Balo ko Silky aur Shiny karne ka Tarika

Balo ko Silky Karne ke liye Gharelu Nuskhe

Aaj ke samay me baalo ki sabse badi problem yah hai ki hair fall badhta he ja raha hai. Duph, pallution, tez hawaye aur kai tarah ke treatment ki wajah se baal dry aur bezaan ho jate hai jiski wajah se baal bahut jyadah girte hai. Baalo ko daily wash karne se bhi ye oily aur chipchipe ho jate hai. Aaj ke samay me har koi chahta hai ki unke bhi baal bahut khoobsurat najar aaye, lekin kisi ke bhi paas itna waqt nahi hota hai ki wo beauty parlour me ja kar apne baalo ka treatment kara sake.

Aap chahe to ghar par bhi apne baalo ko clean kar sakti hai, jisse aap ke baal silky aur shiny najar aayenge. Baalo ko mild shampoo se wash karne ke baad thode se paani me vinegar dalkar usse apne baalo ko dho le isse aap ke baalo me chamak aa jayegi. Agar aap chahe to lemon juice ya beer ka bhi istmaal karke apne baalo ko silky bana sakti hai.

Agar aap ke baal bahut jyada girte hai ya we bahut jyadah dry hai, to daily hair oil massage zaroor kare. Isse aap ke baalo ko bharpur matra me poshan mile ga jisse aap ke baalo ko ander tak majbuti milegi. Iske liye aap ko daily oil massage karni hogi.

Read also :  Balo ke liye Mehndi banane ka tarika aur tips

Hair oil massage karne ka tarika :

Jab bhi hair oil massage kare to sabse pahle kisi expert se zaroor yah advice le ki aap ke baalo ke liye kaun sa hair oil achcha hai kyonki agar aap ne koi bhi aisa oil ka istmaal karliye jo aap ke baalo ke liye achcha nahi hai, to wah aap ke baalo ke liye harmful ho sakta hai.

Jab bhi oil lagaye to oil ko sabse pahle halka gunguna karle. Agar aap ke baalo me dandruff hai to aap isme lemon juice dal dakti hai. Phir ise apne baalo par lagale aur achchi tarah se maalish kare. Uske baad garam paani me towel ko dalkar uska sara paani nikal la. Ab ise apne baalo per achchi tarah se cover kar le aur aisa 5-6 baar kare. 2-3 ghante baad baal ko mild shampoo se dho le.

Read also :  Hair Fall Control at Home in Hindi

Homemade remedies:

Homemade remedies:

Ham aap ko kuch homemade remedies ke bare me batayenge, jise aap istmaal karke apne baalo ki dekhbhaal kar sakti hai.

Anda aur castor oil :

  • Anda – 1
  • Castor oil – 2 bade chammach
  • Vinegar – 1 chammach
  • Glycerin – 1 chammach

Ek bowl me anda, castor oil, vinegar aur glycerin ko dalkar iss mishran ko achchi tarah se mix kare. Phir iske baad baalo ki jado me halke haantho se lagaye, phir sir ko shower cap ya towel se cover karde aur 1 ghante ke liye ise chhod de. Phir baalo ko mild shampoo se dho le. Isse aap ke baal silky aur shiny ho jayenge.

Onion juice :

  • Honey – 1 chammach
  • Onion juice – 1
  • Olive oil – 1 chammach

Ek bowl me honey, onion juice aur olive oil dalkar achchi tarah se milaye. Ab iss paste ko apne baalo par lagaye aur 30 minute laga kar chhod de. Phir baal ko mild shampoo se dho le ya aap chahe to baalo ko vinegar se dho le. Iske liye aap ko thode se paani me 3-4 chammach vinegar dale aur apne baalo ko dho le. Isse aap ke bejaan aur dry hair ki problem door hogi aur aap ke baal shiny aur silky najar aayenge.

Dahi aur sarson oil :

  • Egg yolk – 2
  • Vinegar -2 chhote chammach
  • Dahi – 2 chammach
  • Sarson ka tel – 1 chammach

Ek bowl me egg yolk, vinegar, dahi aur sarson ka tel dalkar achchi tarah se mix kare aur ise tab tak milate rahen jab tak yah pila gadha paste na ho jaye. Ab iss mishran ko apne baalo me lagaye aur kisi towel se baalo ko cover kar le aur aisa 30 minute tak dhak kar rakhe. Aakhri me thande paani se baalo ko dho le. Ise hafte me do baar istmaal me laye.

 Brandy aur honey :

  • Vitamin-D oil – 10 ml
  • Castor oil – 1 bottle
  • Lemon juice – 1 chammach
  • Brandy – 3 chammach
  • Honey – 2 chammach
  • Onion – 1 (juice)
  • Egg yolk – 2

Brandy ko chhod kar in sabhi samagri ko ek saath paani me daal kar halka garam kare aur last me brandy mila kar baalo par lagaye. Ise 8-9 ghante tak laga kar rakhe  ya aap chahe to raat ko sone se pahle ise apne baalo me laga le. Subah wash karle. Yah aap ke baalo ka tutna, bejaan aur jaisi problem ko door karta hai.

Egg aur lemon juice :

  • Egg – 1
  • Lemon juice – 2 chammach
  • Coconute oil – 1 chammach
  • Milk – 1 chammach

Egg baalo ke liye ek bahtreen conditioner hai jo baalo ki dryness ko door karta hai. Iss pack ko banane ke liye, ek bowl me egg, lemon juice, coconut oil aur milk ko dalkar achchi tarah se mix kare. Ab iss paste ko apne baalo par lagaye aur 30 minute tak laga kar rakhe. Uske baad baalo ko mild shampoo se dho le.

Mehndi aur egg :

  • Mehndi – 3 bade chammach
  • Egg – 1
  • Lemon juice – 3 bade chammach

Mehndi ke istmaal se baalo me ek nai chamak aati hai. Yah  baalo ke liye ek behtreen conditioner hai. Iss pack ko banane ke liye, ek glass paani ko halka garam kare ab iss paani me mehndi dalen aur achchi tarah mix kare. Ab isme egg aur lemon juice dalkar achchi tarah se milaye. 2 ghante ke liye isse rakh de. Uske baad ise apne baalo me achchi tarah se lagaye aur 3-4 ghante ke liye chhod de. Iske baad jab yah sukh jaye to ise paani se dho le.

Read also :  Homemade Hair Conditioner in Hindi

Aaj hamne aap ko bataya ki baalo ko silky aur shiny karne ka gharelu tarika jisse aap apne baalo ki care kar sakti hai. To aap bhi iss tips ko follow kare aur apne baalo ki care kare. Agar aap ko inme se kisi bhi chez se allergy hai ya koi aur bhi problems hai to aap uska istmaal na kare. Kyonki wah aap ke baalo ke liye harmful ho sakta hai. Aap chahe to kisi expert se advice le, tabhi uska istmaal kare.

Agar aap ko hamari yah tips pasand aayi ho to ise like aur comment zaroor kare.

HAVE A NICE DAY AND EVENING…..THANK YOU…

Leave a Reply

Your email address will not be published. Required fields are marked *