Color Kiye Hue Baalo Ki Dekhbhal Karne Ka Sahi Tarika Kya Hai

hair-color-karne-se-pahle-in-baato-ka-khas-khayal-rakhe

Aaj kal ke fashion ke daur mein log tarah tarah ke hair experiment kar rahe hai. Aaj log tarah tarah ke hair style aur hair color ka istmaal kar rahe, take unke baal khoobsurat najar aaye. Jinki wajah se baalo ko kafi nuksaan pahunchta hai aur baal damage ho jate hai. Lakin color kiye hue baal zaldi damage ho jate hai, jiski wajah se inki dekhbhaal karna bahut jyada zaroori hai. Aaj ham aapko batayenge Color Kiye Hue Baalo Ki Dekhbhal Karne Ka Sahi Tarika Kya Hai. 

Read also : 8 Natural Hair Dye : How To Color Your Hair Naturally At Home

Hair Color Karne Se Pahle In Baalo Ka Khas Khayal Rakhe :

1: Coloring karwane se pahle uski taiyaari kare. Iske 2 mahina pahle he baalo mein oil se maalish kare aur oil mask lagaye. Color karwane se pahle raat mein baalo mein coconut oil ki massage karke shampoo kare.

2: Ghar mein he color kar rahe hai, to baalo mein color lagane se pahle patch test kar le aur utne he samay ke liye color lagaye, jitna kaha gya ho.

3: Hair color karane se pahle check kar le ki kahin do-muhe baal to nahi hai. Agar hai to unhe trim karwa le. Kyunki hair color karane ke baad do-muhe baal dry dikhne lagte hai. 

Read also : Balo ko Silky aur Shiny karne ka Tarika

Hair-Color-Karne-Se-Pahle-In-Baalo-Ka-Khas-Khayal-Rakhe

Color Kiye Hue Baalo Ki Dekhbhal Kaise Kare :

1: Coloring ke baad kudrati nami banaye rakhne ke liye baalo mein conditioning treatment kare. Baalo mein regular oil lagaye aur hafte mein ek baar banana, dahi, honey, vitamin E oil, aloe vera gel yuqt hair pack lagaye. Hot oil treatment bhi baalo ko chamak deta hai.

2: Baalo mein color karane ke baad 2 din tak baalo mein shampoo na kare aur na he garam paani ka istmaal kare. Kyunki color karwane ke baad shampoo se baal dhone se baalo ka color kharab ho jata hai.

3: Agar aap chahti hai ki aapke baalo ka color barkarar rahe, to phir iske liye aapko ghar se bahar nikalne se pahle baalo ko cover karke he nikle. Kyunki bahar ki dhul mitti aur pollution ki wajah se baal kharab ho jate hai aur jyada waqt dhoop mein rahne se baalo ka color khatam hone lagta hai. Isi liye bahar jaane se pahle baalo ko cover kar le.

4: Chemical treatment karane ke baad baal thode bahut damage ho he jate hai. We dikhne mein bhadde na lage, iske liye baalo ko niche se trim karaye.

5: Market mein ab color protecting products achhi khasi price mein available hai. Inse baal damage hone se bach jate hai. Sulfate free color protecting shampoo baalo ka natural color barkarar rakhta hai.

6: Baalo ko color karwane ke baad jo bhi shampoo aur conditioner istmaal kare, usme UV filter hona chahiye, taaki dhoop mein jaane se baalo ka color fed na ho.

7: Baalo ko hafte mein ek baar awla, ritha aur shikakai se dhoye. Isse baalo mein chamak aayegi aur baal strong banege.

8: Kabhi bhi do tarah ke treatment ek saath na karwaye. Agar color karwa rahi hai, to perming ya straightening jaise treatment na karwaye.

9: Baalo ke hair color ko lambe samay tak tika kar rakhne ke liye aap swimming pool ke paani mein jane se bache. Agar aap swimming pool mein ja bhi rahi hai, to shower cap zaroor pahan le. Isse pool ke paani mein ghuli chlorine se baal kharab nahi hogi. Chahe, to swimming se pahle coconut oil ya leave-in conditioner bhi lagaye.

10: Hair color karane ke baad kuch samay ke liye dryer aur straightening iron ka istmaal na kare.

11: Kisi achhe leave-in conditioner ka daily istmaal kare. Inme silicon hota hai, jo baalo par ek protective layer banata hai. Isse baalo par dhup aur dhool ka prabhav nahi padta hai.

12: Aajkal dry shampoo logo ke beech mein bahut tezi se famous ho raha hai aur isi wajah se market mein bhi yah milne lag gya hai. Isse aapko baar baar shampoo karne ki zaroorat nahi padti hai.

Read also :

1: Hair Fall Control at Home in Hindi

2: Homemade Hair Conditioner in Hindi

Skin Par Lage Hair Color Ko Kaise Hataye :

Ghar par color karte waqt agar hair color skin par lag jaye , to use hatane ke liye kya kare-

1: Cotton ke kapde mein makeup remover laga kar lagaye. Isse hair color hat jaye ga.

2: Cotton mein thodi si petroleum jelly laga kar jahan par color laga ho, massage kare. Din mein aisa 4-5 baar karne se sare nishaan hat jayen ge.

3: Aap baby oil aur olive oil ka istmaal karke bhi hair color ke daag mita sakti hai. In mein se jo bhi oil aapke pass maujood ho, usse din mein 3-4 baar thodi deer tak massage kare.

4: Skin ke jin hisso mein color laga hai, vahan toothpaste lagaye. Jab sukh jaye, to hata de. Ise jitni jaldi he lagayengi, utna hi asardaar ho ga.

5: Cotton ko nail polish remover mein duboyen aur usse skin par lage hair color ko saaf kare. Isse halki jalan hoti hai, lekin agar jalan jyada ho, to iska istmaal na kare.

Read also : Balo ke liye Mehndi banane ka tarika aur tips

HAVE A NICE DAY AND EVENING…..THANK YOU…..

Leave a Reply

Your email address will not be published. Required fields are marked *