Barsaat Ke Mausam Mein Baalo Ki Dekhbhal Karne Ke Asan Tarike

hair care in rainy season

Barsaat Ke Mausam Mein Baalo Ki Dekhbhal Karne Ke Asan Tarike :

Barsat ke mausam mein baal baaki ke mausam ke mukable jyada tutta hai. Kyunki iss mausam mein baal jyada chipchipe, gande ya baalo mein rukhapan badh jata hai, jiski wajah se hair fall ki problem badh jati hai. Waise bhi iss mausam mein baalo ka girna aam baat hai, zaroori hai to bas uski care karna. Humidity se bhara atmosphere har tarah ke baalo ke liye problem lekar aata hai. Lekin oily hair walo ke liye yah sabse badi problem hoti hai. Oily baalo se nikalne wala pasina atmosphere mein maujood dirt ko apni orr khinchta hai aur yahi wajah hai ki baal bahut jyada tutta hai.

Barsat ke mausam mein apne baalo ko cover karke he nikale iske liye aap dupatta, scarf ya umbrella ka istmaal kar sakti hai. Monsoon ke mausam mein baal ke chipchipe hone ki wajah se baalo ki halat bahut khrab ho jate hai. Agar inki sahi se dekhbhaal na ki jaye to yah kamjoor ho kar tuttne lagte hai. To chaliye aaj ham app ko bataenge ki iss mausam mein aap apne baalo ki care kaise kare. Barsaat Ke Mausam Mein Baalo Ki Dekhbhal Karne Ke Asan Tarike.

Read also : Castor Oil Benefits and Castor Oil Hair Pack

1: Baalo ko sukha rakhe :

Barsat ke iss mausam mein har koi bhigna chahata hai,lekin barsaat ke paani se hamare baalo ko sabse jyada nuksaan pahunchta hai kyunki baarish ka paani ganda aur acid se bhara hota hai jo humidity ko badhata hai saath he saath baarish ke paani se baalo mein dandruff aur bacterial infection bhi hota hai. Isliye baarish mein bhigne ke turant baad saaf paani se baal dhoye aur achhe se sukhane ke baad he baalo mein kanghi kare. Isse aapke baalo ko kam harm pahunche ga.

Read also : Benefits of Coffee Pack for Skin and Hair

2: Manageable hair cut :

Agar aap baarish ke mausam mein apne baalo ki care nahi kar pa rahe hai, to unhe chhota  karwade. Aap apne baalo ko utna he lamba rakhe jitna aap sambhaal sake. Iss mausam mein lambe baalo mein kanghi karne se baalo ke tutne ka jyada darr bana rahta hai. Isse aapke baal kafi damaged ho jate hai aur bahut jyada tutne bhi lagte hai. Isliye apne baalo ko itna lamba kat le , ki is mausam mein unhe sambhalne aur care karne mein aasani ho.

Read also : How to Remove Dandruff From Hair Permanently at Home

3: Healthy diet :

Baalo ki dekhbhaal sirf bahar se he karna zaroori nahi hai uski undar se bhi dekhbhaal karna bahut zaroori hai. Iske liye aapko healthy diet ka sahara lena hoga. Aapke baalo ke liye protein, vitamins aur minerals ki bahut jyada zaroorat hoti hai, iskeliye aapko omega-3, fatty acid, salmon, dahi aur palak aadi ki zaroorat hoti hai. Agar aap apne baal chamakdar aur khoobsurat banana chahti hai, to kidney beans, badaam, green vegetable, egg, salmon, carrot aur low fat dairy product khaye. 

Read also : Balo Ko Ghana Karne Ke Gharelu Nuskhe

4: Shampoo ka istmaal :

Barish ke mausam mein kam se kam hafte mein do baar apne baalo ko shampoo se zaroor wash karle. Aap apne baalo ke liye hamesha mild shampoo ya chemical free shampoo ka he istmaal kare. Baarish ke mausam mein baalo mein khujli, dandruff aur infection ka khatra badh jata hai. jiski wajah se baal bejaan aur kamjoor ho jate hai.

Agar aapke baalo mein dandruff  hai to use anti-dandruff shampoo se wash kare, kyunki dandruff ki wajah se baalo ki jade kamjoor ho jati hai aur isi ki wajah se  baal bahut jyada tutte hai. Shampoo karne se scalp achhi tarah se clean ho jata hai aur sath he baal healthy bhi bane rahte hai. 

Read also : Hair Removal Cream Istmaal Karne Ke Baad Kya Kare Iske Fayde Aur Nuksan

5: Oil massage :

Baalo ko poshan dene ke liye oil massage karna bahut zaroori hai. Iskeliye aap coconut, badam, castor, tea tree ya koi bhi aisa oil jo aapke baalo ke liye faydemand ho. Oil ko halka gunguna karke baalo ki achchi tarah se maalish kare. Oil ko 2-3 ghante tak lagakar rakhe aur uske baad mild shampoo se wash kar le. 

Read also : Garmi Me Aap Apne Skin Ki Care Kaise Kare

6: Avoid hair style :

Agar aap chahti hai ki barsat ke mausam mein aapke baal kamjoor na ho, to aap apne baalo ko bahut jyada tight na baandhe aur na he koi bhi aisa hair style banaye jo aapke baalo ko nuksaan pahunchaye kyunki  aisa karne se humidity ko badhawa milta hai isliye in dino mein baalo ko trim karwa kar koi aisa hair style banaye jo baalo ko nuksaan na pahuncha sake. Barsaat ke mausam mein styling product ka istmaal kam kare kyunki monsoon ke waqt in ka istmaal karna aapke baalo ke liye harmful sabit ho sakta hai. In sab mein bahut jyada matra mein chemical paya jata hai jo baalo ko dry aur bejaan bana dete hai.  

Read also : Shahnaz Hussain Homemade Beauty Tips For Glowing Skin

7: Apply hair conditioner :

Barsat ke mausam mein baal sabse jyada kharab hote hai aur saath he baal had se jyada frizzy ho jate hai. Isliye is problem se chhutkara pane ke liye sirf conditioner ka istmaal karke aap apne baalo ko attractive aur khoobsurat bana sakte hai. 

Market mein kai tarah ke hair conditioner milte hai lekin aap apne baalo ke liye aise conditioner ko kharide jo aapke baalo ke liye perfect ho. Jab aap apne baalo par shampoo kar le, to phir aap conditioner ka istmaal ka istmaal kare. Isse aapke baal soft aur shine ho jaye ge.  

Read also : How To Remove Pimples Naturally And Permanently At Home

hair care in rainy season in hindi

8: Balo ki safai ke liye home remedies tips :

Lemon juice :

Lemon juice ko ek mug paani me mila le aur shampoo se hair wash karne ke baad iss paani se apne baalo ko dhoye. Lemon ke istmaal se aapke baalo mein hue dandruff ki problem door ho gi aur saath he aapke baalo mein chamak barkaraar rahe gi.

Egg white :

Shampoo karne se ek ghanta pahle apne baalo mein egg white le kar achhi tarah se lagaye aur ise aisa he laga chhod de. Kuch der baad mild shampoo se hair wash kar le.

Aloe vera :

Agar aap chahti hai ki aapke baal strong aur shine bane rahe, to aap iske liye aloe vera gel ka istmaal kar sakti hai. Hafte mein do baar aloe vera gel se malish karne se baalo ka girna kafi had tak kam ho jata hai. Agar aapke baal dry hai to yah aapke baalo ko poshan dekar scalp ko thek karta hai.

Read also : Peel Off Face Mask Banane Ka Tarika Aur Iske Fayde

Hair care tips:

1: Hamesha apne baalo ke hisab se he achhe quality ka conditioner istmaal kare.

2: Swimming mein jane se pahle aur uske baad mein apne baalo ko normal paani se ek baar zaroor clean kar le.

3: Baarish mein baalo ki sahi dekhbhaal na hone par aur postion na milne se baal kamjoor ho kar tutne lagte hai.

4: Daily baalo mein shampoo kare, lekin shampoo ko hamesha dilute karke istmaal mein laye. Isse aapke baalo ko kam nuksaan pahunche ga.

5: Baalo ko dhoop se bachaye. Bahar jane se pahle apne baalo ko cover karke jaye.

6: Apne baalo ke liye badi comb ka istmaal kare. Isse aapke baal kam tutenge. Agar ho sake to wood comb ka he istmaal kare.

7: Mansoon mein baalo ke liye protien treatment zaroor karye.

8: Agar ho sake to dusro ki kanghi ka istmaal na kare. Kanghi ka istmaal karne se pahle use achhi tarah se wash kar le.

9: Kam se kam hafte mein ek baar hair oil massage zaroor kare. Halke gungune oil ka he istmaal kare.

10: Agar aapke baal gile hai, to use khula he rakhe.

11: Jitna ho sake hair dryer ka kam se kam istmaal kare.

12: Din bhar mein 8-10 glass paani piye.

13: Aloe vera gel ka istmaal hair massaga mein karne se fayda hota hai.

Read also : Natural Beauty Tips For Glowing, Whitening And Healthy Skin

HAVE A NICE DAY AND EVENING…..THANK YOU….

Leave a Reply

Your email address will not be published. Required fields are marked *