Cold Pressed Oil Ke Fayde

cold pressed oil ke fayde, istemal, harmful.

Cold pressed oil:

Cold pressed oil ko nikaalne ke liye seeds, fruit aur dry fruit ko khaas vidhi se thande taapmaan me he press kiya jata hai, jisse inme available vasa (fat) aur uske guno ko koi haani nahi hoti hai. Oil nikaalne me kisi aisi vidhi ka istmaal nahi kiya jata hai, jisme khaas rasaayan (chemical) dal kar oil nikaala jata hai. Yah baaki oils se behtar hai, kyonki ise garam karke nahi nikala jata hai. Thande temperature me nikaalne ki wajah se oil ki paushtikta (Nutrition) aur guno me kami nahi aati. Isme anti oxidant, aroma, texture aur flavour ka level achcha bana rahta hai. Isme skin aur shareer ko nuksaan pahunchane wale cholesterol aur trans fat ki gunjaish (cushion) nahi hoti hai.

Read also : Castor Oil Benefits and Castor Oil Hair Pack

Oil nikalne ki vidhi (method of oil extract) :

Iss vidhi se oil nikaalne ke liye seeds ko steel ke bade container me dalker high speed me pisa jata hai. haalaanki, piste samay jo thodi-bahut garmahat nikalti hai, wah oil ke guno ko haani nahi pahunchati hai. nikale gaye oil ko chhaan kar pack kiya jata hai. Waise is tarah ke oil ki self life kam hoti hai. Isliye samay rahte iska istmaal kare. Iske pack ko kholne ke baad jaldi he istmaal me laane ki zaroorat hai.

Kaise upyogi hai (how is useful) :

Cold pressed oil tarah-tarah ke hote hai, jo khaastaur par face ke liye achcha hota hai. Orange, tea tree aur khatte flavor (Citrus flavors) ke oil oily aur open pores wali skin ke liye faydemand hai. Wrinkle ki problem bhi iss tarah ke oil se door hoti hai. Argan, morus alba jaise cold pressed oil dry skin ke liye faydemand hai. Badaam, coconut, til ka oil papdidaar (Crustaceous) ya rusi yuqt scalp ko thik karne ke liye sahi hai. Aise oil, jinme omega 3,6 aur 9 ho, we koshikao ki marammat ( Repairs of cells) ke liye asardaar hai.

Rakhe saavdhaniyan (keep cautions) :

Aise oil, jinme kaafi khushboo hoti hai jyaadatar allergy, jalan, itching ki wajah banti hai. Jin logo ko acne ki problem hai, we iss tarah ka oil na lagaye, to behter hai. Ise lagane ke baad dhoop me na jaaye, isse tanning hone ka khatra badh jayega.

Read also : Coffee Face Pack for Skin Whitening and Glowing

cold pressed oil ke fayde

Cold pressed oil ka istmaal (use of cold pressed oil) :

1: Ise aap toner aur moisturizer me bhi istmaal ker sakti hai. Isme anti oxidant maujood hone ki wajah se anti aging cream me istmaal kiya jata hai.

2: Iss tarah ka oil hair mask me istmaal kiya jata hai, jise aap frizzy aur rukhe baalo me laga sakti hai. Isse domunhe baalo ki bhi problem nahi rahegi.

3: Cold pressed oil ko aap gile baalo par bhi hatheli me do bund dalkar mal sakti hai. Baalo par yah styling gel ka kaam karega. Isme maujood paushtikta (Nutrition) skin wa baalo ki growth ke liye bahut upyoogi hai. Kuch bund orange oil under makeup yani makeup karne se pahle lagaye, to achche primer ka kaam karta hsi

4: Tea tree oil ki kuch boondo se oily skin ki oily glandes kam active hoti hai. Iss tarah ke cold pressed oil me silicon hyaluronic acid, argan oil ka bhi under makeup istmaal kiya ja sakta hai.

5: Cold pressed oil me kuch aesi  khushboodaar chije jaise piper mint, calendula, chamomile aur tea tree oil hote hai, jo skin ko puri paushtikta pradaan karte hai. Iss tarah ke oil se pollution ke impact se secure rahte hai. Kisi tarah ke infaction ka asar nahi hoga.

6: Iss oil me anti aging gun hote hai. Isse baalo ki jade majboot hoti hai,silky rahte hai aur we mulayam hote hai.

Read also : How to Remove Dandruff From Hair Permanently at Home

Cold pressed oil ke fayde:

1: Cold pressed oil se maalish karne aur sir par massage karne se yeh hamesha healthy rahte hai. Iski pure fragrance se body bahut relax mahsos karti hai.

2: Iss oil me vitamin E aur oleic acid paya jata hai joki shareer ki disease resistant ki capacity ko badhata hai.

3: Hair oil massage karne se blood circulation badhta hai aur sath he baalo ki growth achchi hoti hai. Yah baalo ko nutrition pradaan (Provided) kar ke roots ko strong banata hai.

4: Yah aap ke face aur body ko moisturize karta hai . Cold pressed oil ka regular istmaal karne se body relax hoti hai aur skin bhi healthy rahti hai.

5: Cold pressed oil me trans fatty acids nahi paye jate hai aur yah naturally cholesterol free hota hai.

6: Iss oil me banaya gaya khana taste aur healthy hota hai aur iss oil me asli taste paya jata hai.

7: Jab bhi aap makeup karne jaye, to aap makeup se pahle oil zaroor lagaye. Isse aap ki skin ko koi problem nahi hogi.

Read also : Balo Ko Ghana Karne Ke Gharelu Nuskhe

Cold pressed oil se massage karne se skin aur hair par hone wali problem se door raha ja sakta hai. Agar oil se body massage ki jaye to yah hamare body ko strong aur healthy banata hai, jisse samay se pahle aane wale budhape se bacha ja sakta hai. Agar aap iss oil ka istmaal khana pakane me karenge, to isse khana taste aur healthy hota hai, jo hamare body ke liye achcha hota hai. Lekin aap jab bhi cold pressed oil ka istmaal apne body ya hair par kare to isme pahle koi aur bhi oil ko equal matra me dalkar mix kare, kyonki yah bahut he jyadah gadha hota hai. Aap jab bhi kisi bhi product ya oil ka istmaal kare to sabse pahle expert se zaroor salaah le, kyonki yah hamare health ke liye bahut zaroori hota hai ki ham koi bhi product ka istmaal kare to pahle logo se iske baare me zaroor jaan le. 

To phir aap bhi oil ko apne beauty product me shamil kare aur apne skin aur hair ka khaas khayal rakhe. Kyonki agar ham apne health ka khayal rakhenge tabhi ham apne family members ka bhi khayal rakh payenge. 

Read alsoBody Massage oil ke Fayde

To aaj hamne aap ko bataya ki cold pressed oil kya hai, iske fayde aur iske nuksaan ke bare me. Agar aap ko hamari yah tips pasand aayi ho to iss par like aur comment kare. Aap bhi iss tips ko logo ke paas share kare, taki sab ko iss oil ke baare me jaankari ho.

Have a nice day & evening …. Thank you…

Leave a Reply

Your email address will not be published. Required fields are marked *