Castor Oil Benefits and Castor Oil Hair Pack

Castor Oil Benefits and Castor Oil Hair Pack
Beautiful thick hair

Aaj ke samay me baalo ka harm pahunchna aam baat hai. Baalo ke kharab hone ki sabse badi wajah pollution, ultraviolet rays, depression, tarah-tarah ki medicians aur dust aadi ki wajah se baalo ko kai tarah ki problems ka samna karna padta hai. Jiski wajah se baal dry, kamjoor aur chamak kho jati hai. Agar aap chahati hai ki aap ke baal lambe aur ghane rahe to iske liye castor oil best hai. Agar aap ke baalo me kisi bhi tarah ki koi problem ho to yah aap ki problem ko door karne me kafi asardaar hota hai.

Castor oil me vitamin-E, protein, aur mineral bharpoor matra me paya jata hai. Yah kaafi heavy hota hai,isliye yah baalo me se asaani se nikalta nahi hai. Jin logo ki scalp dry hoti hai, unhe yah oil istmaal karna chahiye.

Read also : How to Remove Dandruff From Hair Permanently at Home

Castor oil ke fayde :

Castor Oil Benefits and Castor Oil Hair Pack
Castor oil

1: Natural roop se baalo me shine lane ke liye :

Castor oil har tarah ke baalo ke liye faydemand hota hai aur yah baalo ko strong aur healthy banata hai. Agar aap chahti hai ki aap ke baal natural roop se shiny najar aaye to iske liye aap ko apne routine me oil ko shaamil karna hoga.

Remedies :

  • Castor oil – 3 chammach
  • Egg – 1

Iss hair pack ko banane ke liye ek bowl me castor oil aur egg ko dalkar achchi tarah se mix kare. Ab iss pack ko apne pure baalo par achchi tarah se lagaye aur 15-20 minute tak laga kar rakhe. Uske baad baal ko mild shampoo se dho le. Aap iska istmaal hafte me 2 baar he kare. Iske istmaal se aap ke baalo me shiny bani rahegi.

2: Baalo ke liye protect shield :

Castor oil me bharpoor matra me fatty acid paya jata hai, jo baalo ko natural roop se protect karta hai. Hamare baalo per padne wale ultraviolet rays se bachata hai. Isliye hafte me do baar castor oil massage zaroor kare. Taki baalo par hone wale bure parbhav se bacha ja sake.

Remedies :

  • Castor oil -4 bade chammach
  • Coconut oil – 4 bade chammach
  • Lemon juice – 1 chammach

Ek bowl me castor oil aur coconut oil ko barabar matra me mila le. Ab ise halka gunguna kare aur lemon juice dale. Ab isse apne sir ki massage kare aur 5 minute tak kare. Ab thoda sa paani garam kare aur usme towel ko dubo kar uska sara paani nikaal le. Ab ise apne pure sir par lapete aur aisa 5 baar kare. 30 minute ke baad baal ko mild shampoo se dho le.

3: black hair ke liye :

Castor oil me paye jaane wale natural gun baalo ko soft banata hai. Agar aap chahti hai ki aap ke baal black aur ghane najar aaye to iske liye castor oil ko zaroor istmaal me laye.

Remedies :

  • Castor oil – 4 chammach
  • Mehndi ki pattiyan – 1 mutthi

Ek pan me castor oil le usme mehndi ki pattiyan dale aur achchi tarah se garam kare. Phir thanda hone ke liye chhod de. Iss oil ko raat ko sone se pahle lagaye aur subah mild shampoo se baal dho le. Iska istmaal hafte me 2 baar kare.

Read also : Balo Ko Ghana Karne Ke Gharelu Nuskhe

Castor Oil Benefits and Castor Oil Hair Pack
Beautiful hair

4: Natural hair conditioner :

Baalo par regular castor oil ka istmaal baalo ko natural roop se conditioning ka kam karta hai. Aap apne baalo par castor oil se massage kare, yah aap ke baalo ko undar tak poshan dega aur baalo ko natural shine bhi de ga.

Remedies :

  • Castor oil – 2 chammach
  • Egg white – 1
  • Dahi – 1 chammach

Iss hair pack ko banane ke liye ek bowl me castor oil, egg white aur dahi ko dalkar achchi tarah se mix kare. Ab iss pack ko apne pure baalo par achchi tarah se lagaye aur 30 minute tak lagakar rakhe. Uske baad baal ko mild shampoo se dho le. Yah aap ke baal ko natural roop se conditioning kare ga.

5: Thick hair ke liye : 

Agar aap chahati hai ki aap ke baal motte najar aaye to iske liye apne baalo par regular oil massage kare. Isse aap ke baal undar se strong ho jaye ge aur hair fall ki problem bhi kam ho jaye gi.

6: Domuhe baal :

Jab baal dry hone lagte hai to baalo me domuhe ki problem ho jati hai, jiski wajah se baalo ki growth ruk jaati hai. Iss problem ko door karne ke liye castor oil ka istmaal zaroor kare. Yah aap ke baalo ko soft aur silky banaye ga.

Remedies :

  • Castor oil – 3 chhote chammach
  • Dahi – 1 chammach
  • Lemon juice – 1 chammach

Iss hair pack ko banane ke liye castor oil, dahi aur lemon juice ko achchi tarah se mix kare. Ab iss pack ko apne baalo par lagaye aur 15-20 minute tak lagakar rakhe. Iske baad baal ko mild shampoo se achchi tarah se wash kar le.

Read also : Hair Fall Control at Home in Hindi

Castor Oil Benefits and Castor Oil Hair Pack
Shiny and strong

7: Dandruff ke ilaaj ka liye :

Baalo me dandruff hone ki sabse badi problem bahari gandagi aur bacterial infection hai. Iss problem ko door karne ke liye castor oil achcha ilaaj hai. Is oil se maalish karne se sir par jama hone wali gandagi aur bacteria ki problem door hoti hai. Yah sir ke PH level ko banaye rakhne ke saath he dandruff ki problem door hoti hai. Castor oil me anti bacterial, anti fungal aur anti viral gun hote hai, jo baalo par hone wali problem ko door karta hai.

Remedies :

  • Castor oil – 3 bade chammach
  • Vinegar – 2 chammach

Ek bowl me castor oil aur vinegar ko mix kare. Isse apne baalo par lagaye aur raat bhir ke liye laga kar rakhe. Subah apne baalo ko mild shampoo se dho le . Iske istmaal se dandruff ki problem se jald chhutkara mil jaye ga. Iska istmaal hafte me 2 baar kare.

8: Hair fall ko door karne me : 

Agar baal lagatar gir rahe hai to unko rokne ke liye caster oil ek achcha upchaar hai chemical compound baalo ko girne se bachata hai aur saath he yah baalo ke root ko strong karta hai. Oil massage se blood circulation achche se kaam karta hai. Jisse baalo ko adhik poshan milta hai aur baal soft aur shine najar aate hai.

Remedies :

  • Methi powder – 2 chammach
  • Castor oil – 2 chammach
  • Lemon juice – 1 chammach

Iss hair pack ko banane ke liye ek bowl me methi powder, castor oil aur lemon juice ko achchi tarah se mix kare. Ise apne baalo par lagaye aur 15-20 minute tak laga kar rakhe. Uske baad baal ko mild shampoo se dho le.

Read also : How To Get shiny And Bouncy Hair At Home

Aaj hamne aap ko bataya ki castor oil ke fayde aur kuch homemade remedies. Aap bhi in tips ko follow karke apne baalo ko strong aur healthy bana sakti hai. To aap bhi in tips ko zaroor follow kare aur apne baalo ki dekhbhaal kare.

Agar aap ko inme se kisi bhi chij se allergy ya koi aur problem hai to aap unka istmaal na kare. Aap chahe to istmaal karne se pahle expert ki advice zaroor le. Tab aap usko istmaal me laye.

Agar aap ko hamari yah tips pasand aayi ho to comment zaroor kare.

HAVE A NICE DAY AND EVENING …..THANK YOU…..

Leave a Reply

Your email address will not be published. Required fields are marked *