Bridal Makeup Tips in Hindi

make up tips hindi

Bridal makeup tips in hindi:

Dulhan alfaaj sunne me jitna khoobsurat lagta hai usse kai guna us din dulhan khoobsurat najar aati hai. Woh din un ladkiyon ke liye sabse jyaadah special hota hai jo us din dulhan banti hai aur us din sabki najar sirf dulhan par he hoti hai. Us din unhe jitna bhi taiyaar kiya jaaye wo kam he lagta hai, lekin dulhan ke sirf ek smile he use sabse khoobsurat banata hai, kyonki muskaan se khoobsurat na koi makeup hai aur na he koi jewelry hai. Phir wo chahe duniya ki koi bhi dulhan kyon na ho. Lekin iss din unke  bridal makeup par khaas khayal rakha jata hai kyonki jara si bhi galti unke pure look ko kharab kar sakta hai.

Shaadi ke bahut sare function hote hai jaise sagai, haldi, mehndi aur sangeet. In sare function ke liye makeup bhi alag hone chahiye jisse bridal khoobsurat najar aaye. Isliye ham aap ko kuch tips bataen ge jisse aap dulhan ke look ko khoobsurat bana sakti hai.

Dulhan ka make

Sagai function:

Sagai shaadi ki pahli rasam hoti hai, isliye har dulhan is din sabse jyada khoobsurat najar aana chahti hai. Kyonki us din har kisi ki najar sirf dulhan par he hoti hai. Isliye ham aap ke liye sagai ke  kuch makeup tips bataenge. Jiski help se aap khud ko ek achcha look de sakti hai.

Face makeup tips:
Apni skin tone ke mutaabik chahre par foundation lagaye aur achchi tarah se blend kare, jisse skin par makeup base achhi tarah se taiyaar ho jaye. Aisa karne se skin natural aur saaph rang ki dikhegi.

1: Ardi rose shade ke blush se cheek bones se le kar kaan tak highlight kare. Isse gaalo ki rangat khoobsurat dikhegi.

2: Aakhri me nude beige ya peach shade se matha, naak aur gaalo par high shine ka istmaal kare. Aap chahe to thoda shimmer bhi dust kar sakti hai.

Eye makeup tips:
1: Aankho ke makeup ke liye black satin kajal upper aur lower lid par gahra aur mota-mota lagaye. Upper lid par patle liner se ek coat banae.
2: Aakhri me mascara ke 2 coat laga kar eye makeup me finishing touch de.

Lip makeup tips :
Hontho ka natural color rahne de. Enrich satin lip color lagae, jisme halka sa bronze ya gold look aaye.
Lip makeup ke aakhri me sheer satin gloss se finishing touch de.

dulhan ko kaise ready kare

Sangeet function:

Sangeet function sabse jyadah thaka dene wala din hota hai , is din dulhan bhi khoob dance karti hai. Isliye is din ka makeup bhi thoda khaas hona chahiye aur aisa makeup product ko istmaal me laye jo kharaab na ho. Isliye ham aap ko sangeet ke liye makeup tips bataenge. Jisse aap apne makeup ko perfect bana sakenge.

Face makeup tips:
1: Chahre par apne skin tone ke mutaabik foundation lagaye. Powder foundation ya cake foundation tab lagaye, jab aap ko iss function me khoob dance karna ho, kyonki isse foundation nahi bahega. Tavcha par makeup base tika rahega.
2: Rose blush ke light shade se cheek bones ko highlight kare. Isse chahre ka aakar bhi ubharega.

Eye makeup tips:
1: Bold eye color se eye makeup kare. Eye shadow lagane ke liye hamesha bahut patle brush ka istmaal kare jis tarah se aap eye liner lagati hai. Agar aap chahe to 2-3 color ke eye shadow laga sakti hai.
2: Magenta color ke eye shadow se upper eye lid par pahle ek gahri rekha lagaye. Isse aankho ka shape ubharega.
3: Magenta ke baad theek is ke oopar golden shade ke gahri rekha lagaye.
4: In do shades ke baad aap mehndi color ka eye shadow lagaye. Iss tarah aap teen color ka istmaal kar sakti hai.
5: Chahe, to apni dress ke saath matching color bhi laga sakti hai jaise magenta, golden aur green . In 3 shade ko aapas me blend na kare.
6: Aakhri me eye lashes par velvet black mascara ka coat lagaye.

Lip makeup tips :
Agar aankho ka makeup dark ho, to hontho ka makeup thoda halka kare. Hontho ko bhara-bhara dikhane ke liye velvet lip color lagaye.

makeup kit

Mehndi function:

Mehndi function me thoda dark makeup ko istmaal me laye. Isse apke face ko ek highlight look mile ga aur aap bahut khoobsurat lagengi.

Face:
1: Chahre par liquid foundation lagaye aur louse foundation set kare. Ek glowing base taiyaar ho jayega. thode se sheer se bhi feature highlights kar sakti hai.
2: Gaalo par ardi color ke blush lagaye. upar se transparent sheer lagaye, jisse gaalo ka color healthy dikhega.

Eye:
1: Aankho par gorgeous purple eye shadow lagaye.
2: Brush ya finger tips se eye shadow lagaye. Lower eye lid par bhi thoda sa purple eye shadow ka touch kare.
3: Aankho ke bahar ki or corner me rich gold shimmer lagaye. Halka sa smudge kare last me mascara ka coat lagaye.

Lip:
1: Natural color ke lipstick lagae. Satin lip color ke tarah-tarah ke shades hai, par aap natural color ko hi chune, kyonki aap ko lip color ki jagah eye makeup ko he highlight karna hai.
2: Jara sa golden lip color hontho ke beech me lagae. Isse honth bhare-bhare aur khoobsurat dikhenge.

Haldi function:

Haldi ke function me jyada makeup lagane ki jaroorat nahi hoti hai isliye halke makeup ka he istmaal kare.

Face:
1: Pure chahre par sirf moss lagae aur foundation sponge se smudge kare isse pure skin par aasani se foundation lag jaye ga. Jaroorat ho to face powder ka ek light coat laga sakti hai.
2: Gaalo par natural peach color ke blush on lagae aur thoda sa shimmer dust kare. Aakhri me bade makeup brush se extra powder nikaal de. Makeup natural dikhega.

Eyes:
1: Maanle ki aap ke aankho ka inner corner ‘v’ shape me hai, jo aapas me jud rahe hai. Is shape ko dhayan me rakhte hue brush ki help se eye shadow lagaye.
2: Uppar lash line ke bahri kone se le kar eyebrow ke bahri kone tak eye shadow se ‘v’ shape banae. Is shape me shadow ka gahra coat lagaye.
3: Black satin kajal uppar lid aur lower lid par lagaye.
4: Last me mascara ke do coat lagaye. Makeup se aankhe uthi hue aur chahra energy se bhara dikhaye dega.

Lip:
Nude color ka lip color lagaye aur hontho par bareek shimmer dust kare. Isse aap ke lips ko ek khoobsurat look milega.

hamne aap ko kuch makeup tips bataye hai. Jisse aap apni shaadi me in tips ko follow karke khoobsurat najar aa sakti hai. Aap jab bhi makeup ko chune to apne skin tone ke hisaab se chune ya usse ek shade jyada chune. Agar aap ko kisi bhi makeup product se allergy hai to aap us product ka istmaal na kare. Aap kisi expert se advice bhi le sakti hai ki aap ke liye kaun sa makeup product best hai. Agar aap ko hamari yah tips pasand aayi ho to ise like aur comment jaroor kare. Thank you….

Have a nice day & night….

Leave a Reply

Your email address will not be published. Required fields are marked *