8 Natural Hair Dye : How To Color Your Hair Naturally At Home

how-to-color-your-hair-naturally-at-home

Aaj ke samay mein tarah tarah ke hairstyle aur hair color fashion mein chal rahe hai. Hairstyle karte waqt baalo ko utna nuksaan nahi pahunchta hai jitna hair color karwane mein. Bazaar mein hair color ke liye kai tarah ke hair color aur dye milte hai, lekin jyadatar hair color mein chemical istmaal kiye jata hai. In chemical ki wajah se baalo ko kafi nuksaan pahunchta hai aur isi ke saath health par bhi bura asar padta hai. Agar aap chahti hai, ki aap ke baalo ko koi nuksaan na pahunche to iske liye aap natural home remedies ka istmaal kar sakti hai. To phir chaliye aaj ham aapko kuch home remedies batayen ge jinke istmaal se aap apne baalo ko natural roop se color kar sakti hai. 8 Natural Hair Dye : How To Color Your Hair Naturally At Home.

Read also : Balo ko Silky aur Shiny karne ka Tarika

1: coffee se paye natural brown color:

coffee-for-hair-color

ham aksar coffee ka istmaal pine mein ya skin glow karne ke liye karte hai. lekin kya aap jaanti hai, ki coffee ke istmaal se baalo ko bhi color kiya ja sakta hai. Kyunki coffee ke istmaal se aap apne baalo natural brown shade de sakti hai. Iske liye aap mahndi mein coffee aur ek chammach lemon juice milakar paste banaye aur ise apne pure baalo mein achhi tarah se laga le. Ise 2-3 ghante tak laga kar rakhe aur phir sukhne ke baad normal paani se baal ko dho le. Isse aap ke baalo ka color natural brown shade mein aa jaye ga.

Aap chahe to coffee ko sirf normal paani mein mila kar ke bhi istmaal mein la sakti hai. Iske liye aapko paani mein coffee dalkar dark paste banana hai aur ise apne baalo mein achhi tarah se laga le. Iske istmaal se bhi aapke baalo ka color natural dark brown shade mein aa jaye ga.

Read also : Hair Fall Control at Home in Hindi

2: Mehndi (henna) :

henna-powder-for-hair-color

Agar aap chahti hai, ki aapke baal natural red color mein rahe to aap henna ka istmaal kar sakti hai. Kyunki henna baalo ko color karne ka natural ingredients hai. Yah sirf aapke baalo ko color he nahi kare ga balki yah aapke baalo ko ander tak conditioning aur nourishing kare ga. Henna pack banane ke liye bowl mein 1/2 cup henna aur 1/2 cup paani le aur dono ko achhi tarah se mix karke smooth aur dark paste bana le. Phir ise apne pure baalo mein achhi tarah se laga le aur ise shower cap se cover kar le. Ise 2-3 ghante tak laga kar rakhe aur phir saaf paani se baalo ko dho le. Agar aap apne baalo ko red color ki jagah brown shade dena chahti hai,to aap henna mein black tea mila sakti hai. Henna ka color kam se kam ek mahine tak rahta hai.

Read also : Hair Oil ke Fayde

3: Daalchini :

cinnamon-for-hair-color

Daalchini jahan ek orr hamare skin ko khoobsurat banata hai wahin yah hamare baalo ko bhi khoobsurat banata hai. Daalchini ke istmaal se aap apne baalo ko brown shade de sakti hai. Iske liye aapko paani mein dalchini dalkar achhi tarah se ubaalna hai, taki uska sara color paani mein chala jaye aur isi paani se aap apne baalo ko achhi tarah se wash kar le. daalchini mein maujood gun baalo ki growth ke saath saath scalp ko sahi karne ka bhi kaam karta hai. Agar dandruff ki problem hai, to use bhi door kiya ja sakta hai. Agar aapko hair fall ki problem hai, to daalchini aur honey ka mishran mila kar sir par lagaye.

Read also : Homemade Hair Conditioner in Hindi

4: Black tea :

black-tea-for-hair-color

Black tea ke istmaal se bhi baalo ko color kiya ja sakta hai. kyunki black tea mein tannic acid paya jata hai. Jiske istmaal se baalo ka color change kiya ja sakta hai. Ise banane ke liye tea bag ya chai ki patti dal kar khoob kadi chai bana le. Phir iss chai ko apne baalo par achhi tarah se laga le aur ise 30 minute tak laga kar rakhe. Phir kuch deer baad halke gungune paani se baal ko dho le. kuch dino tak iska istmaal karne se baalo ka color natural roop se highlight ho jaye ga.

Read also : Balo ke liye Mehndi banane ka tarika aur tips

5: Akharot (walnut) ka istmaal:

Walnuts-for-hair-color

Agar aap apne baalo ka color chahti hai ki wo long time tak chale, to iske liye aap akharot ke chhilke ka istmaal kar sakti hai. Ise banane ke liye sabse pahle akharot ke chhilke ko bareek pess le aur phir uske baad us paste mein thoda sa paani dalkar halki aanch par kam se kam 30 minute tak ubaal le. Phir jab ye ubal jaye to ise thanda hone de aur apne baalo par lagaye. Is paste ko baalo par 1 ghante ke liye laga rahne de. Phir jab yah sookh jaye to ise normal paani se dho le.

Read also : Barsaat Ke Mausam Mein Baalo Ki Dekhbhal Karne Ke Asan Tarike

6: Apple cider vinegar :

apple-cider-vinegar-for-hair-color

Baalo ko clean karne ke liye apple cider vinegar ek achha tarika hai aur soy sauce baalo ko dark color deta hai. Ise asani se wash kiya ja sakta hai. Ise banane ke liye ek jug mein apple cider vinegar aur soy sauce dal kar achhi tarah se mix kare. Pahle apne baalo ko shampoo aur conditioner se dho le. Phir apne baalo mein vinegar soy sauce ka mixture dale aur kuch deer tak sukhne de aur uske baad baal ko paani se dho le. Aap iska istmaal month mein 2-4 baar kar sakti hai.

Read also : Balo Ko Ghana Karne Ke Gharelu Nuskhe

7: Chukandar :

Beetroot-juice-for-hair-color

Agar aap apne baalo ko natural aur dark red shade dena chahti hai, to phir aap iske liye gajar ke juice mein kam se kam ek glass chukandar ka ras mila le aur phir uske baad us juice ko apne pure baalo par achhi tarah se laga le. Ise kam se kam ek se do ghante tak laga rahne de aur jab yah sukh jaye to ise saaf paani se dho le.

Read also : Castor Oil Benefits and Castor Oil Hair Pack

8: Lemon juice :

lemon-juice-for-hair-color

Ek spray ka bottle le, isme 1 hissa paani ka le aur 2 hissa lemon juice le. Dono ko shake karke achhi tarah se mix kare. Ab aap apne baalo ke un hisso par spray kare jise aap highlight karna chahti hai. Ab ek ghante ke liye dhoop mein bahar nikal jaye, agar aap bahar nahi nikalna chahti hai, to aap blow dryer ka istmaal kar sakti hai. Blow dryer ko hot setting par set kare aur aap un jagho par heat kare jinhe aap highlight karna chahti hai. Phir ek ghante baad apne baalo ko shampoo aur conditioner se wash kar le. Aap iska istmaal hafte mein ek baar kar sakti hai.

Read also : How to Remove Dandruff From Hair Permanently at Home

HAVE A NICE DAY AND EVENING….THANK YOU…..

Leave a Reply

Your email address will not be published. Required fields are marked *