Chahre se Wrinkles ko Door Karne ke Tarika

Chahre se Wrinkles ko Door Karne ke Tarika

Har koi chahta hai ki wo hamesha young najar aaye. Lekin umr badhne ke saath jab chahre par wrinkle aur maheen rekhayen najar aane lagti hai, to apna he chahra mirror me dekhne ka man nahi karta hai. Badhti umr ko roka to nahi ja sakta hai, lekin iski raftaar ko kam kiya ja sakta hai. Aise me apne skin ka khayal rakhna bahut zaroori hai. Apne diet me badlav laye, khoob sara paani piye, achche product ka istmaal kare  aur yoga kare. Isse aap ke health aur skin dono he healthy rahenge.

Jaise aap badhti umr se judi bimariyon se bachne ke liye healthy lifestyle apnati hai, waise he skin ko jawa banaye rakhne ke liye bhi kuch baato ka dhayaan rakhe. Isliye ham aap ko Chahre se Wrinkles ko Door Karne ke Tarika batayenge, Jisse aap apne skin ka khayal rakh sakti hai.

Read also :  Beer Facial Mask Tips

Apne diet me kya shamil kare :

Chahre se Wrinkles ko Door Karne ke Tarika

Agar aap chahti hai ki aap ki skin young najar aaye to iske liye apne diet me aisa khana shamil kare jisme bharpur matra me poshak tatv maujood ho. Aap apne diet me fruit, vegetable shamil kare. Isse aap ke shareer ko takat aur skin ko zaroori poshan milta hai aur skin fresh feel karti hai.

1: Tamater aur lahsun me anti oxidant aur anti inflammatory gun hote hai, jo aging ki process ko dhima kar dete hai.

2: Din bher me kam se kam 3-4 liter paani piye. Isse aap ke chahre par hone wale wrinkle ko door karta hai aur yah hame kai bimaariyon se bhi bachata hai.

3: Avocado fruit me vitamin e aur anti oxidant bharpur matra me paya jata hai. Jo skin ko young aur fresh banaye rakhta hai.

4: Vitamin-A sabse jyada retinol ke roop me istmaal kiya jata hai. Aging (umr badhne) ki process ko dhima karne wala impressive element mana jata hai.

5: Yah sabse jyada dudh aur dudh se bane padartho jaise dahi, paneer , kaddu, tamater, kharbuja, broccoli, aam, papita, amrud (guava), gajar aur palak jaise fruit-vegetable me paya jata hai. Inhe regular apne diet me shamil kare.

6: Rajma (beans) me potassium aur fibers jyadah paya jata hai aur iske sevan se cholesterol kam hota hai. Jisse dil ki bimaariyan door hoti hai. rajma me protein adhik paya jata hai.

7: Skin me kasavat (tightening) banaye rakhne ke liye apne diet me essential fatty acid ko shamil karna bhi zaroori hai.

8: Alsi ke beej (linseed seed) , akharot (nut), badaam, hari pattedaar sabjiyan, olive oil, sabut anaaj aur ande khaye.

Read also : How to Remove Tan at Home in Hindi

Homemade remedies :

Chahre se Wrinkles ko Door Karne ke Tarika

Dudh aur haldi natural anti aging guno se bharpur hai. Haldi dry aur damage skin ko kudrati (natural) roop se poshan pradaan karta hai. Yah skin ka lachilapan (flexibility) banaye rakhta hai jisse badhti umr ka prabhav kam hota hai aur skin me nikhaar aata hai. Aankho ke niche aur aaspass ki skin sabse pahle dhili (loose) ho kar latak jati hai. Under eye area ki moisturizing zaroor kare. Khane me dudh aur dahi ko zaroor shamil kare. Raat ko sone se pahle kisi achchi night cream se under eye area ki massage kare.

Aap chahe to homemade remedies ka istmaal karke apne skin ka khayal rakh sakti hai. Isliye ham aap ko kuch gharelu face pack batayenge, jise aap istmaal me la sakti hai.

1: Gajar aur aalu ka face pack :

  • Gajar – 1
  • Aalu – 1
  • Haldi – thoda sa
  • Baking soda – thoda sa

Iss pack ko banane ke liye sabse pahle gajar aur aalu ko ubaal kar achchi tarah se mash kare. Ab isme chutki bhar haldi aur baking soda dale aur inhe achchi tarah se milaye. Ab iss pack ko apne face par lagaye aur 20 minute tak laga kar rakhe. Sukhne ke baad face ko garam paani se dho le.

2: Egg white ka face pack :

  • Egg white – 1
  • Cream – 1/2 chammach
  • Lemon juice – 1 chammach

Ek egg white me cream aur lemon juice dalkar achchi tarah se milaye. Ab iss pack ko apne face par lagaye aur 15-20 minute tak laga kar rakhe. Kuch deer baad paani se dho le. Yah pack aap ke skin ko tight karega.

3: Dahi, besan ka face pack :

  • Dahi – 2 chammach
  • Besan – 2 chammach
  • Haldi – 1/2 chammach

Yah pack aap ke skin me nikhaar aur kasavat lata hai. Iss pack ko banane ke liye dahi, besan aur haldi ko dalkar achchi tarah se mix kare. Ab iss pack ko achchi tarah se apne face par lagaye aur 15-20 minute tak laga kar rakhe. Sukhne ke baad sade paani se face dho le. 

4 :Multani mitti face pack :

  • multani mitti – 2 chammach
  • besan – 2 chammach
  • gulab jal – 5-6 bunde

Iske istmaal se skin ke romchhidr (open pores) khulte hai aur skin healthy rahte hai. Iss pack ko banane ke liye ek bowl me multani mitti, besan aur gulab jal ko dalkar achchi tarah se milaye aur iss pack ko apne face par lagaye. 20 minute tak laga kar rakhe aur kuch deer baad paani se dho le.

5: Safeed aur kala jeera ka face pack :

  • Safed jeera (cumin seed) – 1/2 chammach
  • Kala jeera (black cumin) – 1/2 chammach
  • Sarson – 1 chammach
  • Kala til – 1/2 chammach
  • Dudh – 1/2 cup

Ek bowl me safed jeera, kala jeera, sarson aur kala til ko achchi tarah se bareek pess le. Ab isme dudh dal kar pack taiyaar kare. Ab iss pack ko apne face par lagaye aur 15-20 minute tak laga kar rakhe. Phir face ko paani se dho le. Iss paste ko chahre par malne se daag door hote hai aur wrinkle bhi door hota hai.

Read also :  Lips Care Tips Homemade Remedies

Skin care product :Chahre se Wrinkles ko Door Karne ke Tarika

1: Jaise umr badhne ke saath aap apni pasand-napasand me badlav karti hai, waise he apne skin care range me badlav lana zaroori hai.

2: Koi bhi product lete samay skin ko exfoliate, revitalize aur nourish karne wale active ingredients yuqt face wash aur SPF 30 wali day care cream ka istmaal kare.

3: Raat ko sone se pahle chahre aur neck par moisturizing night cream se massage kare.

4: Aksar chahre ki skin se pahle neck ki skin dhili ho kar latak jati hai. Iska main kaaran iss jagah ko poshan na milna hai. Raat ko sone se pahle AHA yuqt cream se apne chahre wa neck ki massage kare.

5: Nahane se 15-20 minute pahle vitamin-E wa olive oil ki kuch bunde mila kar neck ki massage kare. Jab bhi facial karane jaye, to chahre ke saath neck ki bhi massage karaye.

Read also : Ubtan Banane ka Tarika in Hindi

Aaj hamne aap ko bataya ki chahre se wrinkle ko door karne ka tarika. Aap bhi iss tips ko follow karke apne skin aur health ki dekhbhaal kar sakte hai. Lekin aap kisi bhi product ka istmaal karne se pahle kisi expert se advice zaroor le. Taki woh aap ko ek achchi salah de.

Agar aap ko hamari yah tips pasand aayi ho to iss par like aur comment zaroor kare.

HAVE A NICE DAY AND EVENING…..THANK YOU….

Leave a Reply

Your email address will not be published. Required fields are marked *