Beauty Treatment at home in Hindi

Beauty treatment:

Beauty treatment:

Hame apne skin ka khayal kam se kam hafte me ek baar jaroor rakhna chahiye taki hamari skin saph sur khoobsurat najar aaye. Agar aap ke pass Beauty treatment ke liye beauty parlour jane ka waqt na ho to aap ghar par bhi aaram se apne skin ka khayal rakh sakti hai. Aap ko bas iske liye hafte me ek din nikalna hoga aur apne skin ka khayal rakhna hoga. Isse aap ka samay aur paisa dono bhi bach jaye ga. Isliye ham aaj aap ko ghar par he beauty treatment kaise kare iske bare me kuch tips batayen ge jiski help se aap bhi apne skin aur hair ka khayaal rakh sakti hai. Isse aap ki skin saph aur khoobsurat lage gi.

Balo ki care kaise kare:

Pollution ka baalo par bahut bura asar hota hai, jiski wajah se baal gande, rukhe aur bejaan ho jaate hai. Kai baar to tarah-tarah ke product ka istmaal karne se bhi baalo ka bahut bura haal ho jata hai. Isliye baalo ki chamak ko pane ke liye hafte me ek din baalo ki khud se treatment kare. Jisse aap ke baalo me natural chamak barkaraar rahe.

baalo ki care in hindi

Hair massage oil at home:

  • Baalo ko dhone se pahle baalo par gunguna oil se maalish kare. Aap chahe to ghar par bhi special oil bana sakti hai. Iske liye aap ko til ka tel(sesame oil), coconut oil, sarson(mustard oil), badaam aur olive oil ko barabar matra me mila kar milayen.
  • Ab isme saabut methi dalen aur 7 din ke baad se isko istmaal me layen. Aap ise jyada matra me banaye aur lambe samay tak istmaal me laye.
  • Ab ise apne baalo me achchi tarah se laga kar maalish kare.

Hair steam treatment at home in hindi:

baalo me oil massage ke baad baalo me steam le. Baalo me steam karne ke liye aap ko ek bartan me garam paani le ab usme towel ko achchi tarah se dalkar bhigoye. Ab towel ka sara paani nikaal kar ise apne baalo me achchi tarah se lapete. Aisa 2-3 baar kare. Iski wajah se tel baalo ki jado me achchi tarah se pahunch kar baalo ko poshan(nutrition) dega. Ise baal majboot hoga aur baalon ki growth bhi achchi hogi.

 Hair pack at home in hindi (hair pack tips ):

Baalo ki stem ke baad hair pack lagayen. Hamesha hair pack apne baalo ke type ke mutaabik chune. Waise ande ki safedi har tarah ke baalo ke liye faydemand hota hai. Dahi rukhe aur bejaan baalo ke liye achcha hota hai.

Hair pack for oily hair:

Agar aap ke baal oily hai, to aap 2 ande ka safed bhaag le aur 1 chammach lemon juice dalkar achchi tarah se mix kare. Ab ise apne pure baalo par lagaye aur 15-20 minute baad baalo ko mild shampoo se dho le. Isse aap ke baalo me khoye hue chamak wapas laut aa jaye gi.

Hair pack for dry hair:

Agar aap ke baal dry aur rukhe hai, to aap 1 ande ka saafed bhaag le, 2-3 chammach unflavored yogurt aur 1 chammach honey le inhe achchi tarah se mix karke baalo par lagaye. Phir 15-25 minute ke baad baalo ko dho le. Iske istmaal se aap ke baal soft aur shiny najar aayenge.

hathon aur pairon ki hifazat

Haatho aur pairo ki dekhbhal:

Haatho aur pairo ki dekhbhaal na karne se unki halat kharaab ho jaati hai. Agar haanth aur pairo ki saptaah me ek baar treatment na ki jaaye, to we rukhe-sukhe ho jaate hai, adiyan (heel) fati hui najar aati hai aur un par gandagi jama hone lagti hai. Isliye apne haantho aur pairo ki dekhbhaal ke liye sirf 20-25 minute ka waqt de. Iske liye aap ko:

hathon aur pairon ki hifazat

Pairo ke liye:

Ham log hamesha apne hair, skin aur face ka he khayaal rakhte hai. Lekin ham log apne pairo ko bhul jate hai. Hame pairo ka bhi khayaal rakhna chahiye, taki woh healthy aur khoobsurat nazar aayi. Kya aap ko pata hai ki ek khoobsurat pair hamare self confidence ko badhate hai. Isliye aap bhi apne pairo ka khayal rakhe. Taki wo hamesha khoobsurat lage.

1: Ek tub me gunguna paani le ab usme namak, shampoo aur gilisreen ko dalen. Ab isme apne pairo ko 10 minute tak dalkar rakhe. Is ki madad se dehydrated aur fati adiyon se rahat mile ga.

2: Ab apne pairo ko brush aur foot scrubber se saph kare.

3: Ab pairo ko paani se bahar nikale aur pairo ko saph kare aur cuticle cutter se cuticles ko push kare taki dead skin nikal jaye aur cuticle cream ya olive oil se cuticles ki maalish kare.

4: Lemon juice, chini aur olive oil mila kar pairo ko tab-tak maalish kare jab tak chini ghul na jaayen. Ab pairo ko dho kar sukha le aur foot cream lagakar chhod de.

hathon aur pairon ki hifazat

Haantho ke liye:

1: Lemon juice, chini aur honey ko mila kar haantho par tab-tak maalish kare jab tak chini ghul na jaaye. Phir haantho ko paani se dho le.

2: Cuticle pusher se cuticles ko push kare aur dead skin ko nikaale.

3: Ab haantho me hand cream ya olive oil se massage kare .

4: Paani garam kare aur ab us par haatho ko bhaap (steam) de.

aisa hafte me ek baar karne se aap ke haath aur pair saph rahen ge aur maheen rekhaye bhi nahi ho gi. Aap bhi yah tips apna ke apne haatho aur pairo ka khayal rakh sakti hai.tanning se bachne ke upay

Tanning se bachne ke upay:

Dhup aur pollution se sun tan ho jata hai. Chahre par se tan ko door karne ke liye home made scrub bana sakti hai.

  • Iske liye aap ko dahi, jau ka atta aur honey mila kar paste taiyaar kare. Ab ise apne pure chahre par lagaye. Ab ise 10 minute tak laga kar rakhe phir ise halke haatho se massage kare. Ab gungune paani se chahra dho kar sukha le.
  • Ab massage cream se tavcha ki maalish kare. Thode se massage cream ko face aur neck par laga kar chhod de.
  • Paani garam kare aur ab garam paani me thoda sa neem ke pattiya, neembu ka chhilka, gulab ya gende ( marigold flower) ki pankhudiyan (petals) dalen aur isse chahre par 10 minute tak bhaap le. Dhayaan de ki jab bhi bhaap le to chahra garam paani ke bartan se na to bahut door ho aur na he bahut pass ho. Sahi duri par tavcha par bhaap le.
  • Bhaap lene ke baad chahre ko thande paani se dho le aur face pack lagaye.

Face pack ke liye:

Agar aap ko tan skin se chhutkara chahiye to aap ghar par he home made remedies bana kar tan ko hata sakti hai. Isliye ham aap ko tan door karne ki ek remedies batayen ge. Jisse aap apne tan skin ko hata sakti hai. Iske liye aap ko multaani mitti , dahi aur honey ko mila kar paste taiyaar kare. Ab ise apne chahre par lagaye aur 10-15 minute ke baad chahre ko saph paani se dho le.

Special bath tips:

  • Nahane se pahle pure shareer ki body oil se maalish kare aur oil ko 1 ghanta tak laga rahne de, jisse tavcha ko nami mil sake.
  • Ab besan, dahi, haldi, sarson ka tel, lemon juice mila kar paste taiyaar kare aur pure badan par lagaye.
  • Body brush se pure shareer ko brush kare. Isse dead skin nikal jaayegi.
  • Iske baad body lotion lagaye. Body lotion me kuch bund badaam ka tel aur do bund lavender essential oil dalen. Isse aap ki tavcha pahle ki tulna me mulayam aur saph lage gi aur aap ko fresh mahsus hoga.

Hamne aap ko bataya ki baalo ka, haantho-pairo aur skin ka khayal kaise rakha jaye. Aap bhi yeh tips follow karke apne baalo aur skin ka khayal rakh sakti hai. Lekin aap jab bhi koi home made treatment kare to apne skin type ke hissab se he kare. Agar aap ko hamari yah tips pasand aayi ho to ise like aur comment jaroor kare. Thank you….

Have a nice day & night..

 

 

Leave a Reply

Your email address will not be published. Required fields are marked *