Chahre Se Pimple Aur Acne Hatane Ke 10 Asan Gharelu Upay

pimple-se-chutkara-kaise-paye

Pimple Se Chutkara Kaise Paye :

Yah baat ham sabhi jante hai ki garmi ke season mein sabse jyada pimple (मुंहासा) ki problem hoti hai. Bahut se logo ke face par pimple chhote hoti hai aur bahut ke face par pimple bade hote hai. Jinki wajah se face par pimple ke nishaan ho jate hai. Baar baar pimple wali jagah par itching hoti hai. Kai baar to ham log pimple wali jagah par haanth bhi laga dete hai, jiski wajah se infection bhi ho jata hai. Inhi infection ki wajah se chahre par pimple bhar jata hai aur chahre par daag bhi padne lagte hai. Isliye yah aur bhi jyada zaroori ho jata hai ki aap apna chahra saaf aur gandaagi rahit (dirt less) rakhe. Taki aapke skin par oily glands kam active ho aur acne ki problems bhi control mein rahe. To phir chaliye aaj ham aapko batayenge ki chehre se pimple (मुंहासा) ko kaise hataye aur pimple ko hatane ka gharelu nuskha. 

Read Also : Hatho Ki Skin Par Hone Wali Samasya Ko Kaise Dur Kare Aur Gharelu Nuskhe

Special Anti Pimple Pack Homemade In Hindi :

1: Neembu (Lemon) :

  • Neembu – 1
  • Paani – 1 chhota chammach

Ek neembu le aur use kaat le. Ise halka sa nichode aur chhilko mein paani dalen. Jab neembu ke juice mein thoda sa paani dala jaye ga to yah thoda halka ho jaye ga. Ab aap ise chahre par halke haantho se scrub kare. Kuch deer ke baad apna chahre saade paani se dho le aur oil free moisturizer lagaye.

Read Also : Kiwi Fruit Se Paye Khoobsurat Twacha

2: Green Tea :

  • Green tea – 2 chhote chammach
  • Paani – 1 cup

Mana jata hai ki green tea mein anti inflammatory gun paya jata hai. Yah skin ki jalan ko shaant rakhta hai. Iske liye aap do chhote chammach green tea le aur ise ek cup paani mein dal kar ubaal le. 10 minute ke baad ise aanch se utaar kar thanda kar le. Cotton isme dale aur uska sara paani nichode aur isse apna chahra pochh le.

Read Also : Chahre se Wrinkles ko Door Karne ke Tarika

3: Daalchini (Cinnamon) :

  • Daalchini powder – 1 chhota chammach
  • Honey – 3 chhote chammach

Isse banane ke liye ek bowl mein 3 chhota chammach honey le aur usme 1 chhota chammach daalchini powder mila kar face mask banaye aur ise apne chahre par laga le. Ise 10-15 minute tak ke liye laga kar rakhe. Phir kuch deer baad chahra paani se dho le.

Read Also : 10 Shahnaz Hussain Homemade Beauty Tips For Dark Eye Circle

4: Apple Cider Vinegar :

  • Apple cider vinegar – 1 chhota chammach
  • Paani – 2 chhote chammach

Apple cider vinegar mein bhi antibiotic gun paya jata hai. Ise banane ke liye 2 chhote chammach paani mein 1 chhota chammach Apple cider vinegar dal kar milaye. Ise aap toner ki tarah istmaal kar sakti hai.

Read Also : Pimple Aur Acne Hone Ki Wajah Aur Use Door Karne Ke Gharelu Nuskhe

5: Honey :

Honey natural antiseptic ka kaam karta hai. Yah pimple ke daag ko dor karne mein madad karta hai. Ise aap apne chahre par lagaye aur ise 3 minute tak ke liye laga kar rakhe. Phir kuch der baad thande paani se chahre dho le.

Read Also : How to Remove Tan at Home in Hindi

6: Egg White :

  • Egg white – 1
  • Honey – 2 chhota chammach

Egg se taiyaar pack ke istmaal se skin ke open pores ki problem dor hoti hai aur skin par kasawat aati hai. Iss pack ko banane ke liye egg ka white wala hissa le aur usme honey dal kar achhi tarah se mix kare. Ise apne face par apply kare aur 15 minute ke liye laga kar rakhe. 15 minute ke baad chahra paani se dho le.

Read Also : How To Take Care Of Skin In Summer Home Remedies

7: Tea tree oil :

Aap jo bhi cleanser daily use karti hai usme 2 boond tea tree oil mila kar istmaal mein laye. Isse acne ki problem control hogi. White aur black heads ki problems se bhi chhutkara mil jaye ga.

Read Also : Ubtan Banane ka Tarika in Hindi

8: Pudina Ki Taazi Pattiyan :

  • Pudina ki pattiyan – 1 mutthi
  • Multani mitti – 2 chammach

Pudina ki taazi pattiyan le aur uska paste bana le. Isme multani mitti dal kar achhi tarah se mix kare. Ise apne pure face par achhi tarah se apply kare aur 20 minute tak laga kar rakhe. Phir jab yah sukh jaye , to face ko paani se dho le. Iske istmaal se pimple ke daag dor hoge.

Read Also : How To Take Care Of Skin In Rainy Season

9: Multani mitti :

  • Dahi – 2 chammach
  • Multani mitti – 2 bade chammach
  • Pudina patti ka taza ras – 1 chammach
  • Tulsi ki pattiyon ka fresh juice – 1 chammach

Ek bowl le usme dahi aur multani mitti ko dal kar mix kare. Ab isme pudina ki pattiyon aur tulsi ki pattiyon ka fresh juice milaye aur ise achhi tarah se mix kare. Iska gadha paste banaye aur ise apne saaf face par apply kare. Ise 15-20 minute tak laga kar rakhe. Jab yah halka sukh jaye to ise dho le. Aap iska istmaal hafte mein 3 baar kare.

Read Also : Garmi Me Aap Apne Skin Ki Care Kaise Kare

10: Jau Ka Atta :

  • Jau ka atta – 3 bade chammach
  • Tulsi ka juice – 1 chammach
  • Neem ki pattiyon ka fresh juice – 1 chammach

Besan ki jagah jau ka atta pimple wali jagah ke liye sabse jyada achha hota hai. Iske istmaal se skin ka color kaafi had tak saaf rahta hai aur oily glands par rok lag jati hai. Ise banane ke liye jau ka atta le aur usme tulsi ka juice aur neem ka juice dal kar milaye. Ise apne saaf chahre par lagaye aur ise 10 minute tak laga kar rakhe. Kuch der baad paani se chahra dho le.

Read Also : How To Remove Pimples Naturally And Permanently At Home

Leave a Reply

Your email address will not be published. Required fields are marked *