahe to aankho ke kono par white shadow ka istmaal kar sakti hai isse aap ki aankhe aur bhi khoobsurat lagegi. Agar aap apne aankho ka makeup halka kar rahen hai to lips ko dark he rakhe.

Eye makeup for wide set eyes:

eye makeup for wide set eyes

In aankho ke beech ki duri jyaadah hoti hai. Inke kono par jyaadah focus kiya jata hai. Aankho ka makeup kuch aisa chune ke aankhe chahre ke hisaab se badi na lage. Ander wale kono par gahre rang ka shadow lagaye. In aankho me ek se dusre kone tak brabar matra me liner lagaya jata hai. Palko par medium tone ke shadow ka istmaal kare. Mascara lagate samay lashes sidhe rakhe aur uske bahri hisso par right taraf jyaadah mascara lagayen. Iss tarah ki aankhe natural color me jyadah khoobsurat lagti hai.

Eye makeup for small eyes:

eye makeup for small eyes

Chhoti aankho par sabse jyaadah experiment hote hai. Aap inhe thoda bada dikhane ki liye aankho par pale, shimmer eye shadow ka istmaal kar sakti hai. Lekin usse bhi achcha tarika hai ki aap upar ki palko par eyeliner lagaye aur kone par jate-jate thoda ghuma de. Mascara bhi lagaye isse aap ki aankhe badi lage gi. Lekin niche ki palak par eye liner na lagaye, kyunki isse aankhe aur chhoti dikhe gi. Agar aap aapne aankho ko light pink color de rahin hai to halka shimmer bhi lagaye, isse aap ki aankhe aur bhi khoobsurat lagengi. Aankho ke niche ki palak par eyeliner ki jagah halka eye shadow ka istmaal kare.

Eye makeup for round eyes:eye makeup for round eyes

Agar aap ki aankhe gol aur badi hai to yakeen maniye ki aap ke paas sabse khoobsurat aankhe hai. Bas aap inhe ek achcha shape de jisse yah aur bhi jyada khoobsurat lage. Iske liye aapko thoda gahre rang ke eye liner ka istmaal kare. Aap chahe to halke color ka eye shadow laga sakti hai. Isse aap ki aankho ko natural color mile ga. Aap apni aankho par dark mascara laga sakti hai.

Eye makeup for hooded eyes:eye makeup for hooded eyes

Chhoti wa tikhe naksh ki aankho ki palke bahut chhoti hoti hai. Isliye inpar liner na lagaye. Dabe hue hisso par medium dark rang ka shadow laga sakti hai. Eyebrow ke niche halke rang ka shadow lagaye. Chamakdaar shadow bhi laga sakti hai. Upari palko par kaale rang ka mascara lagaye. Aap chahe to apni aankho ko smoke look bhi de sakti hai. Aankho ke niche ki palak par halke eye shadow ka istmaal kare.

Eye makeup for asian eyes:eye makeup for asian eyes

Asian aankhe naak ki taraf kinare se thode jhuki hue hoti hai. Yeh aankhe dikhne me bahut khoobsurat najar aati hai. Aise aankho ka makeup thoda halka achcha lagta hai. In par three color shades ke shadow bahut khoobsurat najar aata hai, jaise orange, pink aur peach color bahut achcha lagta hai. In aankho par hamesha upar ki taraf eye liner lagaye aur bahar ki taraf iske nok ko nikaale. Agar aap ki aankhe aisi hai to aap apni aankho par halka shimmer ka istmaal bhi kar sakti hai. Aisi aankho ke niche liner ka istmaal nahi kiya jata hai.

Read also:  Bridal Makeup Tips in Hindi

Tips: 

  • Jab bhi makeup kit kharide to achchi quality ka he kharide, nahi to yah aap ke face ko kharab ker sakte hai.
  • Hamesha aise color ko he chune jinka aap istmaal karna chahti hai.
  • Koi bhi product lene se pahle uski expiry date zaroor check kar le ki wah kitne samay tak chale gi.
  • Agar aap ko kisi product ke istmaal se allergy hai to aap us product ka istmaal na kare.
  • Hamesha expert ki salah par he product ka istmaal kare. 
  • Agar aap ko kisi bhi eye liner se koi problem hai to usko na lagaye, nahi to aap ki aankhe bhi kharab ho sakti hai.

Hamne aaj aap ko alag-alag type ke aankho ke shape ke makeup ke baare me bataya jisse aap bhi apne aankho ka makeup karke khoobsurat najar aa sakti hai. Agar aap ko hamara yah post pasand aaya ho to ise like aur comment kare.

HAVE A NICE DAY AND EVENING ….THANK YOU…

Leave a Reply

Your email address will not be published. Required fields are marked *