Chehre Ki Khoobsurti Ke Liye Vitamins Ke Kya Fayde Hai Aur Natural Face Pack

Chehre-Ki-Khoobsurti-Ke-Liye-Vitamins-Ke-Kya-Fayde-Hai-Aur-Natural-Face-Pack

Ham apni skin ki care ke liye tarah tarah ke beauty product ka istmaal karte hai. Jo hamari skin ko healthy aur chamakdaar banate hai. Market mein aise bahut sari cream, lotion aur facial oil milte hai, jisme vitamins aur kuch zaroori poshak tatv hote hai, jo hamari skin ke liye bahut faydemand hota hai. Iske regular istmaal se hamari skin long time tak javan najar aati hai. Agar aap chahti hai ki aapki skin chamakdaar aur healthy najar aaye, to apne diet mein special vitamins ko shaamil kare. Aap chahe to vitamin yuqt cream, oil aur face pack ka istmaal kar sakti hai. Agar aapke paas cream nahi hai, to aap vitamins aur Nutrients wale natural face pack ka istmaal kar sakti hai. To phir chaliye aaj ham aapko batayenge ki skin ki care kaise kaise aur Chehre Ki Khoobsurti Ke Liye Vitamins Ke Kya Fayde hai. 

Read Also : Chahre Se Pimple Aur Acne Hatane Ke 10 Asan Gharelu Upay

1: Vitamin A :

Skin ke normal lachilepan (elasticity) ke liye vitamin A bahut upyogi hai. Vitamin A mein anti oxidant gun paya jata hai, jo har umr ke liye zaroori hota hai. Anti ageing creams mein vitamin A ka istmaal bataur retinoids hota hai. Yah elements skin mein anti oxidant ki tarah kaam karta hai.

Gajar aur honey ka Face pack :

  • Gajar ka juice – 1 cup
  • Honey – 2 chammach
  • Lemon juice – 2 chhote chammach

Ek gajar le aur uska juice nikaal le aur usme honey dalkar mix kare. Agar aapki skin oily hai, to aap iss mishran mein lemon juice bhi mila sakti hai. In tino mishran ko achhi tarah se mix kare. Pahle apna chahra achhi tarah se saaf kare aur phir iss paste ko apne face par lagaye. Ise 20 minute tak laga rahne de. Uske baad apne face ko thande paani se dho le.

Read Also : Kiwi Fruit Se Paye Khoobsurat Twacha

2: Vitamin B :

Yah paushtik tatv skin ki rangat ko saaf karne ka kaam karta hai. Niacinamide Naam ka tatv vitamin B ka main source hai, jo creams mein istmaal kiya jata hai. Agar aapke face par wrinkle ki problem ho, to aise cream kharide, jisme Niacinamide zaroor ho.

Aalu ka face pack :

  • Aalu – 1 (kaddukas)

Aalu ek natural bleach ka kaam karta hai, jiske istmaal se skin par glow aati hai. Ek aalu le, use chhel kar kaddukas kare aur ise apne chahre par achhi tarah se lagaye. ise 15 minute tak laga kar rakhe aur phir kuch der baad chahra dho le. Agar aap iss pack ko regular istmaal karnegi, to isse aapke face ka rang nikharne lage ga.

Read Also : Chahre se Wrinkles ko Door Karne ke Tarika

3: Vitamin C :

Skin ko radicals se free karne ke liye vitamin C sabse achha upay hai. Yah ek bahtreen anti oxidant hai. Collagen structure ke product ke liye vitamin c faydemand hai. Yah paushtik tatav skin ki koshikao ke banne mein madad karta hai. Sun ki kirno se skin ko hone wale nuksaan ko bhi vitamin c sahi karta hai.

Orange peel powder face pack :

  • Santare ke chhilke ka powder (Orange peel powder) – 2 bade chammach
  • Jau ka atta – 2 chammach
  • Haldi powder – 1 chhota chammach
  • Dahi – 2 chammach
  • Kachcha milk – 2 bade chammach

Santare ke chhilke ko sukha kar powder bana le. Ise jau ke atte mein mila kar fridge mein rakhe. Isse yah atta kharab nahi hoga. Agar aap ke chahre par pimple hai, to iss atte mein thoda sa haldi powder bhi dal sakti hai. Jab bhi aapko iss atte ka istmaal karna ho, to aap isme dahi ya kachcha dudh dal kar achhi tarah se mix kare. Ise apne saaf chahre par apply kare aur 20 minute tak laga kar rakhe. Jab yah sookh jaye tab chahra paani se dho le. Halke haanth se thapthapa kar chahra sukha le aur last mein moisturizer lagaye.

Read Also : Summer Mein Chahre Ki Khoobsurti Badhane Ke Liye Kis Tarah Se Kare Facial

4: Vitamin E :

Skin ko soft aur smooth banaye rakhne mein sabse achha upay mana jata hai. Yah ek aisa anti oxidant hai, jiske istmaal se skin par kisi bhi tarah ka ghav aur kati-fati koshikaye zaldi bhar jati hai.

Jau ka atta aur dahi ka face pack :

  • Atta – 2 bade chammach
  • Dahi – 2 chammach
  • Vitamin E capsule – 1
  • Badaam ka tel – 3 chhote chammach
  • Badaam ka powder – 2 chammach

Badi umr ke log apne liye jau ka atta mein dahi mila kar face pack taiyaar kare. Ab isme vitamin e ki capsule tod kar dalen aur ise achhi tarah se mix kare. Ise apne face par apply kare aur 20 minute tak laga kar rakhe. Kuch der baad chahra dho le aur phir koi achha face cream laga le. Iske alawa badaam bhi kaafi faydemand hota hai. Aap chahe to iss pack mein badaam ka tel ya badaam ka powder istmaal kar sakti hai. Isme maujood achhe fats aur vitamin e oil natural skin barrier ki tarah kaam karte hai.

Read Also : 10 Shahnaz Hussain Homemade Beauty Tips For Dark Eye Circle

5: Alpha-lipoic acid :

Yah ek aisa paushtik tatv hai, jisko skin par lagane se wah radicals free rahti hai. Yah lambe samay tak skin ko safe rakhne mein madad karta hai.

Avocado face pack :

  • Avocado – 1

Ek avocado le aur use mash kare. Ise apne chahre par lagaye aur 15 minute tak laga kar rakhe. Kuch der baad chahre ko thande paani se dho le. Agar aapko avocado nahi mil pa raha hai, to aap iski jagah aloe vera ka fresh palp bhi istmaal kar sakti hai. Yah pack skin mein kasav lane ka kaam karti hai.

Read Also : Pimple Aur Acne Hone Ki Wajah Aur Use Door Karne Ke Gharelu Nuskhe

6: Fruit acid :

Inhe hydroxy acid bhi kahte hai. Isse skin mein chamak aati hai aur skin mulayam bhi dikhti hai. Aaj ke samay mein skin par glow lane ke liye fruit acid glycolic acid ko fruit peel-of ke taur par clinic mein karaya jata hai. Kise achhe cosmetic clinic mein ise karaye.

Strawberry face pack :

Strawberry – 2
Honey – 2 chammach

2 Strawberry le aur use mash kare. Isme honey dal kar achhi tarah se mix kare. Ise apne poore face par apply kare aur 15 minute ke liye ise skin par laga kar rakhe. 15 minute ke baad apna face thande paani se dho le. Aap face pack taiyaar karne ke liye koi bhi khatta fruit jaise grapes, strawberry, raspberry, orange ko mash kare.

Read Also : How to Remove Tan at Home in Hindi

7: Anti oxidant :

Anti oxidant ek tarah ka paushtik tatv hai, jo body mein rog partirodhak (immunity) kshamata ko badhata hai. Ham bimariyon se fight kar paate hai. Umr ka prabhav skin aur baalo par deri se dikhta hai. Ise apni diet mein shaamil karne ke saath saath chahre par bhi lagaye. Iske istmaal se skin phir se khil uth padta hai. Black aur green grapes, strawberry, raspberry, orange, papita, chiku (sapodilla) jaise phalo mein anti oxidant bharpur matra mein paya jata hai.

Grapes  face pack :

  • Grapes – ek mutthi
  • Honey – 2 boond

Aap chahe iske liye black grapes ya green grapes ka istmaal kar sakti hai. Iske liye aap grapes le aur use mash kare, phir isme honey ki kuch boonde dal kar achhi tarah se mix kare. Aap chahe to honey ko istmaal mein na bhi laye. Ab ise apne pure face par apply kare aur 20 minute tak laga kar rakhe. Phir apna chahra saaf kar le. Yah aapke chahre ko clean aur soft bana dega.

Read Also : How To Take Care Of Skin In Summer Home Remedies

Inn mein se kisi bhi cheej ka istmaal karne se pahle expert ya doctor ki advice zaroor le. Kyunki yah zaroori nahi hai ki yah aapki skin ke liye sahi ho. Har kisi ki skin ek jaise nahi hoti hai. 

THANK YOU……

Leave a Reply

Your email address will not be published. Required fields are marked *