Bleach Ka Istmaal Kaise Kare Bleach Ke Fayde Aur Nuksan

bleach ka istmaal kaise kare bleach ke fayde aur nuksan

Face par khoya hua nikhaar lane ke liye bleach ek achcha upay hai. Bleach ke istmaal se chahre par hue daag-dhabbo ko kam kiya ja sakta hai aur iske istmaal se skin ka color bhi nikharta hai. Aaj ke samay me itna pollution hai ki skin par dhool-mitti jam jati hai jiski wajah se skin damage hone lagti hai. Face par pimple aur dullness ki problem ho jaati hai. Lekin skin se in problem ko door karne ke liye bleach ka istmaal kare. Bleach ke istmaal se chahre ki dead skin remove ho jati hai. Jisse chahre par nikhaar aa jata hai.

Read also : Chehre Ke Baal Hatane Ke Gharelu Nuskhe

Bleach ka selection :

Kabhi bhi bleach ka istmaal karne se pahle yah jaan le ki aapke skin ke liye kis type ka bleach perfect hai jo aapki skin ko khoobsurat aur healthy banaye ga. Agar aap ki skin bahut jyada sensitive hai to aapke liye lacto bleach sahi hai. Kyonki lacto bleach bahut jyada hard nahi hota hai. Agar aap ka skin color fair hai to aap saffron bleach ka istmaal kar sakti hai aur agar dark skin hai to pearl bleach ka istmaal kare. Oxy bleach sabhi tarah ke skin ke liye achcha mana jata hai. Kisi special occasion ke liye gold bleach ka istmaal kare.

Bleach 2 tarah ke hote hai :

1: Cream- Iss bleach ka istmaal kewal face ke liye karna chahiye.

2: Powder bleach- Iska istmaal jyada tar haanth aur pair ke liye kiya jata hai.

Read also : How To Take Care Of Feet At Home

bleach ka istmaal kaise kare bleach ke fayde aur nuksan

Bleach ke fayde : 

Waxing karate rahne se face ki skin loose hokar jhulne lagti hai. Threading ke lagatar bareek roye hatane se inki jade dhire-dhire moti wa sakht hone lagti hai. Iss problem se bachne ke liye bleaching karate rahna chahiye. Chahre par bareek fine line hone ki wajah se kai baar skin ka color clean nahi lagta. Bleach ke istmaal se skin ke color me nikhaar aata hai aur saath he bareek roye bhi chhip jate hai.

Bleach ke side effect :

1: Bleach karne se skin ke baal bhure color ke ho jate hai. Isse skin ke daag- dhabbe halke ho jate hai. Lekin we bilkul saaf nahi hote hai.

2: Bleach ke lagatar karne se skin ki chiknai kam ho jati hai.

3: Galat ghool ban jane se skin ko harm bhi pahunch sakta hai aur allergy bhi ho sakti hai. Galat tarike se ghool taiyaar ho jane se skin jhulaas (scorching) jane ya kaale daag padne ke accident aksar dekhi gayi hai. Isliye bleach beauty parlour me ja kar he karaye.

Read also : How to Remove Dandruff From Hair Permanently at Home

bleach ka istmaal kaise kare bleach ke fayde aur nuksan

Bleach banane ka tarika :

Bleach ghool banane ke liye kisi cup ya bowl me 1 chammach bleach powder dal kar usme 1/2 chammach hydrogen peroxide aur 2-4 bund ammonia dal kar brush se achchi tarah mila dijiye. Hydrogen peroxide aur ammonia dalne ke baad bottol ka dhakkan turant band kar de.

Bleach karne ka tarika : 

1: Bleach ka istmaal karne se pahle use apne kaan ke piche laga kar test zaroor karle.

2: Ab clinging se face ko saaf kar le bleach solution ko chahre ke un hisso par pahle istmaal kare jahan daag-dhabbo ke nishaan hai. Gaalo par last me lagaye.

3: 10-15 minute ke baad chahre ko aaram se dho le, agar bleach suit na kare to face dho kar baraf ke kuch tukde kapde me lekar usse chahre par halke haantho se male.

4: Bleach pack lagane ke 5 minute baad dekhiye ki kahin itching ya jalan to nahi ho rahi. Pack ko kam se kam 10 minute tak laga kar rakhe aur uske baad face ko paani se wash kar le.

Read also : How To Make Natural Skin Toner At Home

bleach ka istmaal kaise kare bleach ke fayde aur nuksan

Bleach karne ke baad kya kare :

Apne pure face aur neck ko achchi tarah se saaf kar le uske baad cold cream se dhire-dhire maalish kare. Baad me astringent lotion lagane se skin ki jalan kam hoti hai. Kai baar ghool saaf karne ke baad face par chhote-chhote dane nikal aate hai. Aise me aap tension na le kuch deer baad yah daane apne aap saaf ho jaye hai.

Bleach kitne din me kare :

Bleach ke istmaal se aapke face par nikhaar aata hai. Lekin kisi bhi product ka lagatar istmaal karne se skin par side effect ho sakta hai. Isliye bleach ka istmaal karne se pahle ye jaan le ki bleach ka istmaal kitne dino me karna chahiye, jisse aap ke skin ko koi problem na ho. Bleach ka istmaal mahine me sirf 1-2 baar he karna chahiye aur facial 2 ya 3 mahine me 1 baar karna chahiye. Aisa karne se aapke skin ki natural chamak bani rahegi aur kisi bhi tarah ka koi side effect bhi nahi hoga. Agar ho sake to aap parlour me he jaa kar bleach karwaye yah aap ke skin ke liye achcha hoga.

Read also : Sandalwood Powder Our Oil Se Paye Khoobsurat Twacha

Aap bhi bleach ka istmaal kar ke apne skin ka nikhaar pa sakti hai. Agar aap ko isse releted koi bhi sawal aap puchhana chahati hai to aap hame comment zaroor kare.

HAVE A NICE DAY AND EVENING….THANK YOU…..

 

 

Leave a Reply

Your email address will not be published. Required fields are marked *